វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 280 នាក់
ម្សិលមិញ 6359 នាក់
សរុប 14086913 នាក់
អាមេរិក៖ មន្ត្រីយោធាជាន់ខ្ពស់កម្ពុជា២រូបកាលពីថ្ងៃទី១០ខែវិច្ឆិកាត្រូវបានអាមេរិកចោទប្រកាន់ពីការចំណេញលុយអាមេរិកពីការសាងសង់នៅមូលដ្ឋានទ័ពជើងទឹកធំបំផុតរបស់កម្ពុជាដែលជាជំនួយអាមេរិក។មន្ត្រីកម្ពុជា២រូបដែលរងការចោទប្រកាន់ពីបទកេងចំណេញពីការសាងសង់នៅមូមន្ត្រីទាំង២រូបនោះរួមមាននាយឧត្តមសេនីយ៍ចៅ ភិរុណអគ្គនាយកនៃអគ្គនាយកដ្ឋានសម្ភារបច្ចេកទេសនៃក្រសួងការពារជាតិនិងនាយឧត្ដមនាវី ទៀវិញមេបញ្ជាការកងទ័ពជើងទឹកកម្ពុជា។
ការដាក់ដាក់ទណ្ឌកម្មអនុលោមតាមបទបញ្ជាប្រតិបត្តិ (E.O.) 13818 ដែលបង្កើត និងអនុវត្តច្បាប់ ស្តីពីគណនេយ្យភាពសិទ្ធិមនុស្ស Global Magnitsky និងកំណត់គោលដៅជនល្មើស នៃការរំលោភបំពានសិទ្ធិមនុស្សធ្ងន់ធ្ងរ និងអំពើពុករលួយនៅជុំវិញពិភពលោក។
អាមេរិកនឹងបង្កកទ្រព្យសម្បត្តិទាំងអស់ដែលទាក់ទងនឹងមន្ត្រីទាំងពីរនៅអាមេរិក។ប្រសិនបើមាន ហាមពលរដ្ឋអាមេរិកនិងអាជីវកម្មមិនឲ្យធ្វើជំនួញជាមួយពួកគេផងដែរ។ ក្រសួងការបរទេសអាមេរិក ក៏បានប្រកាសថាខ្លួនកំពុងរារាំងមន្ត្រីខាងលើនិងសមាជិកគ្រួសាររបស់ពួកគេមិនឱ្យចូលសហរដ្ឋអាមេរិកផងដែរ។
ក្រសួងការបរទេសនិងការពារជាតិកម្ពុជាមិនទាន់ធ្វើអត្ថាធិប្បាយលើចំណាត់ការនេះ របស់ទីក្រុងវ៉ាស៊ីនតោននៅឡើយទេ។កាលពីមួយឆ្នាំមុនកម្ពុជាបានប្រកាសថាខ្លួនបានបង្រួបបង្រួមកន្លែងផ្តល់មូលនិធិដោយសហរដ្ឋអាមេរិកនៅមូលដ្ឋានទ័ពជើងទឹករាមដើម្បីបម្រើដល់ការពង្រីកបរិក្ខារនេះ។កន្លងមកកម្ពុជាធ្លាប់បដិសេធសំណើរបស់សហរដ្ឋអាមេរិកក្នុងការជួសជុលមូលដ្ឋាននេះ។
កាលពីខែតុលាសហរដ្ឋអាមេរិកបានចោទប្រកាន់កម្ពុជាពីកង្វះតម្លាភាពអំពីសកម្មភាពសាងសង់របស់ចិននៅឯមូលដ្ឋានដោយជំរុញឱ្យមន្ត្រីកម្ពុជាបង្ហាញឱ្យបានពេញលេញនូវ “ចេតនានៃទំហំនៃគម្រោង ឬតួនាទីរបស់យោធាចិន”។កម្ពុជាបានបដិសេធម្តងហើយម្តងទៀតថាខ្លួនមិនអនុញ្ញាតឲ្យចិនបញ្ជូនកម្លាំងទៅមូលដ្ឋាននោះទេ។
គួររំឮកជូនថា ការដាក់ទណ្ឌកម្មរបស់អាមេរិកនៅពេលនេះមិនមែនជារឿងថ្មីនោះទេ។កន្លងមកអាមេរិកតាមរយៈច្បាប់ Global Magnitsky បានដាក់ទណ្ឌកម្មបង្កកទ្រព្យសម្បត្តិទៅលើមន្ត្រីជាន់ខ្ពស់កម្ពុជា ដូចជា លោកហ៊ីង ប៊ុនហៀង មេបញ្ជាការបញ្ជាការដ្ឋានអង្គរក្សរបស់សម្តេចនាយករដ្ឋមន្ត្រីហ៊ុន សែន។លោកគន់ គីម អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ និងលោកឧកញ៉ា ទ្រី ភាព អគ្គនាយកក្រុមហ៊ុនទ្រី ភាពគ្រុប ។ អាមេរិកបានចោទពួកគេថាបានប្រព្រឹត្តអំពើពុករលួយ និងរំលោភសិទ្ធិមនុស្សធ្ងន់ធ្ងរ៕ប្រភពReuters,វិទ្យុបារាំង