ប្រជាពលរដ្ឋ៣០គ្រួសារដែលរស់នៅអាស្រ័យផលលើដីជាង១០ឆ្នាំនៅតំបន់អូរក្រៀងប្រតិកម្មរឿងអាជ្ញាធរដកហូតយកដីគាត់!?
10-August-2023 / ព័ត៌មានជាតិ
ខេត្តក្រចេះ៖ប្រជាពលរដ្ឋប្រមាណជា៣០គ្រួសារដែលបានកាន់កាប់អាស្រ័យផលលើដីជិត១០ឆ្នាំមកហើយកំពុងត្រូវបានប្រឈមនិងការដកហូតពីអាជ្ញាធរស្រុកអូរគ្រៀងសែនជ័យនិងមន្ទីរបរិស្ថានខេត្តក្រចេះក្រោមមូលហេតុថាដើម្បីយកមកធ្វើជាតំបន់រដ្ឋបាលស្រុកលើផ្ទៃដីប្រហែលជា១០០០ហិកតា!។
ប្រភពពីប្រជាពលរដ្ឋរស់នៅជុំវិញតំបន់អូរគ្រៀងភូមិខ្សាច់លាវ.ភូមិកោះខ្ញែរ.ភូមិពន្ធជានិងភូមិអូរព្រះ ស្ថិតក្នុងឃុំអូរគ្រៀងសែនជ័យ ស្រុកអូរគ្រៀងសែនជ័យដោយសុំមិនបញ្ចេញឈ្មោះបានលួចបង្ហើប ឲ្យដឹងថា:សព្វថ្ងៃនេះពួកគាត់រស់ក្នុងភូមិខាងលើកំពុងតែព្រួយបារម្ភយ៉ាងខ្លាំងចំពោះបញ្ហារបាត់បង់ដីធ្លីរបស់ពួកគាត់ដែលស្ថិតនៅអមសង្ខាងផ្លូវជាតិលេខ៧ពីខេត្តក្រចេះទៅខេត្តស្ទឹងត្រែងត្រង់ចំណុចស្ពានអូរល្វាស្ថិតនៅភូមិអូរព្រះ ឃុំអូរគ្រៀងសែនជ័យ ស្រុកអូរគ្រៀងសែនជ័យ ខេត្តក្រចេះ ។
ប្រជាពលរដ្ឋដលដែលបានបន្តថាបច្ចុប្បន្ន៍មានមន្ត្រីបរិស្ថាននិងមន្ត្រីសាលាស្រុកអូរគ្រៀងសែនជ័យបានចុះបំភិតបំភ័យនិងដកបង្គោលរបងហើយហាមឃាត់ពួកគាត់ឲ្យបញ្ឈប់ធ្វើការអាស្រ័យផលលើដីធ្លីនោះបន្តទៀត ដោយពួកគេប្រាប់ថាជាដីស្ថិតក្នុងដែនបរិស្ថានទេ?។ប្រជាពលរដ្ឋដរដែលបន្តទៀតថា ចំពោះដីនេះពួកគាត់ខ្លះបានកាន់កាប់ តាំងពីជំនាន់លោក សាន្តសារមៀរ ធ្វើជាមេឃុំអូរគ្រៀងចាស់មកម្លេះ ហើយបានទិញលក់បន្តគ្នា ២ទៅបីដំណាក់កាលមកហើយឯមួយចំនួនរហូតមកដល់មេឃុំថ្មីលោកកែវបុប្ផាកាន់ជាមេឃុំថ្មីរហូតសព្វថ្ងៃនេះក៏មានដែរ។
សូម្បីតែលោក កែវ បុប្ផា មេឃុំអូរគ្រៀងបច្ចុប្បន្នក៏ធ្លាប់ចេញលិខិតផ្ទេរសិទ្ធិកាន់កាប់ដីធ្លីឲ្យប្រជាពលរដ្ឋខ្លះៗដែរ។ប៉ុន្តែមិនដឹងជាមូលហេតុអ្វីទេបានជាខាងអាជ្ញាធរស្រុកអូរគ្រៀងនិងខាងបរិស្ថាន គេនិយាយថាជាដីរបស់ដែនបរិស្ថានទៅវិញ?ម្យ៉ាងវិញទៀតបើតាមដំណឹងឮថាគេយកដីនេះទុកសម្រាប់សាងសង់តំបន់រដ្ឋបាលសាលាស្រុកអូរគ្រៀងសែនជ័យនិងសម្រាប់បែងចែកឲ្យមន្ត្រីរាជការដែលមកបម្រើការងារនៅទីនោះសង់លំនៅស្ថានស្នាក់នៅជាកម្មសិទ្ធក៏ដូចជាទុកសម្រាប់លក់ឲ្យឈ្មួញប្រកបអាជីវកម្មនៅតំបន់នោះទៅថ្ងៃអនាគតផងដែរយកលុយចែកគ្នីគ្នាតាមបុណ្យស័ក្តធំតូចតាមលំដាប់លំដោយនោះទេ។
