កូរ៉េខាងត្បូង ជប៉ុន អាមេរិក ថ្កោលទោសការផ្គត់ផ្គង់អាវុធពីកូរ៉េខាងជើងទៅឲ្យរុស្ស៉ី
11-March-2026 / ព័ត៌មានអន្តរជាតិ
ប្រទេសកូរ៉េ៖ ក្នុងសេចក្តីថ្លែងការណ៍រួមមួយនៅថ្ងៃព្រហស្បតិ៍នេះ កូរ៉េខាងត្បូង ជប៉ុន និងសហរដ្ឋអាមេរិក បានធ្វើការថ្កោលទោស ចំពោះការផ្គត់ផ្គង់អាវុធ និងបរិក្ខារយោធាពីកូរ៉េខាងជើងដល់រុស្ស៉ី ។ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២៦ ខែតុលា ឆ្នាំ២០២៣បានឲ្យដឹងថា៖សេចក្តីថ្លែងការណ៍បានបញ្ជាក់ថា «សាធារណរដ្ឋកូរ៉េ សហរដ្ឋអាមេរិក និងជប៉ុន សូមថ្កោលទោសយ៉ាងដាច់អហង្ការ ចំពោះការផ្តល់សម្ភារៈយោធា និងអាវុធពីកូរ៉េខាងជើងដល់សហព័ន្ធរុស្ស៉ី ដើម្បីប្រើប្រាស់ប្រឆាំងរដ្ឋាភិបាល និងប្រជាជនអ៊ុយក្រែន»។
រដ្ឋមន្ត្រីការបរទេសនៃប្រទេសទាំង ៣ បានបន្ថែមថា «ការចែកចាយអាវុធ ដែលភាគច្រើនដែលយើងទទួលបានការបញ្ជាក់ហើយនោះ នឹងធ្វើប៉ះពាល់ដល់មនុស្សកាន់តែច្រើន ក្នុងសង្គ្រាមឈ្លានពានរបស់រុស្ស៉ី។ យើងក៏កំពុងតាមដានយ៉ាងដិតដល់ចំពោះសម្ភារៈទាំងឡាយណាដែលរុស្ស៉ីនឹងផ្តល់ឲ្យកូរ៉េខាងជើងវិញ ដើម្បីគាំទ្រដល់គោលដៅយោធារបស់ទីក្រុងព្យុងយ៉ាង»។គួរបញ្ជាក់ថាកន្លងមក រុស្ស៉ី និងកូរ៉េខាងជើងតែងបដិសេធការបញ្ជូនអាវុធសម្រាប់យកទៅប្រើប្រាស់ក្នុងសង្គ្រាមអ៊ុយក្រែន ចំពេលមានការបង្ហាញរបាយការណ៍ពីទីក្រុងវ៉ាស៊ីនតោន និងក្រុមអ្នកស្រាវជ្រាវអំពីនាវាផ្ទុកកុងតឺន័រដែលទំនងជាមានអាវុធ នៅឯកំពង់ផែនៃប្រទេសទាំងពីរ។
សូមបញ្ជាក់ប្រទេសចិនជាប្រទេសដែលជួយការពាររបបកុំមុយនិស្តកូរ៉េខាងចើងជំនាន់លោកគឹមអ៊ិលស៊ុងជាមេដឹកនាំ។នៅថ្ងៃទី ២៥ ខែតុលាឆ្នាំ១៩៥០ជាំថ្ងៃដែល កងទ័ពស្ម័គ្រចិត្តប្រជាជនចិនបានចេញទៅប្រយុទ្ធនៅកូរ៉េខាងជើង ប្រឆាំងនឹង ការឈ្លានពានរបស់សហរដ្ឋអាមេរិក។សង្គ្រាមស៊ីវិលនីឧបទ្វីបកូរ៉េបានផ្ទុះឡើងនៅខែមិថុនាឆ្នាំ១៩៥០ ហើយសហរដ្ឋអាមេរិកបានជួយកូរ៉េខាងត្បូងមវាយលុកកូរ៉េខាងជើង។ រដ្ឋាភិបាលចិនបានចោទ យោធាអាមេរិកថាបានឆ្លងកាត់ខ្សែស្របទី៣៨ "ប៉ារ៉ាឡែលទី ៣៨" ហើយ ភ្លើងសង្គ្រាមបានរាលដាលទៅដល់ព្រំដែនរវាងចិន និងកូរ៉េខាងជើង។ ឯកសាចិនបានឲ្យដឹងថា៖ គណបក្សនិងរដ្ឋាភិបាលកូរ៉េខាងជើងបានស្នើឱ្យចិន បញ្ជូនកងទ័ពទៅជួយកូរ៉េខាងជើង។ នៅថ្ងៃទី ១៩ ខែតុលា ឆ្នាំ១៩៥០ កងទ័ពប្រជាជនចិនបានចាកចេញ ពីស្រុកកំណើត ទៅប្រយុទ្ធនៅកូរ៉េខាងជើងអស់រយៈពេល២ឆ្នាំ៩ខែ ហើយបានបង្លកឲ្យមានការចុះហត្ថលេខាលើ កិច្ចព្រមព្រៀងបញ្ឈប់សង្គ្រាមនៅថ្ងៃទី២៧ ខែកក្កដា ឆ្នាំ១៩៥៣។
ប្រទេសចិនបានហៅការចូលជួយជាជ័យជំនះដ៏អស្ចារ្យក្នុងសង្គ្រាមជួយកូរ៉េខាងជើងប្រឆាំងនឹងការឈ្លានពានរបស់ សហរដ្ឋអាមេរិក បានបង្ហាញពីអនុភាពជាតិរបស់ ប្រទេសចិនថ្មី និងបានលាត ត្រដាងមុខមាត់ជា "ខ្លាក្រដាស" នៃចក្រពត្តិនិយមរបស់សហរដ្ឋអាមេរិក ភាព អាម៉ាស់មួយរយឆ្នាំរបស់ប្រជាជាតិចិន ដែលចេះតែត្រូវអ្នកដទៃធ្វើបាបត្រូវបានលុបបំបាត់ចោល សម័យកាលដែលអ្នកឈ្លានពានលោកខាងលិច ប្រើកាណុងបាញ់ ពីរ បីក៏អាចទន្ទ្រានកាន់កាប់ប្រទេសមួយ បានរលាយសាបសូន្យទៅហើយ។អត្ថបទឯកសារបស់ចិនបានលើកឡើងថា កាលពី ៧៣ ឆ្នាំមុន ប្រទេសចិនទន់ខ្សោយ ឯសត្រូវខ្លាំងពូកែ ទោះជាយ៉ាងនេះក្តីក៏ដៃគូសត្រូវមិនអាចយកឈ្នះចិន បានដែរ ៧៣ឆ្នាំក្រោយមក ចិនលែងជាប្រទេសទន់ខ្សោយដូចកាលពីមុនទៀតហើយ បើអ្នកណាបង្កសង្គ្រាមតែផ្ដេសតែផ្ដាសម្ដងទៀត យើងប្រាកដជានឹងប្រយុទ្ធតទល់ហើយយកឈ្នះឱ្យបាន។ទោះបីយ៉ាងណាក្នុងសង្ក្រាមចូលជួយកូរ៉េខាងជើងទាហ៊ានចិនចំនួន១៩៧៦៥៣ រូបដែលបាន ពលីជីវិតនៅលើសមរភូមិ ថ្ងៃ។
