វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1950 នាក់
ម្សិលមិញ 3717 នាក់
សរុប 14150283 នាក់
ភ្នំពេញ៖នៅថ្ងៃទី១៨តុលានេះសាលាដំបូងរាជធានីភ្នំពេញ បានបើកសវនាការជំនុំជម្រះសំណុំរឿងទី២របស់លោក ថាច់ សេដ្ឋាអនុប្រធានគណបក្សភ្លើងទៀន ឲ្យជាប់ពន្ធនាគារចំនួន៣ឆ្នាំ និងពិន័យជាប្រាក់៤លានរៀលពីបទញុះញង់ឲ្យប្រព្រឹត្តបទឧក្រិដ្ឋ និងបទញុះញង់ឲ្យមានការរើសអើង។
តាមសាលក្រម ត្រូវបានប្រកាសដោយលោកស្រី ឈុន ដាវី ។សាលក្រមបែបនេះ ធ្វើឡើងដោយចៅក្រមជំនុំជម្រះ បានយោងទៅលើវីដេអូដែលបង្ហោះតាមបណ្តាញសង្គមដែល លោក ថាច់ សេដ្ឋា បានថ្លែងរិះគន់អំពីការធ្វើខួប៤៤ឆ្នាំ ៧មករាដែល ត្រូវបានតំណាងអយ្យការ ចាត់ទុកថា ជាការថ្លែងសារនយោបាយរបស់លោក ថាច់ សេដ្ឋាវាយប្រហារ និងធ្វើឲ្យពលរដ្ឋឆេះកំហឹងនឹងប្រវត្តិសាស្ត្ររវាងខ្មែរ និងវៀតណាម។ លោក សឺន ជុំជួន សហមេធាវីការពារលោក ថាច់ សេដ្ឋា បានថ្លែងប្រាប់ក្រុមអ្នកសារព័ត៌មានថា នេះជារឿងអយុត្តិធម៌ ហើយក្រុមមេធាវីនឹងពិភាក្សាអំពីការប្តឹងឡើងទៅសាលាឧទ្ធរណ៍។
អនុប្រធានគណបក្សភ្លើងទៀន លោក ថាច់ សេដ្ឋា ទើបតែត្រូវបានតុលាការប្រកាសសាលក្រមក្នុងសំណុំរឿងសែកស្អុយ កាលពីថ្ងៃទី២១កញ្ញា ដោយដាក់ពន្ធនាគាររយៈពេល ១៨ខែ និងបង្គាប់ឲ្យសងសំណងរដ្ឋប្បវេណី និងជំងឺចិត្តដើមបណ្តឹងជាង៣ម៉ឺនដុល្លារទៀតក្រោមការចោទប្រកាន់ពីបទ «មិនបំពេញកាតព្វកិច្ចចំពោះឧបករណ៍ដែលអាចជួញដូរបាន»។ជាតុល្យការ ដោយបូកនឹងសំណុំរឿងទី២ ដែលទើបនឹងប្រកាសសាលក្រមនៅថ្ងៃនេះទៀត លោក ថាច់ សេដ្ឋា ត្រូវជាប់ពន្ធនាគារចំនួន៤ឆ្នាំកន្លះ និងសំណងជាទឹកប្រាក់ប្រមាណ ៣ម៉ឺន១ពាន់ដុល្លារអាមេរិក។
កាលពីថ្ងៃទី ១៦ ខែសីហា ឆ្នាំ ២០២៣ សាលាដំបូងរាជធានីភ្នំពេញ បើកសវនាការកាត់ទោសលោក ថាច់ សេដ្ឋា អនុប្រធានគណបក្សភ្លើងទៀន ក្រោមការចោទប្រកាន់ពីបទ «មិនបំពេញកាតព្វកិច្ចចំពោះឧបករណ៍ដែលអាចជួញដូរបាន» ប្រព្រឹត្តនៅរាជធានីភ្នំពេញ កាលពីអំឡុងឆ្នាំ ២០១៩ បទល្មើសព្រហ្មទណ្ឌ ដែលមានចែងឲ្យផ្ដន្ទាទោស តាមបញ្ញត្តិមាត្រា ២៣១ នៃច្បាប់ ស្តីពី ឧបករណ៍អាចជួញដូរបាន និងប្រតិបត្តិការទូទាត់ប្រាក់។ សវនាការនេះដឹកនាំដោយលោកស្រី ឈុន ដាវី ជាចៅក្រមជំនុំជំរះ និងលោក ប្លង់ សុផល ជាតំណាងអយ្យការ។សមត្ថកិច្ចបានចាប់ខ្លួនលោក ថាច់ សេដ្ឋា កាលពីថ្ងៃទី ១៦ ខែមករា ឆ្នាំ ២០២៣ តាមដីកាបង្គាប់របស់ចៅក្រមតុលាការ ដោយចោទប្រកាន់ពីបទមិនបំពេញកាតព្វកិច្ច ចំពោះឧបករណ៍អាចជួញដូរបាន ឬចេញ សែកអត់លុយចំនួន ៥សន្លឹក ហើយដែលត្រូវបានប្ដឹងដោយក្រុមហ៊ុន រិន ឆាយ,ផ ប ស៕សរន / N