វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 325 នាក់
ម្សិលមិញ 3141 នាក់
សរុប 14177592 នាក់
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប)នៅព្រឹកថ្ងៃទី០១ ខែសីហា ឆ្នាំ ២០២៣នេះ បានប្រកាសលទ្ធផលបណ្ដោះអាសន្ន នៃការបោះឆ្នោតជ្រើសតាំង តំណាងរាស្ដ្រ នីតិកាលទី៧ កាលពីថ្ងៃទី ២៣ ខែកក្កដា ឆ្នាំ ២០២៣។
នៅក្នុងចំណោមគណបក្សនយោបាយចំនួន ១៨ចូលរួមប្រកួតប្រជែងតាមលទ្ធផលបណ្ដោះអាសន្ន ដែលប្រកាសដោយ គ.ជ.ប បានបង្ហាញថា គណបក្សប្រជាជនកម្ពុជា ទទួលបានសំឡេងគាំទ្រសរុបចំនួន ៦,៣៩៨,៣១១សំឡេង, គណបក្សហ្វ៊ុនស៊ិនប៉ិច ទទួលបានសំឡេងគាំទ្រសរុប ៧១៦,៤៩០សំឡេង,។ សម្រាប់ការគណនាក្រៅផ្លូវការ បានបង្ហាញថា គណបក្សប្រជាជនកម្ពុជា ទទួលបានចំនួន ១២០អាសនៈ និងគណបក្សហ្វ៊ុនស៊ិនប៉ិច ទទួលបាន៥ អាសនៈ រួមមានភ្នំពេញ ១, កណ្តាល ១, កំពង់ធំ ១, ព្រៃវែង ១ និងកំពង់ចាម ១។
ក្នុងការបោះឆ្នោតជាតិជ្រើសតាំងតំណាងរាស្ត្រ អាណត្តិទី៧ កាលពីថ្ងៃទី២៣ ខែកក្កដា ឆ្នាំ២០២៣ កន្លងទៅនេះ មានប្រជាពលរដ្ឋប្រមាណ ៨ ២១៤ ៤៣០នាក់ បានទៅបោះឆ្នោត ក្នុងនោះមានសន្លឹកឆ្នោតបានការសរុប ៧ ៧៧៤ ២៧៦សំឡេង និងសន្លឹកឆ្នោតមិនបានការសរុបចំនួន ៤៤០ ១៥៤សំឡេង។ក្រៅពីគណបក្សប្រជាជននិងហ្វុនស៊ិនប៉ិចដែលមានអសនៈគណបក្សយុវជនកម្ពុជា ទទួលបានសំឡេងគាំទ្រជាង៩ម៉ឺន ហើយគណបក្សធម្មាធិបតេយ្យទទួលបានសំឡេងគាំទ្រ ជាង៨ម៉ឺនសំឡេង និងគណបក្សខ្មែររួបរួមជាតិទទួលបានសំឡេងគាំទ្រជាង៥ម៉ឺនសំឡេង។
កាលពីព្រឹកថ្ងៃទី៣១ ខែកក្កដា ឆ្នាំ២០២៣ លោក ប្រាជ្ញ ចន្ទ ប្រធាន គ.ជ.ប នបានបើកកិច្ចប្រជុំដើម្បី ពិនិត្យ និងសម្រេចលើរបាយការណ៍ ស្តីពីការបោះឆ្នោតលើកទី១ (បោះឆ្នោតឡើងវិញ) វិសោធនកម្មប្រតិទិនសម្រាប់ការបោះឆ្នោត ជ្រើសតាំងតំណាងរាស្ត្រ នីតិកាលទី៧ (វិសោធនកម្ម ចំណុចទី២១-២៧) និងសេចក្តីព្រាងសេចក្តីសម្រេច ស្តីពីការប្រកាសផ្សាយលទ្ធផលបណ្តោះអាសន្ន នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។
អង្គប្រជុំ គ.ជ.ប បានសម្រេចដូចខាងក្រោម៖១. ឯកភាពជាគោលការណ៍ លើរបាយការណ៍ស្តីពីការបោះឆ្នោតលើកទី១ (បោះឆ្នោតឡើងវិញ) ដើម្បីជ្រើសរើសក្រុមប្រឹក្សាក្រុងអរិយក្សត្រ ក្រុងសំពៅពូន នៃខេត្តកណ្តាល ក្រុងឧដុង្គម៉ែជ័យ ស្រុកសាមគ្គីមុនីជ័យ នៃខេត្តកំពង់ស្ពឺ និងស្រុកអូរគ្រៀងសែនជ័យនៃខេត្តក្រចេះ ឆ្នាំ២០២៣។
២. ឯកភាពលើប្រតិទិន សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ (វិសោធនកម្ម ចំណុចទី២១-២៧)។
-ចំណុចទី២១ ក្នុងប្រតិទិន៖ ការប្រកាសលទ្ធផលបណ្តោះអាសន្នដោយ គ.ជ.ប (ករណីគ្មាន ឬមានពាក្យបណ្តឹង និងគ្មានការបោះឆ្នោតសាជាថ្មី) ប្រកាសថ្ងៃទី៥ ខែ សីហា ឆ្នាំ២០២៣ (ថ្ងៃចុងក្រោយ)។
-ចំណុចទី២៧ ក្នុងប្រតិទិន៖ ការប្រកាសលទ្ធផលផ្លូវការ ការបែងចែកអាសនៈ និងការកំណត់បេក្ខជនជាប់ឆ្នោត (ករណីគ្មាន ឬមានពាក្យបណ្តឹង និងករណីគ្មាន ការ បោះឆ្នោតសាជាថ្មី) ប្រកាសថ្ងៃទី៤ ខែ សីហា-ថ្ងៃទី៤ ខែកញ្ញា ឆ្នាំ២០២៣។
៣. ឯកភាពលើសេចក្តីសម្រេច ស្តីពីការប្រកាសផ្សាយលទ្ធផលបណ្តោះអាសន្ន នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ថ្ងៃអាទិត្យ ទី២៣ ខែកក្កដា ឆ្នាំ២០២៣។លោក ប្រាជ្ញ ចន្ទ ប្រធាន គ.ជ.ប បានណែនាំដល់អង្គភាពជំនាញប្រមូលឱ្យបានឆាប់របាយការណ៍ និងអនុសាសន៍របស់អ្នកសង្កេតការណ៍អន្តរជាតិ ដែលបានមកសង្កេតមើលការបោះឆ្នោត ជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។