រដ្ឋមន្ត្រីការបរទេសអាមេរិក ចេញពី ចិន ដោយមិនមានកិច្ចព្រមព្រៀងបន្តទំនាក់ទំនងយោធារវាងប្រទេសទាំងពីរ
02-November-2023 / ព័ត៌មានអន្តរជាតិ
ប្រទេសចិន៖រធានាធិបតីអាមេរិកលោក Joe Biden បាននិយាយកាលពីថ្ងៃទី១៩ខែមិថុនាដោយសំដៅទៅលើទំនាក់ទំនងជាមួយប្រទេសចិនថា"យើងកំពុងដើរលើផ្លូវត្រូវ"។នៅពេលអ្នកសារព័ត៌មានសួរលោកថាតើលោកមានអារម្មណ៍មានការរីកចម្រើនដែរឬទេចៅហ្វាយសេតវិមានបានឆ្លើយតបថា"វាមិនមែនសម្រាប់តែខ្ញុំទេ មនុស្សគ្រប់គ្នាមើលឃើញថាមានការរីកចម្រើនពិតប្រាកដ" ។
លោកប្រធានាធិបតីBidenបានអត្ថាធិប្បាយក្នុងបរិបទរបស់រដ្ឋមន្ត្រីការបរទេសអាមេរិក លោកអានតូនីប្លិងកឹន( Antony Blinken) កាលពីថ្ងៃទី១៩ខែមិថុនា បញ្ចប់ដំណើរទស្សនកិច្ចរយៈពេល២ថ្ងៃទៅកាន់ប្រទេសចិន។ទំនាក់ទំនងរវាងប្រទេសដែលមានសេដ្ឋកិច្ចធំជាងគេទាំង២របស់ពិភពលោកកាន់តែតានតឹងជុំវិញបញ្ហាដូចជាតៃវ៉ាន់ ពាណិជ្ជកម្ម និងការខ្វែងគំនិតគ្នាផ្សេងទៀត។លោក Bidenបាននិយាយអំពីការធ្វើដំណើររបស់ Blinken ថា៖«លោកបានធ្វើការងារដ៏អស្ចារ្យ។លោក Blinken គឺជារដ្ឋមន្ត្រីការបរទេសអាមេរិកដំបូងគេដែលធ្វើទស្សនកិច្ច និងជួបជាមួយប្រធានាធិបតីចិន Xi Jinping ចាប់តាំងពីលោក Mike Pompeo បានធ្វើទស្សនកិច្ចនៅទីក្រុងប៉េកាំងក្នុងខែតុលា ឆ្នាំ២០១៨។
រដ្ឋមន្ត្រីការបរទេស Blinken ធ្លាប់បានជួបជាមួយសមភាគីចិនគិនចាង( Qin Gang)រដ្ឋមន្ត្រីការបរទេស និងប្រធានគណៈកម្មាធិការមជ្ឈិមទទួលបន្ទុកកិច្ចការបរទេសលោកវ៉ាងយី( Wang Yi )។លោក Xi បាននិយាយកាលពីថ្ងៃទី១៩ខែមិថុនាថាទីក្រុងប៉េកាំង "មិនស្វែងរកការប្រជែងឬជំនួស"ទីក្រុងវ៉ាស៊ីនតោនដោយអំពាវនាវឱ្យដំណើរទស្សនកិច្ចរបស់លោកBlinkenធ្វើឱ្យមានការរួមចំណែកជាវិជ្ជមានដល់ស្ថិរភាពទំនាក់ទំនងចិន-អាមេរិក។ប្រធានាធិបតីចិនបានបន្ថែមថាប្រទេសទាំង២«បានធ្វើឲ្យមានវឌ្ឍនភាពនិងឈានដល់ការព្រមព្រៀងលើបញ្ហាជាក់លាក់មួយចំនួន»។លោក Wang បាននិយាយថា ការយល់ខុសរបស់អាមេរិកបានធ្វើឱ្យទំនាក់ទំនងទ្វេភាគីកាន់តែយ៉ាប់យ៉ឺន ដោយអំពាវនាវឱ្យទីក្រុងវ៉ាស៊ីនតោនជ្រើសរើស "កិច្ចសហប្រតិបត្តិការ ឬជម្លោះ ការសន្ទនា ឬការប្រឈមមុខដាក់គ្នា"។
លោកបាននិយាយថា ប្រទេសចិននិងសហរដ្ឋអាមេរិកចាំបាច់ត្រូវផ្លាស់ប្តូរទំនោរធ្លាក់ចុះនៃទំនាក់ទំនងទ្វេភាគីសម្របសម្រួលដើម្បីស្វែងរកទិសដៅត្រឹមត្រូវសម្រាប់ទីក្រុងប៉េកាំងនិងទីក្រុងវ៉ាស៊ីនតោនដើម្បីចុះសម្រុងគ្នានិងចេញការព្រមានទាក់ទងនឹងបញ្ហាតៃវ៉ាន់។ ដំណើរទសស្នៈកចិច្ចរដ្ឋមន្ត្រីការបរទេសអាមេរិក លោក Antony Blinken នៅប្រទេសចិនមិនទទួលបានជោគជ័យក្នុងការឈានដល់កិច្ចព្រមព្រៀងស្តីពីការបន្តបណ្តាញទំនាក់ទំនងរវាងយោធារបស់ប្រទេសទាំងពីរនោះទេ ។ទាក់ទងនឹងសំណើដើម្បីបន្តបណ្តាញទំនាក់ទំនងយោធាទៅយោធាដែលក្រុងវ៉ាស៊ីនតោនចាត់ទុកថា