វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3382 នាក់
ម្សិលមិញ 6501 នាក់
សរុប 13951937 នាក់
អារ៉ាប៊ីសាអូឌីត៖លោកធីមឃក( Tim Cook )នាយកប្រតិបត្តិក្រុមហ៊ុនអ៊ែផល( Apple )បានឲ្យដឹងថា លោកនឹងស៊ើបអង្កេត ការប្រើប្រាស់កម្មវិធី ដែលមានក្នុង App Store របស់ក្រុមហ៊ុនទាំងអស់ ជាពិសេសកម្មវិធីតាមដាន និងកំណត់ការ ធ្វើដំណើររបស់ស្ត្រី នៅក្នុងប្រទេសអារ៉ាប៊ីសាអូឌីត តែម្តង ។
គេហទំព័រឌៀលីម៉ែលបានឲ្យដឹងថាការប្រកាសរបស់នាយកប្រតិបត្តិក្រុមហ៊ុនអ៊ែផល( Apple បានកើតឡើងក្រោយពីមានការរិះគន់ពីក្រុមសិទ្ធមនុស្ស។ ក្នុងចំណោមអ្នករិះគន់ គឺSen. Ron Wyden នៃរដ្ឋអរីហ្គិន។ លោក Wyden បាននិយាយលិខិត បើកចំហមួយថា “ក្រុមហ៊ុនអាមេរិកមិនគួរបើក ឬសម្របសម្រួលអយ្យកោ របស់រដ្ឋាភិបាល អារ៉ាប៊ីសាអូឌីតឡើយ។
សូមបញ្ជាក់ថាកម្មវិធីដែលមានឈ្មោះថា Absher មានក្នុង Google Play Store បានអនុញ្ញាតឲ្យ ពលរដ្ឋអារ៉ាប៊ីសាអូឌីត ចុះឈ្មោះ “អ្នកនៅក្នុងបន្ទុក” ដោយប្រើឈ្មោះ និងលេខលិខិតឆ្លងដែន។កម្មវិធីនេះផ្តល់ឲ្យអាណាព្យាបាលនេះ នូវសមត្ថភាពក្នុងការតាមដាន ចលនាស្ត្រី និងកំណត់កន្លែង ដែលពួកគេអាចទៅបាន និងរយៈពេលពួកគេ អាចស្នាក់នៅកន្លែងណាមួយ។ការយល់ដឹងអំពីអត្ថិភាព របស់ Abshe បាននាំឲ្យមានការអំពាវនាវ ពីក្រុមសិទ្ធិមនុស្ស និងក្រុមអ្នកនយោបាយ ឲ្យដកចេញទាំងស្រុង ពីកម្មវិធីapp store ។តែលោកឃក( Cook )និយាយថា លោកមិនបានដឹងពីអត្ថិភាព នៃកម្មវិធីនេះ លោកបានប្រាប់កាសែត ថា ក្រុមហ៊ុន Apple នឹងស៊ើបអង្កេតបញ្ហានេះ។
សូមបញ្ជាក់ថា៖ប្រទេស អារ៉ាប៊ីសាអ៊ូឌីតជាប្រទេសស្តេចប្រេង និង ជាប្រទេសមានបំផុតមួយ តែត្រូវបានគេទទួលស្គាល់ថា ជាប្រទេសដ៏តឹងរ៉ឹងបំផុតនៅលើលោកក្នុងការផ្ដល់សិទ្ធិសេរីភាពទៅឲ្យស្ត្រី។ ថ្មីៗនេះគេបង្កើត ច្បាប់ថ្មីមួយដោយបន្ធូរបន្ថយដល់ស្ត្រីអារ៉ាប់ ឲ្យមានសិទ្ធិបើកបរដោយខ្លួនឯងក្តី ប៉ុន្តែកិច្ចការ៩យ៉ាងខាងក្រោមនេះ ពួកគេមិនអាចធ្វើបានដាច់ខាត៖
១ ស្លៀកពាក់តាមចិត្តចង់៖ ការស្លៀកពាក់របស់ស្ត្រីនៅអារ៉ាប៊ីសាអ៊ូឌីតមានចែងនៅក្នុងច្បាប់ឥស្លាម។ ការស្លៀកពាក់ដែលបង្ហាញពីសម្រស់គឺជាការខុសច្បាប់។ ស្ត្រីត្រូវទទូរឲ្យជិតទាំងអស់នៅទីសាធារណៈ។
