ឈ្មួញកាវលៀសបែកទឹកសំពោងសមត្តកិច្ចជំនាញពោធិសាត់សម្ងំឈឹង?
19-January-2026 / ព័ត៌មានជាតិ
ពោធិ៍សាត់៖ មេឈ្មួញលៀសជើងចាស់ដុះល្លែដែលមានឈ្មោះ សន វ៉ាន់នី ភេទស្រីមានផ្ទះនៅជិតក្លោងទ្វារវត្តកោះរំដួល និងម្នាក់ទៀតឈ្មោះ តាម៉ុង ភេទប្រុសនៅភូមិផ្សារក្រគរ កំពុងតែបញ្ជាទិញ និងសម្រុកប្រើឧបករណ៍ឈ្នាងអូសលៀស ដោយប្រើប្រាស់កម្លាំងម៉ាស៊ីនខ្នាត់យក្ស ធ្វើសកម្មភាពអូស និងកាវលៀសយ៉ាងអានាធិបតេយ្យនៅលើផ្ទៃបឹងទន្លេសាប គ្មានសមត្ថកិច្ចជុំនាញ និងសមត្ថកិច្ចពាក់ព័ន្ធចុះបង្ក្រាបឡើយ.!
សេចក្ដីរាយការណ៍ពីរខេត្តពោធិ៍សាត់បានឲ្យដឹងថា:ឈ្មួញរកស៊ីកាវលៀសគេនេសាទលៀស ដោយប្រើប្រាស់ ទូកឡាឈើបំពាក់ដោយម៉ាស៊ីនខ្នាតយក្ស អូស ឬកាវ កកូពេញផ្ទៃទឹកបឹងទន្លេសាប ។ករណីនេះជាការប៉ះពាល់យ៉ាងធ្ងន់ធ្ងដល់ ជីវ:ចម្រុះ ពពួកប្លុងតុង អេកូឡូស៊ី ដែលជាចំណីមច្ឆាជាតិ និងជាសារៈសំខាន់ នារដូវបិតនេសាទ ស្ថិតនៅក្នុងបឹងទន្លេសាប ក្នុងភូមិសាស្ត្រឃុំកំពង់ហ្លួង ស្រុកក្រគរ ខេត្តពោធិ៍សាត់ ។
ឈ្មួញទាំង២នាក់ខាងលើកំពុងតែបញ្ជាទិញលៀស ជញ្ជូនទៅប្រទេសវៀតណាម ដោយមានឈ្មួញជនជាតិវៀតណាម ផ្ដល់លុយនៅពីក្រោយខ្នង ដឹកលៀសចេញតាមរយ: ទូកបាឡាឈើធំៗ និងបន្តដឹកតាមរថយន្តយីឌុបខ្នាតយក្ស ជាច្រើនគ្រឿងចេញពីឃុំកំពង់ហ្លួង ក្នុងស្រុកក្រគរ ខេត្តពោធិ៍សាត់ យកទៅលក់នៅប្រទេសវៀតណាម។
ជាក់ស្ដែងកាលពីវេលាម៉ោង៦ និង៣៧ នាទីល្ងាចថ្ងៃទី៣ និងនៅវេលាម៉ោង៦ និង៣០នាទីល្ងាចថ្ងៃ៥ ខែសីហា ឆ្នាំ២០២៣ ក្រុមអ្នកយកព័ត៌មានយើងបានបន្ត សង្កេតឃើញមានទូកបាឡាឈើបំពាក់ដោយម៉ាស៊ីនnissan ម៉ាក់ស្តារ lexus ហ្នឹងហើយឡេនឌ័រ ដឹកជញ្ជូនលៀស មកសាងឡើង រថយន្តយាយដឹផ្លូវ 5នៅចំណុចនិយាមកា 48P 414013 1390146 ស្ថិតនៅក្នុងឃុំកំពង់ហ្លូង ស្រុកក្រគរ ខេត្តពោធិ៍សាត់ ។
ប្រជាពលរដ្ឋដែលជាប្រធាននេសាទលក្ខណៈគ្រួសារបានមានចំងល់ សួថាតើករណីនេះជាភាពកំសោយរបស់លោក ហៃ ធូរ៉ា ប្រធានមន្ទីរកសិកម្មរុក្ខបាញ់និងនេសាទខេត្តពោធិ៍សាត់ ឬជាការបើកភ្លើងខៀវដើម្បីទទួលយកសំណូកសើមមាត់សើមក.?។ តើលោក ភិន សុវណ្ណា នាយផ្នែករដ្ឋបាលជលផលកំពង់ហ្លួង នឹងលោក ភ៊ុំ វិមល នាយខ័ណ្ឌរដ្ឋបាលជលផល ខេត្តពោធិ៍សាត់ មានបានមើលឃើញទេ??
