» យួន​វ៉ៃ​យួន​ផ្អើល​តាម​ហ្វេ​ស​ប៊ុ​ក​ត្រូវ​កម្លាំង​នគរបាល​រាជធានី​ភ្នំពេញ ចាប់ខ្លួន​បញ្ជូនទៅ​តុលាការ » ចិន​ប្រកាស​បន្ធូ​ដៃ​ឲ្យ​ស្រីលង្ការ​រឿង​បំណុល​វណ្ឌ​ក​!? » ពលរដ្ឋ​ស្នើ​អាជ្ញាធរ​រាជធានី​ភ្នំពេញ ទប់ស្កាត់​ក្មេង​ទំនើង ចោរ​គាស់​ផ្ទះ និង​ព​ន្លឿ​ន​ការផ្តល់​កម្មសិទ្ធិ​ផ្ទះសំបែង​ » បន្ទាប់ពី​ហុច​ថ្ពាល់​ឲ្យ​ចឺម​ថើប​កណ្តាលវាល​លេច​ធ្លាយ​រឿង​តារាចម្រៀង​មាស​នី​តា​មេម៉ាយ​កូន​ពីរ​និង​នៅជាប់​បណ្តឹង​សេង​សុ​ឃីម​! » បទល្មើស​ព្រៃឈើ​ក្រុម​ឈ្មួញ​បង្កឡើង​នៅ​ចំណុច​ផ្លូវ​ការ៉េ ប្រាំ​9 ឃុំ​ក្រញូង​សែន​ជ័យ​តែ​ប្រធាន​បង្ក្រាប​ថា​អត់​មាន​ហង​! » នាយករដ្ឋមន្ត្រី​ម៉ាឡេស៊ី​អាន​វ៉ា​ប្រកាស​មិន​យកប្រាក់​ខែ​ក្នុងពេល​គណរដ្ឋមន្ត្រី​កាត់​២០​ភាគរយ​ » ហ្វីលីពីន​ទម្លាក់​ការព្យាករណ៍​កំណើនសេដ្ឋកិច្ច​សម្រាប់​ឆ្នាំ​២០២៣ » ការប្រឡង​សញ្ញាបត្រ​មធ្យមសិក្សា​ទុតិយភូមិ​ឆ្នាំ​២០២២​នេះ​បេក្ខជន​ចំនួន​២.២៦៤​នាក់​បាន​អវត្តមាន​លោក​ហ៊ុន​ម៉ា​នី​បដិសេធ​ » ម្តាយ​ឪពុក​និង​ទារក​រងរបួស​លើ​ស្ពាន​ជ្រោយចង្វារ​ដោយសារ​ឡាន​បុក​ជិត​ភ្លឺ​ » ចុះ​ធ្វើ​អត្តសញាណ​ប​ណ្ណ័​តាម​ផ្ទះ​៤​ថ្ងៃ​បាន​៣​ពាន់​នាក់ » សម្ដេច​តេ​ជោ ហ៊ុន សែន ចេញ​បញ្ជា​ផ្តល់ ប្រាក់ឧបត្ថម្ភ​ជូន​គ្រួសារ​ងាយ​រង​ហានិភ័យ​រហូត​ជិដ​ល់​ថ្ងៃ​បោះឆ្នោត​ » ប្រធាន​ក្លឹម​និង​ជា​ប្រធាន​ពត៍​មាន​ទូរទស្សន៍​ភី​អី​ន​អី​ន​ឡើងជា​រដ្ឋលេខាធិការ​ក្រសួង​ពត៍​មាន​ » ឈ្មួញ​ឈើ ពីរ​នាក់ មានឈ្មោះ ធិ និង​ឈ្មោះ រួន​សកម្ម​ដឹកជញ្ជូន​ឈើ​ព្រៃ​ខុសច្បាប់​ជា​អាជីព​នៅតាម​ផ្លូវ តាម​ភូមិ​ពូ​ត្រុំ សង្កាត់​មនោ​រម្យ គ្មាន​ការរំខាន​ដល់​សមត្ថកិច្ច​ឡើយ​ » អត់​ខ្លា​ចបាប​អី​តិច​យកលុយ​ដុល្លារ​ក្លែងក្លាយ​ចូល​បុណ្យ​តាម​វត្ត ! » ចាប់បាន​ឃាតករ សម្លាប់​អតីត​សង្សារ​ជា​និស្សិត ស្រី ដោយ​សាខឹង​មិន​ឲ្យ​រួមភេទ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1768 នាក់

ម្សិលមិញ 3611 នាក់

សរុប 11876149 នាក់

សម្តេចនាយក​រដ្ឋមន្ត្រី​ប្រកាស​បិទ​ព្រឹត្តិការណ៍​២០​កម្ភៈ​កូ​វីត​១៩​តែ​ការចាក់​ដូ​ស​ជម្រុញ​ត្រូវ​បន្ត​!

