វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5928 នាក់
ម្សិលមិញ 5304 នាក់
សរុប 14145454 នាក់
ភ្នំពេញ ៖ ទីបំផុតលោក ទេព ពិសិដ្ឋ ម្ចាស់ប្រេនS88 Beauty បានចេញមុខមកសម្របសម្រួល សំណងជំងឺចិត្ត ដល់គ្រួសារ លោក ពាក់មី គ្រប់ចំនួន ហើយលោក ពាក់មី ក៏បានដកពាក្យបណ្ដឹង ។ ការចេញមកសម្របសម្រួលនេះគឺបន្ទាប់ពីចូលដល់ដៃអយ្យការនិងបន្ទាប់ពីក្រសួងសុខភិបាលបានចេញប្រកាសបិទអាជីវកម្ម S88 Beauty។ឈានដល់ដំណាក់កាលនេះហើយវាមិនទាន់ចប់ទេ។តាមផ្លូវច្បាប់ ទោះជាមានសំណងរដ្ឋប្បវេណី រួចរាល់ក៏ដោយ នឹងថែមទាំងដក ពាក្យបណ្តឹង ក៏ លោក ទេព ពិសិដ្ឋ ម្ចាស់ប្រេនS88 Beauty ជាប់បណ្តឹងអាជ្ញា ដែលមន្ត្រីនគរបាលយុត្តិធម៌ ត្រូវតែកសាងសំណុំរឿងបញ្ជូនទៅតំណាងអយ្យការដែលទាមទារប្រើប្រាស់សេវា?។
នៅរសៀលថ្ងៃទី៦ ខែសីហា ឆ្នាំ២០២៣ លោក ពាក់មី បានបង្ហោះលើ facebook ថា ទីបំផុតលោក ទេព ពិសិដ្ឋ ម្ចាស់ប្រេនS88 Beauty បានចូលខ្លួនមកដោះស្រាយហេីយ អរគុណសមត្ថកិច្ចទាំងអស់ ដែលបានប្រឹងប្រែងតាមដានស្រាវជ្រាវលេីករណីនេះ ។ បើពីដំបូង ប្អូនកុំគេចវ៉េស ហេីយចេញមុខមកទទួលខុសត្រូវ ភ្លាមៗនោះ រឿងក៏មិនធំដល់ថ្នាក់នឹងដែរ ឥឡូវហាងប្អូនទាំង13សាខា ត្រូវបានបិទ ហេីយត្រូវមានទោសទៀត។ ពេលនេះលោក ទេព ពិសិដ្ឋ បានសងសំណង តាមសំណើរបស់ខ្ញុំ រួចរាល់ហើយ ខ្ញុំក៏បានដកពាក្យបណ្តឹងដែរ តទៅមុខសូមប្អូនយកចិត្តទុក្ខដាក់ខ្ពស់ ដល់អតិថិជន សូមអរគុណ ។
សូមបញ្ជាក់ថា, ក្រសួងសុខាភិបាលបន្ទាប់ពីផ្ទុះរឿងព្យួសេរ៉ូមភរិយាលោកពែកមីប្រតិកម្មប៊ីះស្លាប់ចូលពេទ្យផ្អើលគេឯង ទើបបានចេញប្រកាសបិទអាជីវកម្មរបស់ លោក ទេព ពិសិដ្ឋ ម្ចាស់ប្រេនS88 Beauty ទាំង 13 សាខា ប៉ុន្តែក្នុងសេចក្តីជូនដំណឹងដាក់ ១១សាខាសិន អាចអោយជំនាញ បន្ត ស៊ើបអង្កេត ស្រាវជ្រាវទៀត បន្ទាប់ពីរកឃើញថា, គ្មានច្បាប់អនុញ្ញាត និងព្យាបាលដល់អតិថិជន ដាក់សេរ៉ូមឲ្យសាច់សស្អាត រហូតដល់មានគ្រោះថ្នាក់ ចូលសង្គ្រោះបន្ទាន់ ។ ដូច្នេះក្រសួងមិនត្រឹមតែបិទអាជីវកម្មប៉ុណ្ណោះទេ ក៏បានកសាងសំណុំរឿងបញ្ជូនទៅតុលាការតាមនីតិវិធី។
សូមរំលឹកថា, សាខាហាងកែសម្ផស្ស របស់ លោក ទេព ពិសិដ្ឋ ម្ចាស់ប្រេនS88 Beauty ដែលក្រសួងសុខាភិបាលបិទ រួមមានដូចខាងក្រោម ៖× S88 Beauty ស្ថិតនៅផ្ទះលេខ ១១០ ផ្លូវលេខ៥៣ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ× S88 Beauty ស្ថិតនៅផ្ទះលេខ A៣៧ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ។× S88 Beauty ស្ថិតនៅផ្ទះលេខ ១២៩B ផ្លូវលេខ ៤៤០ សង្កាត់ទួលទំពូងទី២ ខណ្ឌចំការមន រាជធានីភ្នំពេញ។× S88 Beauty នៅផ្ទះគ្មានលេខ ផ្លូវលេខ ២០១១ សង្កាត់គោកឃ្លាង ខណ្ឌសែនសុខ រាជធានីភ្នំពេញ។♦ S88 Beauty ស្ថិតនៅផ្ទះលេខ ៣០C ផ្លូវលេខ ១៤៦ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។× S88 Beauty ស្ថិតនៅផ្ទះលេខ ១៩A ផ្លូវលេខ១១ សង្កាត់ព្រៃស ខណ្ឌដង្កោ រាជធានីភ្នំពេញ។× S88 Beauty ១ទីតាំងនៅខេត្តព្រះសីហនុ × S88 Beauty ១ទីតាំងនៅខេត្តកំពត។♦ S88 Beauty ១ទីតាំងនៅខេត្តកំពង់ចាម។× S88 Beauty ១ទីតាំងនៅខេត្តសៀមរាប × S88 Beauty ១ទីតាំងនៅខេត្តបាត់ដំបង។
ក្រសួងសុខាភិបាល និងរដ្ឋបាលរាជធានី-ខេត្ត កំពុងបន្តស្រាវជ្រាវរកទីតាំងដទៃទៀត ហើយនឹងរៀបចំសំណុំរឿង បញ្ជូនទៅតុលាការ ដើម្បីចាត់វិធានការស្របតាមច្បាប់ជាធរមាន៕