សំណង់អគារធនាគារវីងថៅវើ ឆ្លុះបញ្ចាំងពីសារៈសំខាន់ នៃកត្តាសុខសន្តិភាពរបស់កម្ពុជា!?
03-April-2024 / សេដ្ឋកិច្ច
ភ្នំពេញ៖សម្តេចធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ចាត់ទុក ការសម្រេចសាងសង់អគារធនាគារវីងថៅវើនេះ ក៏បានបង្ហាញអំពីទំនុកចិត្ត និងការជឿជាក់ របស់វិស័យឯកជន និងក្រុមប្រឹក្សាធនាគារ មកលើបរិយាកាសធុរកិច្ចរបស់កម្ពុជាផងដែរ។
នៅក្នុងឱកាសអញ្ជើញជាអធិបតីភាព ជាមួយនឹងលោកជំទាវបណ្ឌិត ពេជ ចន្ទមុន្នី សម្ពោធដាក់ឱ្យប្រើប្រាស់ជាផ្លូវការអគារធនាគារ វីងថៅវើ មានទីតាំងស្ថិតនៅលើមហាវិថីព្រះមុនីវង្ស ស្ថិតនៅចំកណ្តាលរាជធានីភ្នំពេញ នាព្រឹកថ្ងៃទី២០ ខែធ្នូ ឆ្នាំ២០២៣នេះ, សម្ដេចមហាបវរធិបតី ហ៊ុន ម៉ាណែត មានប្រសាសន៍ បានគូសបញ្ជាក់ថា ការសម្រេចសាងសង់ អគារធនាគារវីងថៅវើ នៃក្រុមហ៊ុនរ៉ូយ៉ាល់គ្រុប បានឆ្លុះបញ្ចាំងអំពីសារៈសំខាន់ នៃកត្តាសុខសន្តិភាព ដែលជាមូលដ្ឋានគ្រឹះសម្រាប់ការអភិវឌ្ឍ។សម្ដេច បានលើកទឹកចិត្តឱ្យវិនិយោគិនទាំងក្នុងស្រុក និងក្រៅស្រុក ធ្វើយ៉ាងណាសហការជាមួយគ្នា ក្នុងការជំរុញឱ្យកាន់តែមានភាពរីកចម្រើន នៅក្នុងវិស័យធនាគារ។
សម្រាប់ប្រតិបត្តិការសម្តេចធិបតី ហ៊ុន ម៉ាណែត ឲ្យដឹងថាថ្មីៗនេះធនាគារវីងបានសហការជាមួយក្រសួងកសិកម្មរុក្ខាប្រមាញ់ និងនេសាទដោយបានព្រមព្រៀងផ្តល់កម្ចីឥណទានប្រមាណ ៥ លានដុល្លារអាមេរិក ដល់ប្រជាកសិករក្នុងអត្រាការប្រាក់ទាប ដើម្បីជួយដល់អ្នកប្រកបរបរកសិកម្ម ក៏ដូចជាអ្នកជំនួញក្នុងវិស័យកសិកម្ម សំដៅលើកកម្ពស់ការជួយជំរុញការអភវិឌ្ឍវិស័យកសិកម្មអោយលឿនទៅមុខមួយកម្រិតទៀត។ ធនាគារវីងក៏បានបង្កើតភាពជាដៃគូជាមួយសហភាពសហព័ន្ធយុវជនកម្ពុជា ដើម្បីជួយសម្រួលទៅដល់យុវជនអោយទទួលបានចំណេះដឹងផ្នែកហិរញ្ញវត្ថុចាំបាច់នានា ក្នុងការបង្កើនជីវភាពប្រចាំថ្ងៃរបស់ពួកគេតាមរយៈការទទួលបានបទពិសោធន៍ហិរញ្ញវត្ថុនៃធនាគារឌីជីថលដ៏ទំនើប ដូចជាការចូលរួមបង្កើតគំនិតផ្តួចផ្តើមថ្មីៗជាច្រើន។
ធនាគារវីងបានចូលរួមការគាំទ្រដល់ការអនុវត្តគោលនយោបាយបច្ចេកវិទ្យាហិរញ្ញវត្ថុ (Fin Tech) នៅកម្ពុជាដែលបានពង្រីកវិសាលភាពនៅក្នុងការផ្តល់សេវាហិរញ្ញវត្ថុកាន់តែសម្បូរបែប។សម្តេចធិបតី នាយករដ្ឋមន្ត្រី ផ្តល់អនុសសាសន៍ថា ៖ ដើម្បីលើកស្ទួយវិស័យ ទេសចរណ៍ នៅកម្ពុជាឲ្យកាន់តែរីកចម្រើន ខ្លាំងក្លា បន្ថែមទៀតនោះ មិនថា ធនាគារវីង ឬធនាគារណានោះទេ គប្បី ធ្វើការ ពិនិត្យ និងរៀបចំឡើងវិញ ក្នុងការផ្តល់ឥណទានដល់វិស័យនេះ។សម្តេចធិបតី នាយករដ្ឋមន្ត្រី ក៏បានស្នើដល់បណ្តាធនាគារទាំង អស់ពិនិត្យ លទ្ធភាព ក្នុងការផ្តល់ ឥណទាន ទៅ សហគ្រាស ធុនតូច និង ធម្យមផងដែរ ដើម្បី ធ្វើ យ៉ាង ណាជួយ សម្រាល ស្ថាន ភាព របស់ សហគ្រាសទាំងនោះ ឲ្យកាន់តែប្រសើរ និង ដើម្បីជួយជំរុញដល់ ចរន្តសេដ្ឋកិច្ច នៅកម្ពុជា កាន់តែល្អជាងមុនជាដើម។
សូមជម្រាបថា អគារធនាគារ វីងថៅវើ មានកម្ពស់ ២៥ជាន់ ជាទីស្នាក់ការកណ្ដាលរបស់ធនាគារវីង ដែលជាគ្រឹះស្ថានហិរញ្ញវត្ថុឈានមុខនិងជោគជ័យមួយដែល បានវិវត្តខ្លួន ពីក្រុមហ៊ុនផ្តល់សេវាផ្ទេរប្រាក់ ទៅជាធនាគារពាណិជ្ជពេញលេញ។ ធនាគាវិងជាធនាគារមួយក្នុងចំណោមធនាការនិស្ថាបន័មិនក្រូហិរញ្ញវត្ថុច្រើជាង៥០០ទូទាំងប្រទេសដែលទទួលបានសិទ្ធពីក្រសួងការងារក្នុងការទទួលបើកប្រាក់បៀវត្សឲ្យកម្មករបុគ្គលឹកក្រុមហ៊ុនឯកជនផងដែរដែលធ្វើឲ្យធនាគារនេះអាចរកចំនូលពីការផ្ទេរប្រាក់យ៉ាងស្រួល។
ការពិតមានធនាគារច្រើនមិនប្រាកដថាបានជួយស្រុកបានជោគជ័យទាំងស្រុងនោះទេ។ព្រោះរបាយការណ៍ថ្មីមួយដែលសិក្សាដោយអង្គការលីកាដូ និងអង្គការសមធម៌កម្ពុជាបានរកឃើញថា អ្នកខ្ចីប្រាក់ភាគច្រើនគឺ«ជាប់ជំពាក់បំណុលច្រើនលើសលប់» ហើយក៏មានករណីលក់ដីដើម្បីសងបំណុលផងដែរ។របាយការណ៍នេះបានប៉ាន់ប្រមាណថា ប្រជាពលរដ្ឋខ្មែរជាង១៦៧.០០០នាក់នៅទូទាំងប្រទេសបានលក់ដី ដោយសារភាពជាប់ជំពាក់បំណុលក្នុងរយៈពេល៥ឆ្នាំចុងក្រោយ។
បើតាមសេចក្តីប្រកាសព័ត៌មានរបស់អង្គការទាំងពីរចេញផ្សាយនាថ្ងៃអង្គារនេះ ការសិក្សាស្រាវជ្រាវនេះបង្ហាញថា ការរីករាលដាលនៃភាពជំពាក់បំណុលច្រើនលើសលប់បាននាំឱ្យមានការរំលោភសិទ្ធិមនុស្សធ្ងន់ធ្ងរជាច្រើន រួមមានភាពអត់ឃ្លាន ពលកម្មកុមារ និងការលក់ដីដោយបង្ខំជាដើមនៅទូទាំងខេត្តកំពង់ស្ពឺ។សម្រាប់ឆ្នាំ២០២៣នេះបើតាមហ្វេសប៊ុកកន្និដ្ឋាសូ(Kanitha Show)បាននិយាយថាប្រជាពលរដ្ឋខ្មែរជម្ពាក់បំណុលធនាគាររហូតដល់១៦ពាន់លានដុល្លារអាមេរិកគឺច្រើនជាផលទុនសរុបរបស់រដ្ឋទៅទៀតដែលជាហានិភ័យខ្ពស់ប្រសិនបើមិនមានវិធានការដោះស្រាយឬទប់ស្គាត់ការផ្តល់កម្ចីមិនត្រឹមត្រូវ។ម្យ៉ាងបំណុលនេះប្រសិនបើស្រុកខ្មែរជួបវិបត្តិសេដ្ឋកិច្ចប្រជាពលរដ្ឋមានចំណូលតិចវានឹងធ្វើឲ្យកើតឡើតឡើដូចការវាយតម្លៃរបស់អង្គការលីកាដូមិនខាន៕