២ អាពាហ៍ពិពាហ៍៖ ស្ត្រីមិនអាចរៀបការដោយគ្មានការអនុញ្ញាតពីអាណាព្យាបាលប្រុសបានទេ ហើយ អ្នកដែលចង់រៀបការជាមួយជនបរទេស ត្រូវតែទទួលបានការឯកភាពពីក្រសួងមហាផ្ទៃ។
៣ ប្រកួតកីឡា៖ នៅឆ្នាំ ២០១៦ អារ៉ាប៊ីសាអូឌីតបានស្នើសុំធ្វើជាម្ចាស់ផ្ទះកីឡាអូឡាំពិកដោយគ្មានអត្តពលិកនារី ហើយ ព្រះអង្គម្ចាស់ ហ្វាហាដ ប៊ីន ចាឡាវី អាល់សាដ (Fahad bin Jalawi al-Saud ) បាននិយាយថា "សង្គមរបស់យើងមានការអភិរក្សតឹងរ៉ឹងណាស់" និង "មានការពិបាកក្នុងការទទួលយកស្ត្រីនៅក្នុងការប្រកួតប្រជែងកីឡា" ។នៅពេលដែលប្រទេសអភិរក្សនិយមមួយនេះបានបញ្ជូនស្ត្រី២នាក់ឱ្យទៅចូលរួមប្រកួតកីឡាជាលើកដំបូងក្នុងឆ្នាំ ២០១២ បព្វជិតម្នាក់បានហៅពួកគេថា "ស្រីពេស្យា" ។
៤ បើកគណនីធនាគារផ្ទាល់ខ្លួន៖ ស្ត្រីមិនត្រូវបានអនុញ្ញាតឱ្យបើកគណនីធនាគារដោយខ្លួនឯងគ្មានការអនុញ្ញាតនោះទេ។
៥ ទំនាក់ទំនងជាមួយបុរសដែលមិនមែនជាសមាជិកគ្រួសារ៖ ស្ត្រីនៅអារ៉ាប៊ីសាអ៊ូឌីតត្រូវបានកំហិតទំនាក់ទំនងជាមួយបុរសដែលមិនមែនជាសមាជិកគ្រួសារ។ នៅតាមទីសាធារណៈ រួមមានភោជនីយដ្ឋាន គេមានបែងចែងកកន្លែងសម្រាប់គ្រួសារ និង កន្លែងសម្រាប់តែមនុស្សប្រុស។
៦ សិទ្ធិចិញ្ចឹមកូន៖ នៅពេលដែលស្ត្រីលែងលះ ពួកគេមានត្រឹមសិទ្ធិចិញ្ចឹមកូនបណ្ដោះអាសន្នប៉ុណ្ណោះ។ សម្រាប់កូនប្រុស ចិញ្ចឹមដល់ពួកគេមានអាយុ៧ឆ្នាំ រីឯ កូនស្រី ចិញ្ចឹមដល់អាយុ៩ឆ្នាំ។ បន្ទាប់ពីនោះ ត្រូវបញ្ជូនកូនទាំងនោះឲ្យទៅឪពុកជាអាណាព្យាបាលដោយពេញច្បាប់អស់មួយជីវិត។
៧ ស្នើសុំលិខិតឆ្លងដែន៖ ស្ត្រីមិនអាចដាក់ពាក្យសុំធ្វើលិខិតឆ្លងដែនដោយគ្មានការអនុញ្ញាតពីអាណាព្យាបាលបុរសទេ។
៨ ទទួលបានការជំនុំជម្រះដោយយុត្តិធម៌៖ នៅក្នុងប្រទេសអារ៉ាប៊ីសាអូឌីត យុត្តិធម៌សម្រាប់មនុស្សស្រី ត្រូវបានផ្តល់ឲ្យតែពាក់កណ្ដាលនៃយុត្តិធម៌សម្រាប់មនុស្សប្រុសប៉ុណ្ណោះ សូម្បីសិទ្ធិទទួលបានមរតកក៏ទទួលបានតែពាក់កណ្តាល បើធៀបនឹងបងប្អូនប្រុសរបស់ពួកគេ។
៩ ប្រកបមុខរបរ៖ បើស្ត្រីណាម្នាក់ចង់បើកមុខរបររកស៊ី ពួកគេត្រូវការដាច់ខាតឲ្យមនុស្សប្រុស២នាក់ធ្វើសក្ខីកម្ម ឬ បង្ហាញថានាងមានលក្ខខ័ណ្ឌគ្រប់គ្រាន់ដើម្បីប្រកបជំនួញបាន៕