វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 836 នាក់
ម្សិលមិញ 5378 នាក់
សរុប 14080129 នាក់
ខេត្តព្រះសីហនុ៖ អាជីវករ និងភ្ញៀវទេសចរជាតិ-អន្តរជាតិ បង្ហាញការសោកស្តាយ ដែលមន្ទីរទេសចរណ៍ ក៏ដូចជារដ្ឋបាលក្រុង-ខេត្តព្រះសីហនុ បញ្ជូនបុគ្គលិកកម្មករសំអាតឆ្នេរ ចុះកាប់ដើមឆ័ត្រ ឬដើមតាប៉ាង ដែលដុះនៅតាមឆ្នេរអូរឈើទាលបំផ្លាញចោលស្ទើរគ្មានសល់..។
បើតាមអាជីវករដើមឈើ ដែលដុះនៅតាមឆ្នេរអូរឈើទាល សម្រាប់បាំងម្លប់ រនាំងបាំងខ្យល់ ឬទប់ឆ្នេរកុំឲ្យរលកសមុទ្រហូរច្រោះ តែមិនដឹងថាហេតុអីបែជាត្រូវអាជ្ញាធរ នៃរដ្ឋបាលខេត្តព្រះសីហនុ បញ្ជាឲ្យកម្មករចុះកាប់ចេញពីឆ្នេរអូរឈើទាលស្ទើររលាយហិនហោចក្នុងរយៈពេលខ្លី។ឬមួយដើមឈើហ្នឹងវាប៉ះពាល់ហុងស៊ុយមន្ត្រីមានអំណាចណាមួយ?។ព្រោះនៅភ្នំពេញដើមឆត្រ័ត្រូវបានគេកាប់ចោលគ្មានសល់ក្រោមឡេសថាស្លឹកវាស្ទះលូចុះនៅខេត្តព្រះសីហនុស្ទះលូអីដែរ?។
ក្រុមអាជីវករមួយចំនួន មានហាងលក់ដូរនៅតាមឆ្នេរអូរឈើទាលលើកជាសំណួរថាវាទើសអីបានជា រដ្ឋបាលខេត្តព្រះសីហនុ បានបញ្ជូនកម្មករសំអាតឆ្នេរសមុទ្រ ឲ្យយកម៉ាស៊ីនត្រង់សឺន័រ មកអាកាត់ផ្តួលរំលំដើមឆ័ត្រ ឬដើមតាប៉ាង ដែលដើមឈើខ្លះ ពួកគាត់បានដាំចន្លោះពីជិត ១០ឆ្នាំ ទៅជិត ២០ឆ្នាំកន្លងមកនេះចោលបែបនេះ?។ បើថា កាប់ដើមឈើដើម្បីសំអាតឆ្នេរសមុទ្រឲ្យមានអនាម័យ និងសោភ័ណភាពនោះ គឺនៅឆ្នេរសមុទ្រមុខហាងពួកគាត់ គឺមានកម្មករបោសសំអាតជារៀងរាល់ថ្ងៃ មិនឲ្យមានសំរាមនៅលើឆ្នេរសមុទ្រនេះទេ។
យ៉ាងនេះក្តី ក្រុមបុគ្គលិកកម្មករសំអាតឆ្នេរ ដែលចុះទៅអារផ្តួលរំលំដើមឆ័ត្រ ឬដើមតាប៉ាងនៅឆ្នេរអូរឈើទាល បានឲ្យដឹងថា ពួកគេ ត្រូវបានថ្នាក់ដឹកនាំ របស់ខ្លួន តម្រូវឲ្យចុះមកកាប់ដើមឈើ ដែលដុះនៅតាមឆ្នេរអូរឈើទាលចោលទាំងអស់ ដើម្បីសំអាតឆ្នេរនេះ ឲ្យមានសោភ័ណភាព អនាម័យ និងបរិស្ថានល្អ។ ដូច្នេះពួកគេ ត្រូវតែកាប់ដើមឈើទាំងនោះចោល ព្រោះជាបញ្ជាថ្នាក់លើត្រូវតែអនុវត្តឲ្យបានល្អ?៕