ដោយឡែកពាក់ព័ន្ធករណីខាងលើលោក កែវ បុប្ផា មេឃុំអូរគ្រៀងសែនជ័យ ក៏បានប្រាប់ប្រជាពលរដ្ឋមានបញ្ហាអ្វីត្រូវពឹងពាក់មេភូមិមេឃុំ.ស្រុកខេត្តកុំទៅពឹងពាក់អ្នកការសែតគ្មាប្រយោជន៍ទេសំដីបែបនេះនាឱកាស់ដែលលោកបានទៅជួប្រជាពលរដ្ឋក្នុងភូមិខ្សាច់លាវនាពេលកន្លងទៅថ្មីៗនេះ ប្រហែលជាលោកមេឃុំភ័យខ្លាច ប្រជាពលរដ្ឋយករឿងដីធ្លីរបស់ពួកគាត់មកឲ្យអ្នកកាសែតជួយផ្សព្វផ្សាយនិងរកដំណោះស្រាយរឿងដីធ្លីនោះហើយមើលទៅ?។កាយវិការសកម្មភាពនិងសំដីបែបនេះមិនខុសពីគោដំបៅខ្នងនោះឡើយ។
-គោដំបៅខ្នងក្អែកហើររំលងរំសាយកន្ទុយ.ឃើញក្អែកហើរលើមេឃក្រែងចុះមកចិកសត្វដង្កូវក្នុងដំបៅលើខ្នងគោទើបធ្វើឲ្យសត្វគោនោះផ្អើលទៅហើយ...ជុំវិញដំណឹងដីធ្លីប្រជាពលរដ្ឋដែលប្រឈមនិងការដកហូតដែលពួកគាត់អាស្រ័យផល្លះជាងដប់ឆ្នាំទៅហើយនោះខាងលើមិនអាចទំនាក់ទំនងសុំការបកស្រាយពីសំណាក់លោកកែវ បុប្ផាមេឃុំអូរគ្រៀងសែនជ័យឬលោកអភិបាលស្រុកអូរគ្រៀងសែនជ័យជាពីសេសលោកឃឹមខាន់ដែលខ្លួនកំពុងតែដើរអអួតប្រាប់គេថាជាប្រធានការិយាល័យកសិកម្មស្រុកនោះបានទេ។
លោកឃឹមខាន់ប្រធានការិយាល័យស្រុកអូរគ្រៀងសែនជ័យរូបនោះប្រជាពលរដ្ឋបានប្រាប់ថាអតីតជាគ្រូបង្រៀនហើយបច្ចុប្បន្នបានឡើងជាប្រធានការិយាល័យកសិកម្មស្រុកអូរគ្រៀងសែនជ័យហើយនិងទទួលបន្ទុកដីធ្លីនិងបរិស្ថានធនធានធម្មជាតិទៀតផងក៏កំពុងតែដើរញុះញុងបំភិតបំភ័យប្រជាពលរដ្ឋមិនឲ្យមានការទំនាក់ទំនងឬផ្តល់ព័ត៌មានអ្វីជាមួយអ្នកការសែតនោះទៀតផង។នៅមានតភាគនៅលេខក្រោយទៀតដែលមានបុរសម្នាក់អះអាងថាខ្លួនជាប្រធានការិយាល័យកសិកម្ម ធនធានធម្មជាតិនិងបរិស្ថានស្រុកអូរគ្រៀងសែនជ័យ ដើរសម្លុតគំរាមកំហែងប្រជាពលរដ្ឋក្នុងមូលដ្ឋានស្រុកអូរគ្រៀងសែនជ័យដែលស្គាល់គ្នាឬជាផ្ទះភ្នាក់ងារអ្នកកាសែតប្រចាំមូលដ្ឋានស្រុកអូរគ្រៀងនេះមិនឲ្យទំនាក់ទំនងបានឡើយ។ភាគក្រោយលំអិតច្បាស់ជាងនេះបន្ថែមឲ្យកាន់តែច្បាស់៕
