នាយប៉ុស្តិ៍ នគរបាលច្រកទ្វារត្រពាំងផ្លុងធ្វើការងារលើសផែនការដោយប្រើជនស៊ីវិលអង្គុយចាំ​រាប់​ក្បាល​រថយន្ត​យកលុយពូឈ្មួញដឹក ទំនិញ​ចេញចូល

!

នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងផ្លុងត្រូវបានអ្នករកស៊ីរាយការណ៍ថាបានធ្វើសកម្មភាពលើសពីតួនាទីភារកិច្ចរបស់ខ្លួនជានគរបានអន្តោប្រវេសន្តន៍ដោយប្រើមនុស្សដើរទាលុយរថយន្តដឹកទំនិញ។ 

អ្នករកស៊ីនិយាយថា៖មេប៉ុស្តិច្រកទ្វារអន្តរជាតិកម្ពុជាវៀតណាមមួយនេះបានដាក់ពង្រាយមន្រ្តីក្រោមឱវាទនិងជនស៊ីវិលអោយដើរ ប្រមូលលុយពីឈ្មួញនិងអាជីវករនាំទំនិញគេចពន្ធទំនិញបង់ពន្ធមិនគ្រប់ចេញពីប្រទេសវៀតណាមចូលមកប្រទេសខ្មែរ។សម្រាប់​បន្លែ​ផ្លែឈើ​១​រ៉ឺម៉ក ត្រូវ​បង់លុយ​ចាប់ពី៨ម៉ឺន​រៀល ទៅ១០ ម៉ឺនរៀល ។រថយន្ត​សាំ​យ៉ុង​ត្រូវបង់ចាប់ពី២០ ម៉ឺន​រៀលទៅ៣០ ម៉ឺន​រៀល​ និងរថយន្តធំបង់ចាប់ ពី៣០ម៉ឺន រៀលទៅ៥០ ម៉ឺនរៀល តាមការកំណត់របស់ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរ ជាតិត្រពាំងផ្លុងជាកំហិត។​

ប្រភពពីក្រុម​ឈ្មួញនិង​អាជីវករបានបន្តថា នាយ​ប៉ុស្តិ៍​នគរបាល​អន្តោប្រវេសន៍​ច្រកទ្វារ​ព្រំដែនអន្តរ ជាតិ​ត្រពាំង​ផ្លុង ដាក់ពង្រាយមន្រ្តីនគរបាលក្រោមឱវាទនិង ជនស៊ីវិលគាប​យក​លុយ​ពី​ពួក​គាត់​ដោយ​គ្មាន​ការយោគយល់​ឡើយ តែបានបើកដៃអោយមេឈ្មួញ​ធំៗនាំ​ចូល​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​នឹងទំនិញខុសច្បាប់តាម​អំពើ​ចិត្ត​។​

ប្រភពដដែលបានបន្តអោយទៀតថា បន្លែផ្លែឈើនិងទំនិញ​ឈ្មួញនាំចូល​ពីប្រទេសវៀតណាមចូលមកប្រទេសខ្មែរតាម​ច្រកទ្វារ​ព្រំដែនអន្តរជាតិ​ត្រពាំង​ផ្លុង ប្រឈម​នឹងការលំបាក​កាន់តែខ្លាំង​ដោយ សារ​សមត្ថកិច្ចច្រើនស្ថាប័នប្រចាំការនៅច្រកមួយនេះនិងសមត្ថកិច្ចតាមដងផ្លូវច្រើនទៀតគាប​យក​លុយ​លើ​តុ​ក្រោម​តុ​ច្រើនៗតាមការកំណតជាពិសេសនាយប៉ុស្តិ៍នគរបាលអន្តោប្រវេសន៍នេះតែម្តង។​ ​ប្រភពពីមន្រ្តីដែលស្និទនិងនាយប៉ុស្តិ៍នគរបាលអន្តោប្រវេសន៍ច្រក​ទ្វារ​ព្រំដែនអន្តរជាតិ​ត្រពាំងផ្លុងបានបង្ហើបអោយដឹងទៀតថាលោកនាយប៉ុស្តច្រកទ្វារនេះ អាង​មាន​ខ្នងបង្អែក​រឹងមាំ ទើប​លហ៊ាន​ធ្វើ​អ្វីៗ​តាមអំពើ​ចិត្តដោយ​គ្មាន​ញញើតអង្គភាពប្រឆាំងអំពើពុករលួយឡើយ?។