គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6744 នាក់

ម្សិលមិញ 9639 នាក់

សរុប 20696915 នាក់

បិទក្រុមហ៊ុនចិនពីរនៅកោះពេជ្រដែលរកស៊ីប្រមូលវេរប្តូរលុយជួញកាសអេឡិចត្រូនិក

21-September-2026 / សេដ្ឋកិច្ច

ភ្នំពេញ៖ ក្រុមហ៊ុនចិនចំនួន២កន្លែង នៅកោះពេជ្រ ដែលចាត់ទុកថាប្រតិបត្តិការអាជីវកម្មដោយខុសច្បាប់លើសេវាកម្មផ្ញើប្រាក់ វេប្រាក់ ប្តូរប្រាក់ ក៏ ដូចជាប្រមែប្រមូល ប្រាក់ពីអតិថិជនក្នុងការជួញដូរកាសអេឡិចត្រូនិក(digital asset/cryptocurrency)ត្រូវបានអាជ្ញាធរចម្រុះបាន សម្រេចផ្អាកសកម្មភាព។ a china companeya

ទីតាំងក្រុមហ៊ុនដែលត្រូវបិទផ្អាកនោះមួយឈ្មោះ BIQUAN TECHNOLOGY (ប៊ីឈាន តិចណូឡូជី) ស្ថិតនៅផ្ទះលេខ S-58 ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ទីតាំងមួយទៀតឈ្មោះ ហ៊ុយ សាង Hui Shang International Remittances មានទីតាំងស្ថិតនៅផ្ទះលេខ S-59 ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ការចុះត្រួតពិនិត្យរបស់គណកម្មកាចំរុះនេះ គឺ យោងតាមសេចក្តីថ្លែងការណ៍រួម រវាងធនាគារជាតិនៃកម្ពុជា គណៈកម្មការមូលបត្រកម្ពុជា និង អគ្គស្នងការដ្ឋាននគរបាលជាតិ ចុះថ្ងៃទី១១ ខែឧសភា ឆ្នាំ២០១៨ ស្តីពីការទប់ស្កាត់បទល្មើសហិរញវត្ថុ និង ការចរាចរខុសច្បាប់ កាស់អេលិចត្រូនិក។

អាជ្ញាធរបានសម្រេច ផ្អាកអាជីវកម្មទាំងស្រុង រហូតដល់មានការអនុញ្ញាត ឬ អាជ្ញាប័ណ្ណស្របច្បាប់ , ណាត់ជួបបង្ហាញអាជ្ញាប័ណ្ណ ឬ ការអនុញ្ញាតប្រកបអាជីវកម្ម ត្រូវបញ្ឈប់សកម្មភាពផ្សព្វផ្សាយ ចរាចរ ទិញ លក់ ទូទាត់ កាសអេឡិចត្រូនិក ប្រហាក់ប្រហែល និងប្រមូលប្រាក់ពីអតិថិជន , ត្រូវរុះរើផ្លាកអាជីវកម្មចេញ Logo Coinups និង ហាមរុះរើសម្ភារៈទាំងអស់នៅក្នុងអគារចេញពីទីតាំងដើម។

លោកឧត្ដមសេនីយ៍ទោ មៀច ដាវីត អនុប្រធាននាយកដ្ឋានកណ្ដាលសន្តិសុខ នៃអគ្គស្នងការនគរបាលជាតិ បានបញ្ជាក់ថា សមត្ថកិច្ចនិងស្ថាប័នជំនាញបានចុះ ទៅណែនាំ តម្រូវឱ្យក្រុមហ៊ុនសុំច្បាប់អនុញ្ញាតពីធនាគារជាតិ នៃកម្ពុជា គឺក្នុងគោលបំណងទប់ស្កាត់ការចរាចរ និង លាងលុយកខ្វក់ឆ្លងដែនចូលកម្ពុជាដែលបានមកពីការប្រព្រឹត្តបទល្មើសផ្សេងៗ ដែលអាចបានពីជាការជួញដូរគ្រឿងញៀន ការជម្រិតទារប្រាក់ កំហែង យកតាមប្រព័ន្ធអ៊ីនធឺណិត ។ល។

ជនល្មើស មានឱកាសសំអាត ប្រើប្រាស់ចរាចរប្រាក់យកពីជនរងគ្រោះតាមរយះក្រុមហ៊ុនអត់ច្បាប់បែបនេះ និងបញ្ចៀសហិរញ្ញបឡទានភេវរកម្ម ក៏ដូចជាការពារប្រជាពលរដ្ឋ អតិថិជន កុំឱ្យចាញ់បោកចំពោះការបើកអាជីកម្មដែលរាជរដ្ឋាភិបាលមិនអនុញ្ញាត។

គួរបញ្ជាក់ថា ការបើកអាជីវកម្មប្តូរប្រាក់ដោយគ្មានអាជ្ញាបណ្ណ័ពីធនាគារជាតិ នៃកម្ពុជា ត្រូវ មានទោសទណ្ឌដែលមានចែងក្នុងច្បាប់ ស្តីពីការគ្រប់គ្រង ការប្តូរប្រាក់ដូចមានចែងក្នុងជំពូក ទី២ ពីអន្តរការិយកម្មធនាគារ មាត្រា៥ក្នុងចំណុចទី៣បានបញ្ជាក់ថា អន្តរការីប្រតិស្រុតិ ក្រោមលក្ខខណ្ឌដែលមានកំណត់ ក្នុងបទបញ្ជាឲ្យផ្តល់ជូនធនាគារកណ្តាលជាទៀងទាត់ នៅ របាយការណ៍តាមកាលកំណត់ប្រតិបត្តិការផ្ទេរប្រាក់ ឬការទូទាត់ និងចលនានៃដើមទុនចេញ និងចូលដែលបានអនុវត្ត រវាងព្រះរាជាណាចក្រកម្ពុជា និងប្រទេសក្រៅទៅតាមរយៈពេល ដែលនឹងកំណត់ដោយធនាគារកណ្តាល ។

ចំណុចទី៥ក៏បានបញ្ជាក់ផងដែរថា អាជីវករប្តូរ ប្រាក់ដល់ដៃ ដែលមានទីតាំងអចល័ត ឬចល័ត អាចធ្វើការប្តូរប្រាក់បាន លុះត្រាតែទទួលការ អនុញ្ញាតជាមុនពីធនាគារកណ្តាល ។
ករណីនេះ ក៏មានចែងនៅទោសបញ្ញាតិ្តតាមមាត្រា២១ ៖ ដូចបញ្ជាក់ថា ៖ ជនណាប្រព្រឹត្តបទល្មើស និងចំណុច៣ ឬចំណុច៤ ឬចំណុច៥ នៃមាត្រា៥ ឬ ប្រព្រឹត្តនឹងមាត្រា១៧នៃច្បាប់នេះ ត្រូវផ្តន្ទាទោសដាក់ពន្ធនាគារ១ឆ្នាំដល់៥ឆ្នាំ និងពិន័យជា ប្រាក់ពី១លានរៀល ដល់១០លានរៀល ឬផ្តន្ទាទោសណាមួយ ក្នុងទោសទាំង២នេះ ៕ a china companeya1 a china companey1 a china companey2