វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 194 នាក់
ម្សិលមិញ 4988 នាក់
សរុប 14172983 នាក់
ភ្នំពេញ៖សំណង់មួយកន្លែងស្ថិតនៅប្របប្រឡាយស្ទឹងមានជ័យ សង្កាត់មានស្ទឹងមានជ័យ រាជធានីភ្នំពេញត្រូវបានអាជ្ញាធរផ្អាកការសាងសង់ជាបណ្ដោះអាសន្ន បន្ទាប់ពីមានការរិះគន់ពីអ្នកលេងបណ្ដាញសង្គមហ្វេសប៊ុកថា សំណង់នេះ មានរូបរាងតូចចម្លែកហើយបារម្ភប្រឈមបញ្ហាគ្រោះថ្នាក់ទោះជាម្ចាស់ផ្ទះពន្យល់ក៏ដោយ។
ម្ចាស់ផ្ទះបានពន្យល់វិញថា ដីខ្លួនត្រូវបានបរិច្ចាគជូនគម្រោងអភិវឌ្ឍន៍ប្រឡាយស្ទឹងមានជ័យ ហើយដី នៅសល់ម្ចាស់សាងសង់លំនៅឋានសម្រាប់រស់នៅសមរម្យតែប៉ុនណឹង។សាលាសង្កាត់ស្ទឹងមានជ័យ បានស្រង់សម្តីពីម្ចាស់ផ្ទះមកគូសបញ្ជាក់ថា កាលពីមានគំរោងអភិវឌ្ឍន៍ប្រឡាយស្ទឹងមានជ័យ ម្ចាស់ដីបានបរិច្ចាគដីជូនគំរោងអភិវឌ្ឍន៍ប្រឡាយ ដីដែលនៅសល់ម្ចាស់សាងសង់លំនៅដ្ឋានសម្រាប់រស់នៅសមរម្យ ដោយមានទំហំ ក្រោយ ៤ម៉ែត្រ×១២ម៉ែត្រ សហគមន៍ប្រឡាយស្ទឹងមានជ័យ រាល់លំនៅដ្ឋាន នឹងការតភ្ជាប់ប្រព័ន្ធទឹក ភ្លើង ត្រូវបានរដ្ឋភ្ជាប់ឱ្យដោយមិនគិតថ្លៃ។
លោក ជា សារ៉េត ចៅសង្កាត់ស្ទឹងមានជ័យ កាលពីថ្ងៃទី ០៣ ខែកក្កដា ឆ្នាំ ២០២៣បានឲ្យដឹងថា ដើមឡើយទីតាំងដីនេះគឺជាដីស្ទឹង ហើយបន្ទាប់ពីការអភិវឌ្ឍហើយដីត្រង់ចំណុចនោះគឺរបស់ម្ចាស់ដីដែលសល់ហើយគាត់ក៏សង់ផ្ទះ។ ប៉ុន្តែលោកថា រូបថតតែមួយជ្រុងមើលទៅឃើញតូច ជាក់ស្ដែងម្ខាងទៀតធំ គឺរាងច្រមុះជ្រូក មិនតូចដូចរូបនោះទេ។លោកចៅសង្កាត់បានឱ្យដឹងទៀតថា មន្ត្រីជំនាញការិយាល័យភូមិបាលចុះទៅត្រួតពិនិត្យធ្វើកំណត់ហេតុ ដោយផ្អាកការសាងសង់បណ្ដោះអាសន្នដើម្បីរង់ចាំការសម្របសម្រួលពីអ្នកបច្ចេកទេស។