វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4644 នាក់
ម្សិលមិញ 8227 នាក់
សរុប 14131525 នាក់
កំពង់ឆ្នាំង៖ លោក ហ៊ាល ទូច ប្រធានសាខាគយខេត្តកំពង់ឆ្នាំងត្រុវបានអ្នករកស៊ីនិយាយថាជាមេគយដែលពូកែគោះជាងការបង្ក្រាប ។មូលហេតុគឺ ទោះបីឈ្មួញ ប្រើប្រាស់រថ យន្តធំៗដឹកទំនិញគេចពន្ធ និងទំនិញបង់ពន្ធមិនគ្រប់យ៉ាងណាក៏ដោយ ក៏មិនដែលឃើញលោក ហ៊ាល ទូច ចាត់ វិធាន ទេ ផ្ទុយទៅវិញ ឈ្មួញណាមិនបង់លុយតាមការកំណត់ គឺនឹងត្រូវពិន៏យជាមិនខាន ។
ប្រភពពី ភ្នាក់ងាររបស់គយក្នុងខេត្តកំពង់ឆ្នាំង បានបង្ហើបឲ្យដឹងថាលោក ហ៊ាល ទូច ប្រធានសាខាគយខេត្តកំពង់ឆ្នាំង និងបក្ខពួកគាត់មួយចំនួនតូចកំពុងឃុបឃិតគ្នាគាបយកលុយពីក្រុមឈ្មួញដឹកជញ្ជូនទំនិញឆ្លងកាត់ផ្លូវជាតិលេខ៥ ក្នុងខេត្តកំពង់ឆ្នាំង។ ឈ្មួញដែលដឹកជញ្ជូនទំនិញតាមរថយន្តធំៗ តាមរថយន្តសាំយ៉ុង និងរថយន្តប្រភេទផ្សេងៗទៀតត្រូវបង់លុយឲ្យលោក ហ៊ាល ទូច តាមការកំណត់បើទោះបីទំនិញទាំងនោះបង់ពន្ធគយនៅច្រកព្រំដែនរួចរាល់យ៉ាងណាក៏ដោយ។
ប្រភពពីឈ្មួញមួយចំនួនបានឲ្យដឹងថា នៅពេលពួកគាត់ដឹកទំនិញឬផ្លែឈើតាមរថយន្តសាំយ៉ុងពីច្រកព្រំដែនក្នុងខេត្តប៉ៃលិន ខេត្តបាត់ដំបង និងខេត្តបន្ទាយមានជ័យ ឆ្លងកាត់ផ្លូវជាតិលេខ៥ ខេត្តកំពង់ឆ្នាំង ត្រូវបង់លុយឲ្យសមត្ថកិច្ចគយខេត្តកំពង់ឆ្នាំង ក្នុងមួយរថយន្តចាប់ពី៨ទៅ១០ម៉ឺនរៀលដោយគ្មានបង្កាន់ដៃឬវិក្ក័យប័ត្រអ្វីទេ។ ក្នុងមួយយប់ៗមានរថយន្តសាំយ៉ុងដឹកផ្លែឈើនិងដឹកទំនិញផ្សេងៗពី៨០ទៅជាង១០០គ្រឿង ដូច្នេះលោក ហ៊ាល ទូច ប្រធានសាខាគយខេត្តកំពង់ឆ្នាំង និងបក្ខពួកប្រមូលលុយបានមិនតិចឡើយ។
ចំណែកម្ចាស់រថយន្តដឹកទំនិញធំៗទោះបីទំនិញបង់ពន្ធត្រឹមត្រូវនិងទំនិញបង់ពន្ធមិនគ្រប់ គឺត្រូវបង់លុយឲ្យលោក ហ៊ាល ទូច និងបក្ខពួកក្នុងមួយជើងពី១០០ដុល្លារទៅ៣០០ដុល្លារ ហើយក្នុងមួយថ្ងៃមានរថយន្តធំៗដឹកទំនិញរាប់សិបគ្រឿងឆ្លងកាត់មុខស្នាក់ការគយខេត្តកំពង់ឆ្នាំង ដែលជាប្រភពចំណូលដ៏ធំរបស់លោក ហ៊ាល ទូច និងបក្ខពួកតែម្តង។
សេចក្តីរាយាករណ៍នេះសង្ឃឹមថា ថ្នាក់ដឹកនាំក្រសួងហិរញ្ញវត្ថុ ក៏ដូចជាមេគយធំៗក្នុងអគ្គនាយកដ្ឋានគយនិងរដ្ឋាករកម្ពុជាចាត់វិធានការ ទប់ស្កាត់ទង្វើពុករលួយបង្កឡើងដោយ លោក ហ៊ាល ទូច មេគយខេត្តកំពង់ឆ្នាំង និងបក្ខពួកធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនក្នុងមួយខែៗជាមិនខានបើមិនទទួលបានលាភសក្ការៈអ្វីជាមួយនោះទេ ។