សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 4582 នាក់

ម្សិលមិញ 5304 នាក់

សរុប 14144108 នាក់

អង្គការសហប្រជាជាតិបារម្ភតែរុស្ស៉ីប្រាប់អាមេរិកកុំឱ្យមកចេះទូន្មាន រឿងទំនាក់ទំនងជាមួយកូរ៉េខាងជើង

03-April-2024 / ព័ត៌មានអន្តរជាតិ

រុស្ស៊ី៖ ស្របពេលប្រធានាធិបតីរុស្ស៊ី និងមេដឹកនាំកូរ៉េខាងជើងទើបបានជួបប្រជុំគ្នាដ៏កម្រមួយកាលពីថ្ងៃពុធ ជុំវិញលទ្ធភាពនៃការតភ្ជាប់កិច្ចសហប្រតិបត្តិការយោធារវាងគ្នានិងគ្នានោះ អគ្គលេខាធិការរបស់អង្គការសហប្រជាជាតិ (អ.ស.ប)លោក Antonio Guterres បានថ្លែងសារក្រើនរំលឹកទៅដល់ប្រទេសរុស្ស៊ីឱ្យគោរពទៅលើខ្លឹមសារទណ្ឌកម្មរបស់ក្រុមប្រឹក្សាសន្ដិសុខ អ.ស.បដែលបានដាក់ទៅលើរបបដឹកនាំទីក្រុងព្យុងយ៉ាងនាពេលកន្លងមក ។ a kim oun

នៅថ្ងៃព្រហស្បតិ៍នេះដែរ រុស្ស៉ីបាននិយាយថា សហរដ្ឋអាមេរិកហាក់មានពុតត្បុតខ្លាំងណាស់ ក្នុងការរិះគន់ចំពោះកិច្ចប្រជុំកំពូលរវាងប្រធានាធិបតីរុស្ស៉ី លោក វ្ល៉ាឌីមៀ ពូទីន និងមេដឹកនាំកូរ៉េខាងជើងលោក គីម ជុងអ៊ុន ។ទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣បានផ្សាយថា៖ឯកអគ្គរដ្ឋទូតរុស្ស៉ីប្រចាំសហរដ្ឋអាមេរិក លោក អាណាតូលី អាន់តូនូវ (Anatoly Antonov) បានលើកឡើងដូច្នេះថា «សហរដ្ឋអាមេរិកមិនមានសិទ្ធិអ្វី មកប្រៀនប្រដៅយើងអំពីរបៀបរស់នៅឡើយ»។

លោកអគ្គរដ្ឋទូតរុស្ស៉ីបានបន្តថា សហរដ្ឋអាមេរិកបានកសាងសម្ព័ន្ធភាពនៅតំបន់អាស៉ី ពង្រីកការធ្វើសមយុទ្ធយោធានៅក្បែរឧបទ្វីបកូរ៉េ និងបញ្ជូនអាវុធគិតជាប្រាក់រាប់ពាន់លានដុល្លារឱ្យអ៊ុយក្រែន។ លោក Antonov បានសង្កត់ធ្ងន់យ៉ាងដូច្នេះថា «វាដល់ពេលហើយដែលទីក្រុងវ៉ាស៉ីនតោន យកទណ្ឌកម្មសេដ្ឋកិច្ចរបស់ខ្លួនទៅបោះចោលក្នុងធុងសំរាម។ ការរក្សាអំណាចឥទ្ធិពលប៉ូលតែមួយ ដែលក្រុមមន្ត្រីអាមេរិកតែងតែស្រឡាញ់ពេញចិត្តជាខ្លាំងនោះ គឺលែងអាចទៅរួចទៀតហើយ»។

សម្រាប់សហរដ្ឋអាមេរិកក៏ដូចជាសម្ព័ន្ធមិត្តវិញ ចំណងមិត្តភាពដែលហាក់កំពុងតែរីកលូតលាស់ទៅមុខរវាងលោក ពូទីន និងលោក គីម គឺជាក្តីកង្វល់ធំមួយ ដោយទីក្រុងវ៉ាស៉ីនតោនបានចោទកូរ៉េខាងជើង អំពីការផ្តល់អាវុធដល់រុស្ស៉ី ប៉ុន្តែមិនច្បាស់ថា មានអាវុធណាមួយបានទៅដល់ដៃរុស្ស៉ីដែរឬអត់នោះទេ។ កាលពីថ្ងៃពុធសប្តាហ៍នេះ លោក ពូទីន ទើបតែបានបើកកិច្ចប្រជុំកំពូលជាមួយ លោក គីម នៅតំបន់ចុងបូព៌ានៃប្រទេសរុស្ស៉ី។

ភាគីរដ្ឋាភិបាលរុស្ស៊ីនិងកូរ៉េខាងជើងបានបដិសេធចំពោះការចោទប្រកាន់របស់ក្រុមសម្ព័ន្ធមិត្តលោកខាងលិច ដោយបានអះអាងថាជំនួបរវាងថ្នាក់ដឹកនាំទាំងពីររូបខាងលើនេះ គ្រាន់តែធើ្វឡើងដើម្បីជាកិច្ចពង្រឹងចំណងមិត្តភាពផ្ទាល់ខ្លួនតែប៉ុណ្ណោះ។លោកប្រធានាធិបតីពូទីនឯណោះវិញ បានធ្លោយតម្រុយជាច្រើនអំពីលទ្ធភាពនៃកិច្ចសហប្រតិបត្តិការយោធារវាងប្រទេសទាំងពីរ បន្ទាប់ពីលោកទើបបានបញ្ចប់កិច្ចពិភាក្សាជាមួយលោកគីមជុងអ៊ុន នៅក្នុងប្រធានបទមួយដែលអ្នកនាំពាក្យវិមានក្រឹមឡាំងចាត់ទុកជាកិច្ចការសម្ងាត់រវាងភាគីទាំងពីរ។ a kim oun1