វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2813 នាក់
ម្សិលមិញ 6677 នាក់
សរុប 14150389 នាក់
ត្បូងឃ្មុំ៖មិនដឹងថាតើមានការណែនាំថ្មីរបស់រាជរដ្ឋាភិបាលឬយ៉ាងណានទេបានជាបនល្បែងមួយ”គ្មានផ្លាកយីហោស្ថិត ត្រង់ចំណុច ក្បែរច្រកទ្វារព្រំដែនដារ ហៅដូង៧ដើម”ស្ថិតនៅភូមិដា ឃុំដា ស្រុកមេមត់បើកឲ្យខ្មែរចូលលេងដោយសេរី?ព្រោះបើតាមសេចក្តីណែនាំរបស់រដ្ឋ គេមិនតម្រូវឱ្យជនជាតិខ្មែរចូលលេងល្បែងស៊ីសងនោះឡើយ ។បើខ្មែរចូលបម្រើការងារ ឬសុំច្បាប់បើកអាជីវកម្ម កាស៊ីណូ គឺជារឿងធម្មតាក៍ប៉ុន្តែបើខ្មែរចូលលេងល្បែង.គឺជារឿងខុសច្បាប់។ហេតុអី អាជ្ញាធរ មានសមត្ថកិច្ចមិនចា ចាត់វិធានការ ទប់ស្កាត់ និងបង្ក្រាប បទល្មើសទាំងនេះ?ឬមួយឃុបឃឹតទទួលលាភសក្ការៈ?។
កាស៊ីណូឬបនល្បែងខុសច្បាប់ព្រោះ”គ្មានផ្លាកយីហោស្ថិត ត្រង់ចំណុច ក្បែរច្រកទ្វារព្រំដែនទ្វេភាគីដារ ហៅដូង៧ដើម”ស្ថិតនៅភូមិដា ឃុំដា ស្រុកមេមត់ ខេត្តត្បូងឃ្មុំហ៊ានបើកលេងល្បែងស៊ីសង ជាប្រចាំ ដោយមានការភ្នាល់ចាក់លុយធំៗ និងបានកៀងគរឱ្យជនជាតិខ្មែរ ចូលលេងល្បែងយ៉ាងពេញទំហឹង ភ្លូកទឹកភ្លូកដី ដោយពុំមានការទប់ស្កាត់នោះឡើយ..!។មហាជនដាក់ការសង្ស័យថា រាល់សកម្មភាពទាំងនេះ ប្រាកដជា អាជ្ញាធរមូលដ្ឋាន ជាអ្នកបើកភ្លើងខៀវមិនខាន ទើបអាចប្រព្រឹត្តទៅបានយ៉ាងរលូនចឹង។ពលរដ្ឋខ្មែរយើង ដែលភាគច្រើនអ្នកមកពីភ្នំពេញ.កំពង់ចាម.ព្រៃវែង.ត្បូងឃ្មុំ.រួមនិងខេត្តក្រចេះជាម៉ូយរបស់បនល្បែងមួយនេះ!។ពួកគេបើករថយន្តដឹកគ្នាផង ដឹកមាន់ជល់ផង និងខ្លះទៀតជិះម៉ូតូស្ពាយកន្ត្រក មាន់ជល់.!មកប្រមូលផ្ដុំគ្នាលេងល្បែង”បញ្ជល់មាន់”បៀរ”អាប៉ោង”យូគី”រួមនិងល្បែងស៊ីសងផ្សេងៗទៀត”ដោយភ្នាល់ចាក់លុយធំៗ យ៉ាងគគ្រឹកគគ្រេងបំផុត.ក្នុងកាស៊ីណូ”ច្រកដារ.ហៅដូង៧ដើម”នេះជាមួយជនជាតិយៀកណាមផងដែ។
ពួកយៀកណាមគេឆ្លងដែន ចូលមកតាមច្រកទ្វារព្រំដែនទ្វេភាគីដារ ដោយពុំមានការត្រួតពិនិត្យ និងគ្មានមានលិខិតស្នាម”ប៉ាស្ព័រ”អ្វីឡើយ..!។សមត្ថកិច្ចនគរបាល ការពារព្រំដែនគោក ប្រចាំនៅច្រកទ្វារព្រំដែនទ្វេភាគីដារ ហៅដូង៧ដើម បានរក្សាភាពស្ងៀមស្ងាត់ មើលមិនឃើញ ស្ដាប់មិនលឺ នូវរាល់សកម្មភាពទាំងនេះ..!។លោក ប៉ោង ស៊ីណាត តាមទូរស័ព្ទ អធិការស្រុកមេមត់កាសែតទូរសព្ទ័ចូលទទួលហើយ ក៏ចុចបិទ ។ រីឯលោក ម៉ុន មាគ៌ា ស្នងការខេត្តត្បូងឃ្មុំប្រាប់ថា ខ្ញុំកំពុងរវល់ ដោយលោកតម្រូវឱ្យទាក់ទងតាមប្រព័ន្ធ Telegram ជំនួសវិញតែក៏ឈឹងដែរ!។ សូមបញ្ជាក់ថា.ស.ជ.ណ.សម្រាប់បើកអាជីវកម្ម”កាស៊ីណូ”និងអាជ្ញាប័ណ្ណសម្រាប់ផ្ដល់ឱ្យ”កាស៊ីណូ”ដំណើរការអាជីវកម្មនៅកម្ពុជានីមួយៗ គឺមិនតម្រូវឱ្យជនជាតិខ្មែរ ចូលលេងល្បែងនោះឡើយ ។
គោលការច្បាប់.គេតម្រូវឱ្យ តែជនបរទេសអ្នកវិនិយោគ ដែលមានលិខិតឆ្លងដែន”ប៉ាស្ព័រ”បានចុះលេខ ប្រថាប់ត្រាត្រឹមត្រូវ”លេងល្បែងប៉ុណ្ណោះ”ក្នុងនោះប្រសិនជាខ្មែរ ចូលលេងល្បែងគឺជារឿងខុសច្បាប់ទាំងស្រុង។សូមបញ្ជាកដែរថាកន្លងមករាជរដ្ឋាភិបាលបានបង្កើតក្រុមបង្ក្រាបល្បែងស៊ីសងមួយក្រុមដឹកនាំដោយលោកឧត្តមសេនីយ៍សុខផលរដ្ឋលេខាធិការក្រសួងមហាផ្ទៃឲ្យដើរបង្ក្រាបបនល្បែងដែលប្រើបុគ្គលឹកបរទេសនិងបនល្បែងខុសច្បាប់នៅទូទាំងប្រទេស។តាមការសង្កេតក៏ឃើញថាធ្វើតែមួយឆាវរួចក៏ស្ងាត់ឈឹងទៅវិញផងដែរ។ប្រហែលចឹងហើយបានជាអាជ្ញាធរអ្នកមើលការខុសត្រូវមើលបនល្បែងអត់ផ្លាកយីហោនៅច្រកព្រុំដែនដូង៧ដើមឡើងចាង?៕