វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 254 នាក់
ម្សិលមិញ 6501 នាក់
សរុប 13948809 នាក់
ភ្នំពេញ ៖ ស្ត្រីខ្មែរម្នាក់ក្នុងចំណោមគ្នា២នាក់ រងរបួសធ្ងន់និងរថយន្តជនរងគ្រោះខូចខាត ខ្ទេចដោយសារតែបុរសជនជាតិចិនគ្នា៣នាក់ ប្រដាប់ដោយដែកគាស់ ជិះរថយន្តមួយគ្រឿងបិទស្លាកលេខ មកធ្វើសកម្មភាព វាយ កាលពីវេលាម៉ោង១១និង៤៥នាទីព្រឹក ថ្ងៃទី១៣ ខែកក្កដា ឆ្នាំ២០១៨ មុខហាងកាហ្វេតេស្ត ផ្លូវវេងស្រេង ភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ ។
សមត្តកិច្ចបានឲ្យដឹងថា៖ស្ត្រីរងគ្រោះឈ្មោះ ហង់ ចាន់នី អាយុ២៦ឆ្នាំ មុខរបរ បុគ្គលិករោងចក្រស្បែកជើង មានទីលំនៅ ផ្ទះ165Eoz ផ្លូវ93 សង្ហាត់មនោរម្យ ខណ្ឌ7មករា រងរបួសធ្ងន់ ត្រូវបានបញ្ជូនចូលសង្គ្រោះនៅគ្លីនិកភ្លាមៗ ។ ជនរងគ្រោះជិះរថយន្តជិះរថយន្តមួយគ្រឿងម៉ាក កាមរីបាឡែន ពណ៌ស ពាក់ស្លាកលេខ ភ្នំពេញ 2AN-1659 ។ ចំណែកជនបង្ក ជាជនជាតិចិន គ្នា៣នាក់ ក្នុងនោះមានឈ្មោះ ចូ ហ្វីលីប អាយុ៤២ឆ្នាំ ធ្លាប់មានគុំនុំជាមួយជនរងគ្រោះផងដែរ ។ ទាំង៣នាក់ជិះរថយន្តមួយគ្រឿង ម៉ាកកាមរីឆ្លាម ពណ៌ស្ករ យកទឹកលុប គូសបិទស្លាកលេខបាត់ ។
មុនកើតហេតុ ស្ត្រីរងគ្រោះបើករថយន្ត រួមដំណើរជាមួយស្ត្រីម្នាក់ទៀត បំរុងចូលហូបបាយនៅហាងកាហ្វេតេស្ត ។គ្រាន់តែចុះពីលើរថយន្ត ស្រាប់តែមានក្រុមជនបង្ក ប្រដាប់ដោយដែកគាស់ ចំនួន២ដើម បើករថយន្តកាមរីឆ្លាម ទៅដល់ ធ្វើសកម្មភាពវាយទៅលើស្ត្រីរងគ្រោះ បណ្តាលឲ្យដេកដួលរងរបួសធ្ងន់។អាចិន៣នាក់បានបន្ត វាយ រថយន្តជនរងគ្រោះ បណ្តាលឲ្យបែកកញ្ចក់ខ្ទេចជុំវិញទៀតហើយបានបើករថយន្ត រត់គេច។ សមត្ថកិច្ច ខណ្ឌពោធិសែនជ័យបាន ចេញអន្តរាគមន៍ ដេញតាមចាប់ជនបង្ក រហូតដល់ផ្លូវសហព័ន្ធរុស្សីមុខព្រលានយន្តហោះពោធិចិនតុង ទើបសមត្ថកិច្ចចាប់ឃាត់ខ្លួនបាន៣នាក់ ដកហូតបានវត្ថុតាង ដែកគាស់២ដើម ។
ករណីខាងលើមានពតិមានថា ជារឿងគំនុំ ពីមុនមក ស្ត្រីរងគ្រោះត្រូវបាន ថៅកែចិនរោងចក្រ ឈ្មោះចូ ហ្វីលីប គម្រាមកំហែងប៉ុនប៉ង ចាប់រំលោភ តែមិនបានសម្រេច ត្រូវបានជនរងគ្រោះប្តឹង ថៅកែចិននោះត្រូវបានបញ្ឈប់ពីការងារ។ នៅព្រឹកកើតហេតុនេះ ថៅកែចិនរូបនោះ នាំបក្ខពួកជនជាតិចិនដូចគ្នា សរុប៣នាក់ខាងលើ មកប៉ុនប៉ងសម្លាប់ ជនរងគ្រោះព្រោះវាបានរៀបគម្រោង បិទស្លាកលេខរថយន្ត ជាស្រេច មកធ្វើសកម្មភាព ។ជនដៃដល់ត្រូវបានចាប់ខ្លួន រួមជាមួយវត្ថុតាង នាំទៅសាកសួរនៅផ្នែកជំនាញដើម្បីធ្វើការសាកសួរ និងចំណាត់ការតាមនីតិវិធី ៕