វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 30 នាក់
ម្សិលមិញ 6501 នាក់
សរុប 13948585 នាក់
ប្រទេសហ្វីលីពីន៖ កាលពីថ្ងៃពុធ ទី៧ ខែតុលាប្រទេសហ្វីលីពីនបានសន្យា ថា នឹងសហការជាមួយអង្គការសហប្រជាជាតិលើបញ្ហាសិទ្ធិមនុស្ស បន្ទាប់ពីអ្នកស៊ើបអង្កេតរបស់អង្គការសហប្រជាជាតិ បានចងក្រងឯកសារថា មានមនុស្សរាប់ពាន់នាក់ ត្រូវបានសម្លាប់នៅក្នុងសង្គ្រាមគ្រឿងញៀន ដែលជនល្មើសត្រូវបានប្រព្រឹត្តដោយ “និទណ្ឌភាព”។
ទីភ្នាក់ងារសារព័ត៌មាន Reuters បានផ្សាយឲ្យដឹងថា៖យោងតាមសេចក្តីសម្រេចរបស់ក្រុមប្រឹក្សាសិទ្ធិមនុស្ស ដែលត្រូវបានអនុម័តកាលពីថ្ងៃពុធទី៦តុលា អង្គការសហប្រជាជាតិនឹងផ្តល់ជំនួយបច្ចេកទេស ដើម្បីជួយរដ្ឋាភិបាលរបស់ប្រធានាធិបតីលោក រ៉ូឌ្រីហ្គោ ឌូទើតេ ដើម្បីធានាថា ការសម្លាប់ដោយខុសច្បាប់ និងការរំលោភផ្សេងទៀត ត្រូវបានស៊ើបអង្កេត និងចោទប្រកាន់ ។
ឯកអគ្គរដ្ឋទូតហ្វីលីពីនប្រចាំនៅអសប( UN )លោកអេវ៉ានហ្កាស្យៀ( Evan Garcia) បាននិយាយថា រដ្ឋាភិបាលបានកំណត់អត្តសញ្ញាណគម្រោងសម្រាប់កម្មវិធីរួមគ្នា នៅក្នុងវិស័យពង្រឹងយន្តការស៊ើបអង្កេត និងគណនេយ្យភាព ការបង្កើតប្រព័ន្ធឃ្លាំមើលការអនុវត្តច្បាប់សម្រាប់នគរបាលជាតិ និងការចូលរួមជាមួយសង្គមស៊ីវិល ។ ប៉ុន្តែក្រុមសកម្មជន បាននិយាយថា ពួកគេចង់បង្កើតយន្តការស៊ើបអង្កេតអន្តរជាតិ ។តែសម្រាប់អ្នកនាំពាក្យរបស់លោកឌុតឺតេ( Duterte )លោកហារីរូក( Harry Roque) និយាយថា អ្វីដែលលោកហៅថា “ការអះអាងឡើងវិញអំពីនិទណ្ឌភាព” នៅក្នុងរបាយការណ៍នោះគ្មានមូលដ្ឋានទេ ។
លោកស្រី Laila Matar នៃអង្គការឃ្លាំមើលសិទិ្ធមនុស្ស បានបរិហារពីភាពបរាជ័យរួមរបស់រដ្ឋនានា ក្នុងការបើកការស៊ើបអង្កេតអន្តរជាតិ ។
លោកស្រីបាននិយាយនៅក្នុងសេចក្តីថ្លែងការណ៍មួយថា “ទន្ទឹមនឹងនេះដែរ វាច្បាស់ណាស់ថា លោក Duterte និងកងកម្លាំងដែលនៅពីក្រោយយុទ្ធនាការឃោរឃៅនេះ មិនត្រូវបានចាប់ខ្លួនទេ” ។របាយការណ៍របស់អង្គការសហប្រជាជាតិ កាលពីខែមិថុនា បាននិយាយថា ប្រជាជនរាប់ពាន់នាក់នៅក្នុងប្រទេសហ្វីលីពីន ត្រូវបានសម្លាប់នៅក្នុងសង្គ្រាមគ្រឿងញៀន ចាប់តាំងពីពាក់កណ្តាល ឆ្នាំ២០១៦ ចំពេលដែល «មាននិទណ្ឌភាព» ចំពោះប៉ូលិស និងការញុះញង់ឱ្យមានអំពើហិង្សា ដោយមន្ត្រីជាន់ខ្ពស់ ៕