មានសារៈសំខាន់ក្នុងការចៀសវាងការប៉ះទង្គិចគ្នាដោយអចេតនានោះ, លោក Blinken បានលើកឡើងថា ប្រទេសចិនមិនយល់ព្រមក្នុងការដោះស្រាយបញ្ហានេះនោះទេ ។ពាក់ព័ន្ធនឹងបញ្ហានេះដែរ លោក Xi បានប្រាប់លោក Blinken វិញថា “ទីក្រុងប៉េកាំងសង្ឃឹមនឹងឃើញទំនាក់ទំនងចិន និងអាមេរិករឹងមាំ” ហើយលោកជឿថា “ប្រទេសមហាអំណាចទាំងពីរអាចជម្នះរាល់ការលំបាកផ្សេងៗ និងស្វែងរកផ្លូវត្រឹមត្រូវដើម្បីធ្វើការរួមគ្នាផងដែរ” ។
ថ្លែងទៅកាន់អ្នកសារព័ត៌មាន លោក Blinken បានទទួលស្គាល់ថា “មានបញ្ហាស៊ីជម្រៅជាច្រើនដែលសហរដ្ឋអាមេរិក និងចិនមិនយល់ស្របគ្នា ។ ប៉ុន្តែលោកបានសង្កត់ធ្ងន់ថា ក្រុងវ៉ាស៊ីនតោន និងក្រុងប៉េកាំងទទួលស្គាល់ពីតម្រូវការក្នុងការរក្សាស្ថិរភាពទំនាក់ទំនងទ្វេភាគី” ។លោក Blinkenបាននិយាយថា “យើង និងប្រទេសផ្សេងទៀតបានទទួលការធានាពីប្រទេសចិនថា ពួកគេមិនផ្គត់ផ្គង់អាវុធដល់រុស្ស៊ីសម្រាប់ប្រើប្រាស់ក្នុងប្រទេសអ៊ុយក្រែនឡើយ”។លោកបាននិយាយថាសហរដ្ឋអាមេរិកមិនមានភស្តុតាងណាមួយអំពីរឿងនេះទេ។ទោះជាយ៉ាងណាក៏ដោយទីក្រុងវ៉ាស៊ីនតោនបានអំពាវនាវឱ្យចិនត្រូវយល់ដឹងថាក្រុមហ៊ុនចិនអាចផ្តល់ឱ្យរុស្ស៊ីនូវបច្ចេកវិទ្យាដែលអាចប្រើក្នុងជម្លោះ។
ជំនួបជាមួយប្រធានាធិបតី Xi Jinping នៅថ្ងៃទី១៩ខែមិថុនា លោក Blinken បាននិយាយថា លោកបានពិភាក្សាអំពីបញ្ហាក្តៅជាច្រើនទៀត។និយាយអំពីសេដ្ឋកិច្ច លោក Blinkenបាននិយាយថាការហាមប្រាមរបស់សហរដ្ឋអាមេរិកលើការនាំចេញ semiconductorទៅកាន់ប្រទេសចិនគឺមិនមានគោលបំណងដើម្បីទប់ស្កាត់សេដ្ឋកិច្ចរបស់ទីក្រុងប៉េកាំងនោះទេ។លោក Blinken បាននិយាយថា "នៅក្នុងរាល់ការប្រជុំខ្ញុំសង្កត់ធ្ងន់ថាការចូលរួមដោយផ្ទាល់ និងការប្រាស្រ័យទាក់ទងគ្នាក្នុងកម្រិតខ្ពស់គឺជាមធ្យោបាយដ៏ល្អបំផុតក្នុងការគ្រប់គ្រងភាពខុសគ្នាប្រកបដោយការទទួលខុសត្រូវ និងធានាថាការប្រកួតប្រជែងមិននាំឱ្យមានជម្លោះ។
លោក Blinken បាននិយាយថាសហរដ្ឋអាមេរិកនឹងបញ្ជូនមន្ត្រីជាន់ខ្ពស់បន្ថែមទៀតទៅកាន់ប្រទេសចិនក្នុងប៉ុន្មានសប្តាហ៍ខាងមុខនេះ ក្នុងក្តីសង្ឃឹមនៃការជំរុញកិច្ចសន្ទនារវាងប្រទេសទាំង២បន្ថែមទៀត។ទោះជាយ៉ាងណា បញ្ហានៃការបង្កើតបណ្តាញទំនាក់ទំនងយោធានៅតែមិនមានការរុករកឃើញឡើយ។ រដ្ឋមន្ត្រីការពារជាតិចិនលោក Li Shangfu ត្រូវបានសហរដ្ឋអាមេរិកដាក់ទណ្ឌកម្មក្នុងឆ្នាំ២០១៨ជុំវិញការទិញយន្តហោះចម្បាំង និងឧបករណ៍របស់ទីក្រុងប៉េកាំងពីក្រុមហ៊ុននាំចេញអាវុធ Rosoboronexport របស់រុស្ស៊ី។Blinken បាននិយាយថា "យើងមិនស្ថិតនៅក្រោមការបំភាន់អំពីបញ្ហាប្រឈមនៃការគ្រប់គ្រងទំនាក់ទំនងនេះទេ"។លោកបានមានប្រសាសន៍ថាការគ្រប់គ្រងទំនាក់ទំនងរវាងសហរដ្ឋអាមេរិកនិងចិន គឺជាដំណើរការដ៏វែងឆ្ងាយ និងលំបាក ដោយសារតែមានការខ្វែងគំនិតគ្នាជាច្រើនដូចជាបញ្ហាតៃវ៉ាន់ជាដើម។
