វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3963 នាក់
ម្សិលមិញ 6501 នាក់
សរុប 13952518 នាក់
ជប៉ុន៖ ក្រោយពីបានជាប់ឆ្នោតបន្តធ្វើជាប្រធានបក្សប្រជាធិបតេយ្យសេរី(LDP)ដែលជាគណបក្សកាន់អំណាចលោក នាយករដ្ឋមន្ត្រីជប៉ុនលោក ស៊ីនហ្សូ អាបេ នាថ្ងៃទី២តុលាបានធ្វើការរំលាយរដ្ឋាភិបាល ដើម្បីបង្កើតសមាសភាពគណៈរដ្ឋមន្ត្រីថ្មី។
ប្រភពពី ទីភ្នាក់ងារព័ត៌មានចិន ស៉ីនហួរ បានឲ្យដឹងថា៖បើយោងតាមបញ្ចីរឈ្មោះរដ្ឋមន្ត្រីចំនួន ១៩រូប ដែលប្រកាសដោយលោក យ៉ូស៊ីហ៊ីដេ ស៊ូហ្គា (Yoshihide Suga) រដ្ឋមន្ត្រីទទួលបន្ទុកទីស្តីការគណរដ្ឋមន្ត្រីជប៉ុន រដ្ឋមន្ត្រីបច្ចុប្បន្នតែ ០៦រូបប៉ុណ្ណោះ ដែលនៅបន្តកាន់តំណែងដូចដើមដដែល ដោយទាំងនោះសុទ្ធតែជារដ្ឋមន្ត្រីសំខាន់ និងទំនងជាមន្ត្រីជំនិតៗរបស់លោក អាបេ ផ្ទាល់។
រដ្ឋមន្ត្រីទាំង០៦រូប រួមមាន លោក Suga ផ្ទាល់ ឧបនាយករដ្ឋមន្ត្រីនិងជារដ្ឋមន្ត្រីហិរញ្ញវត្ថុ លោក Taro Aso រដ្ឋមន្ត្រីការបរទេស លោក Taro Kono រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្ម លោក Hiroshige Seko រដ្ឋមន្ត្រីដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ លោក Keiichi Ishii និងរដ្ឋមន្ត្រីស្តាសេដ្ឋកិច្ចលោក Toshimitsu Motegi។
ចំណែកសម្រាប់រដ្ឋមន្ត្រី១៣នាក់ផ្សេងទៀត ក្នុងនោះមានសមាសភាពថ្មី១២នាក់ និងអតីតរដ្ឋមន្ត្រីម្នាក់។
ក្នុងការបោះឆ្នោតជ្រើសតាំងប្រធានគណបក្ដសកាលពីថ្ងៃទី២០ ខែកញ្ញាកន្លងទៅលោក អាបេ បានផ្តួលគូប្រជែងគឺអតីតរដ្ឋមន្ត្រីការពារជាតិ លោក ស៊ីហ្គែរុ អ៊ីស៊ីបា (Shigeru Ishiba) ហើយបន្តឈ្នះក្នុងអាណត្តិទីបីជាប់គ្នា ក្នុងនាមជាប្រធានបក្សអំណាច LDP៕