វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1979 នាក់
ម្សិលមិញ 5378 នាក់
សរុប 14081272 នាក់
បាត់ដំបង៖បុរសម្នាក់ បានសម្រេចចិត្តចាក់សាំងដុតខ្លួនឯង ដើម្បីបញ្ចប់ជីវិតក្នុងផ្ទះពេលប្រពន្ធកូនមិននៅកាលពីព្រឹកថ្ងៃទី៣០មិថុនា។លោកវ៉ាន់ សុខា មេភូមិកំពង់ឡី ក្នុងឃុំអូរដា ស្រុកកំរៀង ខេត្តបាត់ដំបងកន្លែងកើតហេតុ បានឲ្យដឹងថាជនរងគ្រោះដែលបានធ្វើអត្តឃាតនោះមានឈ្មោះ គី ឈាន ហៅទូច មានប្រពន្ធ និងកូនចិញ្ចឹម១នាក់ នៅក្នុងផ្ទះ។ ជនរងគ្រោះជាមនុស្សមានរោគរាំរៃប្រចាំកាយ និងមានសតិមិនល្អផង។
លោកមេភូមិថាប៉ុន្មានថ្ងៃនេះគេតែងតែទូរស័ព្ទទៅសួរលោកមេភូមិថា ឮគេវាយវិទ្យុទាក់ទងមកប្រាប់ថា ឈ្មោះរបស់ខ្លួនមិនមាននៅក្នុងបញ្ជីភូមិ ឃុំនោះទេ បើទោះបីជាលោកមេភូមិព្យាយាមពន្យល់ច្រើនដងក៏ដោយក៏គេនៅតែបន្តទូរស័ព្ទមកសួរដដែលៗជាញឹកញាប់។នៅល្ងាចថ្ងៃទី២៩ ខែមិថុនា ឆ្នាំ២០២១ជនរងគ្រោះបាននិយាយប្រាប់លោកមេភូមិថា ប្រពន្ធ កូនរបស់ខ្លួនគ្រាន់តែអោយដេកស៊ីសោះក៏យ៉ាប់ដែរ ចាំមើលយប់នេះសម្លាប់ចោលតែម្តង។ឮពាក្យនេះលោកមេភូមិបានប្រាប់ទៅស្ត្រីជាភរិយាអោយចេញទៅដេកផ្ទះបងប្អូននៅខាងក្រៅជាបណ្តោះអាសន្នសិនក្រែងមានបញ្ហា។
លុះព្រឹកម៉ោង៦ថ្ងៃទី៣០ នេះក៏ស្រាប់តែមានអណ្តាតភ្លើងឆាបឆេះផ្ទះរបស់ជនរងគ្រោះតែម្តង ព្រមទាំងមានក្លិនសាំងផងដែរ ទើបប្រភពជាច្រើនបានសន្និដ្ឋានថា ជនរងគ្រោះប្រាកដជាចាក់សាំងដុតខ្លួនធ្វើអត្តឃាតពិតប្រាកដ ដោយសារតែការរវើរវាយផ្តេសផ្តាស់។