សេចក្ដីរាយការណ៍ខាងលើបន្តថា គេមិនដែលឃើញមានសមត្ថកិច្ចជំនាញពាក់ព័ន្ធ ឬអាជ្ញាធរថ្នាក់ណាមួយចេញមុខ មកធ្វើការទប់ស្កាត់ និងចុះបង្ក្រាបនោះឡើយ ។បើសមត្ថកិច្ចចុះបង្ក្រាបមកម្ដងម្កាល គឺគ្រាន់តែចុះមកនាំគ្នាថតស៊ែហ្វី ស្ងាត់ៗ ហើយក៏ត្រឡប់ថយក្រោយវិញអស់។បើតាមច្បាប់៖កានេសាទកាវលៀស និងការដឹកជញ្ជូន លៀសមិនមែនជាបទល្មើសថ្នាក់ឧក្រិដ្ឋ ឬជាបទល្មើសថ្នាក់មជ្ឈឹមនោះទេ.!
តែជាបទល្មើសលហុ.! យោងច្បាប់រដ្ឋបាលជលផលមាត្រា៩៤ ត្រូវទទួលពិន័យអន្តរការពីរដ្ឋបាលជលផលជាប្រាក់ពីមួយ(១)ដងទៅពីរ(២)ដង លើតម្លៃទីផ្សារនៃវត្ថុតាងពិតប្រាកដ ឯវត្ថុតាង ទាំងអស់ត្រូវប្រគល់ឲ្យសាមីជនវិញ ។
ប៉ុន្តែចំពោះជនណាដែលបានប្រព្រឹត្តបទល្មើសណាមួយដូចខាងក្រោម:-ចំណុច.១ នេសាទដោយអួនអូសគូ ឬអួនហ៊ុំរួមផ្សំភ្លើងធ្វើឱ្យត្រី ឬវារីសត្វកុំ។-ចំណុច.២ នេសាទដោយឧបករណ៍ ម៉ាញ់ នាម ជន មងក្រឡុក មងអូស ឈ្នាងអូសលៀស ឬខ្ចៅនៅទឹកសាប និងឈ្នាងអូសក្រែងឈាម នៅតំបន់ឆ្នេរសមុទ្រដែលអូស ឬរុញដោយកម្លាំងម៉ាស៊ីន ដោយគ្មានការអនុញ្ញាត។-ចំណុច.៣ នេសាទដោយប្រើឧបករណ៍ដាយចាប់ត្រី ឬដាយចាប់បង្កងខុសទីតាំងកំណត់របស់ឡូដាយចាប់ត្រី ឬដាយចាប់បង្កង។
-ចំណុច.៤ នេសាទដោយអួនអូស ឬឈ្នាងអូសត្រាំក្រឡាហូលនៅក្រៅតំបន់អនុញ្ញាតឱ្យធ្វើការនេសាទ។-ចំណុច.៥ ប្រើនាវានេសាទបរទេសដើម្បីធ្វើអាជីវកម្មនេសាទ ក្នុងដែននេសាទសមុទ្រកម្ពុជាមិនអនុវត្តតាមលក្ខខណ្ឌនៃកិច្ចព្រមព្រៀង។-ចំណុច.៦ ប្រើនាវានេសាទបរទេសដើម្បីធ្វើអាជីវកម្មនេសាទនៅក្នុងដែននេសាទសមុទ្រកម្ពុជាគ្មានលិខិតអនុញ្ញាត។-ចំណុច.៧ ចាប់ លក់ ទិញ ធ្វើសន្និធិនិងដឹកជញ្ជូនកូន ឬពងត្រី និងកូន ឬពងវារីសត្វផ្សេងទៀតដោយគ្មានលិខិតអនុញ្ញាត។
-ចំណុច.៨ ផលិត ទិញ លក់ ដឹកជញ្ជូន រក្សាទុកឧបករណ៍នេសាទ អួនអូសគូ។-ចំណុច.៩ មិនគោរពតាមផែនការគ្រប់គ្រង និងផែនការប្រមូលផលិតផលជលផលប្រចាំឆ្នាំ។ជនណាប្រព្រឹត្តបទល្មើសជលផលចំណុចទី១ ចំណុចទី២ ចំណុចទី៣ ចំណុចទី៤ ចំណុចទី៥ និងចំណុចទី៦ នៅពេលយប់ត្រូវទទួលការ ពិន័យអន្តរការពីរដ្ឋបាលជលផលទ្វេដងនៃប្រាក់ពិន័យក្នុងកថាខណ្ឌទី១ នៃមាត្រានេះ ហើយវត្ថុតាង ពិតប្រាកដទាំងអស់ត្រូវរឹបអូសជាសម្បត្តិរដ្ឋ។
ប្រជាពលរដ្ឋនេសាទលក្ខណៈគ្រួសារអំពាវនាវស្នើសុំ ដល់ស្ថាប័នមានសមត្ថកិច្ច ជាពិសេសសូមគោរពស្នើសុំឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់មេត្តាចាត់វិធានការទប់ស្កាត់ និងបង្ក្រាបទាន់ពេលវេលា៕ប្រភពបណ្ដាញ សារព័ត៌មាន នគរមាស
