ដាក់ឱ្យប្រើប្រាស់ស្ពានកោះពេជ្រ-កោះនរាអបអរខួបកំណើតសម្តេចធិបតី ហ៊ុន ម៉ាណែត
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា សម្រេចដាក់ឱ្យប្រើប្រាស់ស្ពានកោះពេជ្រ-កោះនរា ជាបណ្តោះអាសន្នចាប់ពីព្រឹកថ្ងៃទី២០ ខែតុលា ឆ្នាំ២០២៣ដែលត្រូវនិងថ្ងៃខួបកំណើតសម្តេច តទៅបើទោះបីជាសម្តេចកំពុងបំពេញទស្សនៈកិច្ចនៅប្រទេសអារ៉ាប៊ីសាអ៊ីឌីតក៏ដោយ។
ស្ពានតភ្ជាប់កោះពេជ្រ-កោះនរាដែលជាកោះសិប្បនិមិត្តកសាងឡើងដោយសារចាក់ដីបំពេញទន្លរដោយគ្រុមហ៊ុនវិនិយោគទុនអណិកជនកម្ពុជា OCICរបស់លោកឧញ៉ាពង់ខៀវសែត្រូវបាន បានបើកការដ្ឋានសាងសង់កាលពីថ្ងៃទី២៦ ខែតុលា ឆ្នាំ២០២០ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា នីតិកាលទី៦ នៃរដ្ឋសភា។គម្រោងសាងសង់ស្ពានខ្សែកាបតភ្ជាប់ពីទីក្រុងរណបកោះពេជ្រ ទៅកាន់គម្រោងអភិវឌ្ឍន៍កោះនរានេះ មានប្រវែងសរុប ៨២៤ម ទទឹង ២៤.៥ម បណ្តោយស្ពានបេតុងអារមេ ប្រវែង ៤៨៣ម ។ស្ពាននេះចំណាយការសាងសង់ ៣៨,០០០,០០០ដុល្លាអាមេរិក សាងសង់ដោយក្រុមហ៊ុនវិនិយោគទុនអណិកជនកម្ពុជា OCIC ។ ស្ពាននេះតម្រូវឱ្យបើកបរ ល្បឿនសុវត្ថិភាព ៤០គ.ម/ម៉ោង ។កំពស់អតិបរមានាវាឆ្លងកាត់ក្រោមស្ពាន ៨ម នៅរដូវវស្សានីវ៉ូទឹកខ្ពស់បំផុត កំពស់អតិបរមានាវាឆ្លងកាត់ក្រោមស្ពាន ១៨ម នៅរដូវប្រាំងនីវ៉ូទឹកទាបបំផុត ។ដើម្បីភ្ជាប់ការធ្វើដំណើរឡើងទៅផ្លូវជាតិលេខ១ក្រុមហ៊ុនបានសាងសង់ស្ពានបេតុងអារមេតភ្ជាប់ពីកោះនរា មួយខ្សែផងដែរ។ ស្ពាននេះ មានបណ្តោយស្ពានសរុបប្រវែង៦០ម៉ែត្រ ទទឹងស្ពាន ២១ម៉ែត្រ បណ្តោយស្ពានបេតុង៤៥ម៉ែត្រ ផ្លូវគល់ស្ពានសងខាង ១៥ម៉ែត្រ ចំណាយថវិកា ១,៦០៦,៣៥៣ដុល្លាអាមេរិក.។
លោកឧកញ៉ា ពង់ ឃាវសែ ប្រធានក្រុមហ៊ុនវិនិយោគទុនអាណិកជនកម្ពុជា (OCIC) កាលពីឆ្នាំ២០២០បានឱ្យដឹងថា គម្រោងអភិវឌ្ឍន៍«កោះនរា»ក្នុងទំហំផ្ទៃដី១២៥ហិកតា ដែលមានតម្លៃវិនិយោគប្រមាណ៥៥០លានដុល្លារអាម៉េរិក របស់ក្រុមហ៊ុនវិនិយោគទុនអាណិកជនកម្ពុជា (OCIC) នឹងរួមចំណែកដល់ផលិតផលក្នុងស្រុកសរុប(GDP) ចំនួន២២៥លានដុល្លារក្នុងមួយឆ្នាំៗ ដែលជិតស្មើ០.៩ភាគរយនៃ GDP ប្រទេសកម្ពុជានាពេលបច្ចុប្បន្ន។ លោកឧកញ៉ាបានបញ្ជាក់ថា សម្រាប់ថវិកាវិនិយោគ ៥៥០លានដុល្លារអាម៉េរិកនៃការសាងសង់ហេដ្ឋារចនាសម្ព័ន្ធ ក្នុងរយៈពេល៣ឆ្នាំដំបូង ពោលចាប់ពីខែមករាឆ្នាំ២០២០ ដល់ឆ្នាំ២០២៣ បានផ្តល់អត្ថប្រយោជន៍ជាច្រើនដល់សង្គម និងសេដ្ឋកិច្ចជាតិ។ បច្ចុប្បន្នគម្រោងអភិវឌ្ឍន៍«កោះនរា» កំពុងប្រើប្រាស់កម្លាំងពលកម្មប្រមាណ៧០០នាក់ ហើយកើនដល់ ៧ ០០០នាក់ ពេលគម្រោងមានការសាងសង់ពេញទំហឹង។
លោកឧកញ៉ាបានបន្តថា បន្ទប់ពីបញ្ចប់ការដ្ឋានសាងសង់ស្ពានក្នុងគម្រោងអភិវឌ្ឍន៍«កោះនរា»នេះ នឹងបង្កើតឱកាសការងារដល់ប្រជាពលរដ្ឋ បានប្រមាណ១ម៉ឺនកន្លែង ក្នុងដំណើរប្រតិបត្តិការប្រចាំថ្ងៃ។ ជាមួយគ្នានេះ គម្រោងអភិវឌ្ឍន៍«កោះនរា»នេះ អាចអនុញ្ញាតឱ្យប្រជាពលរដ្ឋរស់នៅបានចំនួន៥ម៉ឺននាក់ ដោយគ្រោងចំណាយថវិកាសរុបចំនួន២,៥០០លានដុល្លារអាម៉េរិក។ស្ថិតនៅតាមដងទន្លេមេគង្គ ទីក្រុងកោះនរា នឹងក្លាយជាទីក្រុងថ្មីនៅជាប់កោះពេជ្រ។ គម្រោងនេះនឹងបញ្ចប់ហេដ្ឋារចនាសម្ព័ន្ធ និងប្រគល់ឱ្យម្ចាស់ក្នុងត្រីមាសទី ៤ ឆ្នាំ ២០២៣ ។ ទីតាំងនេះមានលក្ខណៈពិសេសណាស់ វាជាកោះតែមួយគត់ដែលតភ្ជាប់កោះពេជ្រទៅខណ្ឌច្បារអំពៅ។ ដីលំនៅដ្ឋាននីមួយៗផ្តល់នូវភាពបត់បែនលើការរចនាផ្ទះក្នុងក្តីស្រមៃរបស់អ្នក។ ទន្ទឹមនឹងនេះ ដីឡូតិ៍ពាណិជ្ជកម្មអាចអភិវឌ្ឍជាអគារខ្ពស់ ដែលមានសមាមាត្រដីខ្ពស់រហូតដល់ ១២។
