បង្ក្រាប់បានក្រុមឧក្រឹដ្ឋនរំដោះឈ្មួញគ្រឿងញៀនបានតែមេគុគធំត្រូវបានដូចេញ
21-September-2026 / សន្តិសុខសង្គម
ភ្នំពេញ៖ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់តែងតាំង លោក ឈន សាណាត ឋានន្ដរស័ក្ដិ ឧត្តមអគារនុរក្សថ្នាក់លេខ១ ជាអគ្គនាយក នៃអគ្គនាយកដ្ឋានពន្ធនាគារ ក្រសួងមហាផ្ទៃ។ នបើតាមព្រះរាជក្រឹត្យដែលបណ្ដាញព័ត៌មាន ទទួលបាននៅល្ងាចថ្ងៃទី២៣ ខែសីហា ឆ្នាំ២០២៣ឲ្យដឹងថា ការតែងតាំងលោក ឈន សាណាត ជាអគ្គនាយក នៃអគ្គនាយកដ្ឋានពន្ធនាគារ នៅពេលនេះ ជំនួសលោក ឆែម សាវុធ ដែលត្រូវបានតែងតាំងជា រដ្ឋលេខាធិការក្រសួងមហាផ្ទៃវិញ។ទោះបីយ៉ាងណាការផ្លាស់ប្តូនេះគឺបន្ទាប់ពីលោកឹឆែមសាវុធផ្ទុះរឿងអាស្រូវផ្ទួនៗពិសេសគឺសកម្មភាពគុបគិតគ្នាបញ្ចេញអ្នកទោសឲ្យគេរំដោះហើយចាប់បានវិញភ្លាមៗខ្លាំងជាងក្រុមប៉ូលិសសហពន្ធ័អាមេរិកទៅទៀត។
ជាក់ស្តែងអាជ្ញាធររាជធានីភ្នំពេញកាលពីថ្ងៃទី២២ ខែសីហា ឆ្នាំ២០២៣ ចាប់បានទណ្ឌិតមេក្លោង គ្រឿងញៀន Chen Hsin Han ដែលត្រូវបានក្រុមឧក្រិដ្ឋជនប្រដាប់អាវុធរំដោះកាលពីថ្ងៃទី១៧ ខែសីហា ឆ្នាំ២០២៣ នៅគី្លនិកព្យាបាលធ្មេញក្នុងខេត្តសៀមរាបបានវិញហើយនៅភូមិសាស្ត្រខណ្ឌជ្រោយចង្វារភ្នំពេញ។ អគ្គស្នងការរងនគរបាលជាតិ ទទួលផែនបង្ក្រាបបទល្មើសគ្រឿងញៀន នាយឧត្តមសេនីយ៍ ម៉ក់ ជីតូ បានប្រាប់ឱ្យដឹងនៅក្នុងសន្និសីទសារព័ត៌មាននាព្រឹកថ្ងៃទី២៣ ខែសីហា ឆ្នាំ២០២៣ថា ក្រុមឧក្រិដ្ឋជនដែលប្លន់រំដោះអ្នកទោសនេះជាករណីដែលមិនធ្លាប់មានឡើយនៅកម្ពុជាកន្លងមក។
នាយឧត្តមសេនីយ៍ ម៉ក់ ជីតូ បានថ្លែងថា «ជាក់ស្តែង ជននេះបានបញ្ជាមកក្រុមវានៅក្រៅដើម្បីធ្វើសកម្មភាព (រំដោះ) ហើយវាមានប្រពន្ធដែលជាប្រភពទុន បញ្ជូនលុយបញ្ជូនកាក់មកបន្តឱ្យក្រុមឧក្រិដ្ឋជន»។អគ្គស្នងការរងនគរបាលជាតិ បានអះអាងថា ករណីនេះមិនទាន់ចប់ជាស្ថាពរនៅឡើយទេ ខណៈសមត្ថកិច្ចកំពុងតែបន្តស្រាវជ្រាវរកមុខសញ្ញាដែលពាក់ព័ន្ធបន្ថែមទៀត