 

​ភ្នំពេញ​៖​ព្រឹត្តិការណ៍​២០​កុម្ភៈ​នៃ​កា​ឆ្លង​កូ​វីត​១៩​ដែល​បានធ្វើឱ្យ​កម្ពុជា​ឆ្លង​ជំងឺ​កូ​វីដ​១៩​និង​ស្លាប់​រហូតដល់​ខ្ទង់ពាន់​នាក់ រហូត​ត្រូ​ប​បិទ​ប្រទេស​នាពេល​កន្លងទៅ​ត្រូវបាន​បិទ​បញ្ចប់​ហើយ​។a hun close co

តាមរយៈ​សារ​ជា​សំឡេង​នា​វេលា​ថ្ងៃត្រង់​ទី ២០ ខែធ្នូ ឆ្នាំ​២០២១​នេះ សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​បាន​មានប្រសាសន៍ថា «​ខ្ញុំព្រះករុណាខ្ញុំ សម្រេច​ប្រកាស​បញ្ចប់​ព្រឹត្តិការណ៍ ២០ កុម្ភៈ ដែលជា​ព្រឹត្តិការណ៍​សោកនាដកម្ម​ដោយសារ​ជំងឺ covid-19 ។​
សម្ដេច​តេ​ជោ ហ៊ុន សែន បាន​បន្តថា «​ចាប់តាំងពី​ថ្ងៃ​២០ កុម្ភៈ ឆ្នាំ​២០២១ រហូតមកដល់​ថ្ងៃទី ២០ ខែធ្នូ ឆ្នាំ ២០២១ រយៈពេល ១០​ខែ ធ្វើឱ្យ​ប្រជាពលរដ្ឋ​របស់​យើង​ឆ្លង Covid 19 ប្រមាណ ១២ ម៉ឺន ៤​ពាន់ ២៣​នាក់ និង​បាត់​បង់ជីវិត​ចំនួន ៣​ពាន់​ប្រាំ​នាក់​»​។​

​សម្ដេច​តេ​ជោ ហ៊ុន សែន បាន​បន្តថា «​ថ្ងៃនេះ​ជា​លើកដំបូង​ក្នុង​រយៈពេល ១០ ខែ ដែល​ព្រះរាជាណាចក្រ​កម្ពុជា​យើង ពុំមាន​មនុស្ស​ស្លាប់ ហើយ​អត្រា​ឆ្លង​នេះ​ទៀតសោត ក៏មាន​ត្រឹមតែ ៧​នាក់​ប៉ុណ្ណោះ​»​។​​សម្រាប់​មូលហេតុ​នៃ​ការប្រកាស​បិទ​សម្ដេច​តេ​ជោ ហ៊ុន សែន ក៏បាន​បញ្ជាក់ថា «​ក្នុង​រយៈពេល​ចុងក្រោយ​នេះ ករណី នៃ​ឆ្លង​ជំងឺ covid-19 នៅក្នុង​ប្រទេស​កម្ពុជា​ធ្លាក់​មក​នៅ​យ៉ាងតិច ត្រឹម​ពីរ​ខ្ទង់ នៃ​ការឆ្លង ហើយ​នៅក្នុង​រយៈពេល​ចុងក្រោយ​នេះ គឺ​ត្រឹម​តែមួយ​លេខ មានន័យថា​ក្រោម ១០​នាក់​។ ក្នុងនោះ អ្នកស្លាប់​ក៏បាន​ធ្លាក់ចុះ​ជា​បន្តបន្ទាប់​រហូតដល់​ថ្ងៃទី ២០ ធ្នូ នេះ ពុំមាន​អ្នកស្លាប់​នោះទេ ដែល​អាច​ចាត់ទុកថា នេះ​ជា​ជោគជ័យ​មួយ ក្នុងការ​ទប់ស្កាត់​មិន​ឲ្យ​យើង​ធ្លាក់​ទៅក្នុង​ជ្រោះ​មរណៈ​»​។​

​ទោះជា​យ៉ាងណា​សម្ដេច​តេ​ជោ ហ៊ុន សែន ក៏បាន​បញ្ជាក់ថា «​យើង​បាន​ខិតខំ​ប្រឹងប្រែង​យ៉ាងខ្លាំង ក្នុង​ការរក​វ៉ាក់សាំង​ដើម្បី​ចាក់​ជូន​ប្រជាពលរដ្ឋ​របស់​យើង​ឲ្យ​បាន​ទាន់ពេលវេលា ហើយ​វ៉ាក់សាំង​នេះ​ទៀតសោត ក៏បាន​ជួយ​ជីវិត​ប្រជាពលរដ្ឋ​កម្ពុជា ដែល​ខ្ញុំ​សូម​ថ្លែងអំណរគុណ​ចំពោះ​ការខិតខំ​ប្រឹងប្រែង​រប​ស់​ក្រសួង​ស្ថាប័ន អាជ្ញាធរ សមត្ថកិច្ច​គ្រប់​ជាន់ថ្នាក់ ជាពិសេស​ផ្នែក​សុខាភិបាល ក៏ដូចជា​ក្រុមគ្រូពេទ្យ​ពេទ្យ​ដែល​ចូលរួម​ប្រយុទ្ធ​ជំងឺ រហូតដល់​ប្រជាពលរដ្ឋ​ហៅថា កងទ័ព​អាវ​ស​»​។​

