វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5703 នាក់
ម្សិលមិញ 6001 នាក់
សរុប 13878533 នាក់
ខេត្តកំពង់ឆ្នាំង ៖ មានរឿងធ្វើអោយមានការហួសចិត្តមួយគឺស្ត្រីម្នាក់ដែលប្ដីរបស់គាត់ជាមន្ត្រីពន្ធនាគារខេត្តកំពង់ឆ្នាំងក្រោយពីប្តីស្លាប់បានជាង៣ខែ ពេលទូរស័ព្ទសួរទៅសួរអ្នកបើកលុយ គេឆ្លើយថាអត់មានលុយទេ ទាល់តែមានអ្នកស្លាប់បួនដប់នាក់ ទើបបានគេបើកលុយឲ្យម្ដង ។
លោកស្រី វង្សវណ្ណារី អាយុ ៦០ ឆ្នាំ មុខរបរ ជាអាជីវករលក់ដូរ រស់នៅក្នុងភូមិដំណាក់ពពូល សង្កាត់-ក្រុង-ខេត្តកំពង់ឆ្នាំងបានប្រាប់កាសែតកាលពីព្រឹកថ្ងៃទី២៤ ខែមករា ឆ្នាំ២០២១ ថា គាត់ជាភរិយារបស់ លោកវរសេនីយ៍ទោ ពេជ្រ សុខ អាយុ៦២ ឆ្នាំជាមន្ត្រីពន្ធនាគារខេត្តកំពង់ឆ្នាំង។ ប្ដីលោកស្រីបានចូលនិវត្តន៍ពីរបីឆ្នាំហើយនិងកាលពីថ្ងៃទី០៦ ខែ១០ ឆ្នាំ ២០២០ ប្ដីលោកស្រីបានស្លាប់ដោយសារជំងឺឡើងឈាម គិតមកដល់ពេលនេះមានរយៈពេលជាងបីខែហើយ។
លោកស្រីបានបញ្ជាក់ថា ដោយឡែកក្នុងពេលប្ដីស្លាប់លោកស្រីបានចំណាយប្រាក់ធ្វើបុណ្យឱ្យប្ដីសរុបអស់ ៨លានរៀល ក្នុងនោះ ៣លានរៀលជាប្រាក់ខ្ចីគេផងដែរ ដើម្បីយកមកធ្វើបុណ្យតាមប្រពៃណី ឲ្យបានចប់ចុង ចប់ដើមរួចរាល់។
ផ្ទុយទៅវិញពេលលោកស្រីបានទូរស័ព្ទទៅសួរស្ត្រីម្នាក់ជាអ្នកបើកលុយធ្វើការនៅសាលាខេត្តស្ត្រីខាងលើបានឆ្លើយតបមកវិញថាអត់មានលុយទេទាល់តែមានអ្នកស្លាប់បួនដប់នាក់ទើបគេបើកលុយសមាគមនេះឲ្យម្ដង ?។លោកស្រី វង្ស វណ្ណារី មានកូន ៦នាក់ ក្នុងនោះកូនបីនាក់បានមានគ្រួសារបែកចេញទៅហើយ នៅសល់កូន៣នាក់ទៀតក្នុងបន្ទុក។មានកូនប្រុសម្នាក់អាយុ ៣២ ឆ្នាំគឺជាមនុស្សដែលមានសតិមិនប្រក្រតី និងបានបង្កការលំបាកយ៉ាង ច្រើនដល់រូបគាត់ ក្នុងការរស់នៅសព្វថ្ងៃ ។
ដោយឡែកមុនពេលប្ដីស្លាប់បីខែ កូនប្រុសម្នាក់នៅខេត្តកំពង់ចាមក៏បានស្លាប់ បន្ទាប់មកប្ដីគាត់ក៏បានឈឺស្លាប់ទៀត គឺទុក្ខជាន់លើទុក្ខ តែម្តង ។
គាត់សូមសំណូមពរដល់លោកអភិបាលខេត្តក៏ដូចជាប្រធានពន្ធនាគារខេត្ត មេត្តាជួយបើកប្រាក់គោលនយោបាយប្ដីស្លាប់ របស់សមាគមជូនគាត់ផង ដើម្បីបានប្រាក់សងគេ និងសម្រាប់ផ្គត់ផ្គង់ជីវភាពក្នុងគ្រួសារ គ្រាដែលរស់នៅជាស្ត្រីមេម៉ាយ។
ជុំវិញបញ្ហាខាងលើនេះ ប្រធានពន្ធនាគារខេត្តកំពង់ឆ្នាំងលោក ពៅ វុទ្ធី បានឆ្លើយប្រាប់ក្រុមអ្នកយកព័ត៌មានដឹងតាមទូរស័ព្ទនៅព្រឹកថ្ងៃទី២៤មករា២០២១នេះថា លោកមិនបានដឹងថាគ្រួសារលោក ពេជ្រ សុខ មិនទាន់បានបើកប្រាក់គោលនយោបាយរបស់សមាគមនោះឡើយ ។
សូមបញ្ជាក់ថា រាជរដ្ឋាភិបាលបានយកចិត្តទុកដាក់បំផុត ចំពោះប្រាក់របបគោលនយោបាយ សមាគមអតីតមន្ត្រីរាជការដែលបានទទួលមរណភាព ។ ជាពិសេសនៅតាមបណ្ដាលអង្គភាពនីមួយៗ ដូចជាយោធភូមិ , កងពល , តំបន់ប្រតិបត្តិការសឹករងរាជធានី-ខេត្ត ,ស្នងការដ្ឋាននគរបាលរាជធានី-ខេត្ត បណ្ដាអង្គភាពផ្សេងៗ តែងតែយកប្រាក់ទាំងនោះទៅប្រគល់ជូនដល់លំនៅឋាន។