ជាពិសេសតាមចាប់ជនល្មើសដែលអ្នករៀបចំប្រដាប់អាវុធឱ្យជនឧក្រិដ្ឋធ្វើគម្រោងប្លន់រំដោះអ្នកទោស។នាយឧត្តមសេនីយ៍ ម៉ក់ ជីតូ បានគូសបញ្ជាក់ថា ក្នុងអំឡុងអ្នកទោសគ្រឿងញៀនជនជាតិចិនរត់គេចខ្លួនរយៈពេល៥ថ្ងៃក្រោយពីរំដោះបាន ទណ្ឌិតដែលជាប់ពន្ធនាគារខេត្តសៀមរាបបានព្យាយាមរត់គេចឆ្លងដែនទៅប្រទេសថៃ និងឡាវ ប៉ុន្តែត្រូវបានសមត្ថកិច្ចកាត់ផ្តាច់ខ្សែរយៈ និងមធ្យោបាយទាន់ពេលវេលា ទើបអ្នកទោសវិលវល់មកលាក់ខ្លួននៅរាជធានីភ្នំពេញ។
អ្នកទោសនឹងត្រូវបានតុលាការផ្តន្ទាទោសឱ្យធ្ងន់ធ្ងរបន្ថែមទៀត គឺអាចជាប់ទោសលើសមួយជីវិតតែម្តង។នេះបើតាមការបញ្ជាក់ពីនាយឧត្តមសេនីយ៍ ម៉ក់ ជីតូ ដែលបន្ថែមថា ការជាប់ទោសលើសមួយជីវិតគឺមិនគិតពីឆ្នាំនោះទេ ខណៈទណ្ឌិតម្នាក់នោះត្រូវបានតុលាការកន្លងមកផ្តន្ទាទោសដាក់ពន្ធនាគារចំនួន៥២ឆ្នាំពាក់ព័ន្ធនឹងករណីជួញដូរគ្រឿងញៀន។ឧក្រិដ្ឋជនមេខ្លោងគ្រឿងញៀន ដែលក្រុមប្រដាប់អាវុធរំដោះ នៅក្នុងគ្លីនិកធ្មេញ ជុំ ចិន្តា ខេត្តសៀមរាប ត្រូវបានសមត្ថកិច្ចចាប់ខ្លួនបានមកវិញហើយ រួមទាំងមេខ្លោង រៀបចំផែនការរំដោះ និងបក្ខពួក សរុបចំនួន ១១ នាក់ ក្នុងនោះមានទាំង ជនជាតិចិន ខ្មែរ អាមេរិក ហើយ សមត្ថកិច្ចកំពុងបន្តតាមចាប់ខ្លួន ក្រុមឧក្រិដ្ឋជន គ្រោះថ្នាក់ចំនួន ៤ នាក់ បន្ថែមទៀត។
ក្រុមប្រដាប់អាវុធប្លន់ទណ្ឌិត ដែលចាប់ខ្លួន មានដូចជា៖១. ឈ្មោះ ក្លូអេ យេនរ៉ុង ភេទស្រី ជនជាតិចិន កាន់ប៉ាស្ព័រអាមេរិក។២. ឈ្មោះ ផេង ប្រាសិទ្ធសិទ្ធ (ខ្មែរអាមេរិក)។៣. ឈ្មោះ អុិន ចាន់ធី (ខ្មែរអាមេរិក)
៤. ឈ្មោះ សាវី សាវុធ (ខ្មែរអាមេរិក)។៥. ឈ្មោះ សំ ដេវីដ (ខ្មែរអាមេរិក)។៦. ឈ្មោះ រឹម សុផល (ខ្មែរអាមេរិក)។៧. ឈ្មោះ ហ្វ្រូស សារ៉ាត់ សៀន (ខ្មែរអាមេរិក)។៨. ឈ្មោះ ស៊ឹម សឿន ហៅ ក្លូ
៩. ឈ្មោះ ឆេន យូសេង។១០. ឈ្មោះ អាលសាំម៉ារី សាបាហាម៉ាដ។១១. ឈ្មោះ ចិន សិនហាន (ឧក្រិដ្ឋជនមេខ្លោងគ្រឿងញៀន ដែលក្រុមប្រដាប់អាវុធ រំដោះ កាលពីថ្ងៃទី១៧ ខែសីហា ឆ្នាំ២០២៣)។