​សម្ដេច​តេ​ជោ ហ៊ុន សែន ក៏បាន​បង្ហាញ​មោទនភាព​ថា «​ខ្ញុំ​ពិតជា​មាន​មោទនភាព​ចំពោះ​សេនាធិការ​ស្ថាប័ន​ទាំងអស់​ដែល​បាន​ចូលរួម​ជាមួយ​ខ្ញុំ​ក្នុង​ការដឹកនាំ នៃ​ការប្រយុទ្ធ​ក្នុង​ព្រឹត្តិការណ៍ ២០​កុម្ភៈ​»​។​​សម្ដេច​តេ​ជោ ហ៊ុន សែន ក៏បាន​ថ្លែងអំណរគុណ​ទៅដល់​មិត្ត​បរទេស ជាពិសេស​សាធារណរដ្ឋ​ប្រជាមានិត​ចិន ដែលជា​ប្រទេស​បង្អែក​យុទ្ធសាស្ត្រ​ផ្គត់ផ្គង់​វ៉ាក់សាំង​ដល់​កម្ពុជា ។ សម្តេច​តេ​ជោ ហ៊ុន សែន ក៏បាន​អរគុណ​ដល់​សហរដ្ឋអាមេរិក ប្រទេស​ជប៉ុន ប្រទេស​អង់គ្លេស និង​ប្រទេស​ហូ​ឡង់ ដែល​បាន​បញ្ជូន​វ៉ាក់សាំង​មកជួយ​ដល់​កម្ពុជា ហើយ​សង្ឃឹមថា នាពេល​ខាងមុខនេះ វ៉ាក់សាំង​របស់​ប្រទេស​អូស្ត្រាលី ប្រភេទ ភី​ហ្វា​យ​ហ្សឺ នឹង​បញ្ជូន​មកដល់​ប្រទេស​កម្ពុជា នៅ​យប់​ថ្ងៃទី ២៦​ថ្ងៃទី ២៨ ប្រមាណ​ជា ២​លាន ៣​សែន​ដូ​ស​ថែមទៀត​។​

​សម្ដេច​តេ​ជោ ហ៊ុន សែន ក៏បាន​បញ្ជាក់ថា «​ភាពស៊ាំ​នៅក្នុង​សហគមន៍​របស់​យើង​បានធ្វើឱ្យ​កាត់បន្ថយ​នៃ​ការឆ្លង​ជំងឺ​កូ​វីដ​១៩ និង ការស្លាប់​ក៏បាន​កាត់បន្ថយ​»​។​​សម្ដេច​តេ​ជោ ហ៊ុន សែន បាន​បញ្ជាក់ថា «​ថ្ងៃនេះ​ខ្ញុំ​ប្រកាស​បញ្ចប់​ព្រឹត្តិការណ៍ ២០ កុម្ភៈ​ក៏ប៉ុន្តែ​មិនមែន​មានន័យថា យើង​ប្រកាស​បញ្ចប់ នូវ​ការប្រយុទ្ធ​ប្រឆាំងនឹង​ជំងឺ​កូ​វីដ​១៩​នោះទេ យើង​គ្រាន់តែ​ប្រកាស​បញ្ចប់​ព្រឹត្តិការណ៍ ក៏ប៉ុន្តែ​ការប្រយុទ្ធ​នៅតែ​ជា​កិច្ចការ​បន្តទៀត ដែល​មិន​អាចធ្វើ​ប្រហែស​បានទេ »​។
​សម្ដេច​បញ្ជាក់ថា «​យើង​ត្រូវតែ​ខិតខំ​រួមគ្នា ដើម្បី​កាត់បន្ថយ​ឲ្យ​បាន​មិន​ឲ្យ​មានការ​ឆ្លង​ជា​បន្តទៀត​។ ហើយ​ត្រូវតែ​ខិតខំ​ក្នុង​ការផ្ដល់​វ៉ាក់សាំង​ជូន​ប្រជាពលរដ្ឋ​បន្ថែមទៀត​សម្រាប់​អ្នក​ដែល​មិនទាន់បាន​ចាក់ និង​ខិតខំ​ចាក់​ដូ​ស​ជំរុញ​ជូន​ប្រជាពលរដ្ឋ​។ សម្ដេច​តេ​ជោ ហ៊ុន សែន ក៏បាន​បញ្ជាក់ថា «​វ៉ាក់សាំង​របស់​យើង​មាន​គ្រប់គ្រាន់ មិន​ខ្វះ​នោះទេ​»៕a co close