វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4261 នាក់
ម្សិលមិញ 5304 នាក់
សរុប 14143787 នាក់
ភ្នំពេញ៖ គណបក្សភ្លើងទៀន ដែលប្តូរឈ្មោះពីគណបក្សសមរង្ស៊ី កាលពីថ្ងៃទី២១ ខែមេសា ឆ្នាំ២០២៣បានសម្រេចតែងតាំងកូនប្រុសលោក គង់ គាំ គឺលោក គង់ មុនីកា ជាអគ្គលេខាធិការគណបក្សស្តីទី។ គណបក្សភ្លើងទៀន កន្លងមក មានលោក លី សុធារ៉ាយុត្តិ ជាអគ្គលេខាធិការគណបក្ស ប៉ុន្តែក្នុងមួយរយៈចុងក្រោយនេះ លោក លី សុធារ៉ាយុត្តិ ត្រូវបានគេលួចថតសំឡេងនៃការឆ្លងឆ្លើយតាមទូរសព្ទជាមួយ និងស្រីស្នេហ៍ យកមកផ្សព្វផ្សាយ បង្កឲ្យមានភាពអាម៉ាសសម្រាប់គណបក្ស។
លោក គង់ មុនីកា ប្រធានគណបក្សឆន្ទៈខ្មែរបានព្យួរគណបក្សជាមួយឪពុក គឺលោក គង់ គាំ កាលពីចុងឆ្នាំ២០២២ បានទៅចូលរួមជីវភាពនយោបាយជាមួយគណបក្សភ្លើងទៀន។ ប៉ុន្តែក្រោយមក បន្ទាប់ពីរាជរដ្ឋាភិបាល ដកហូតយកដី និងផ្ទះរបស់លោកដោយចាត់ទុកថាជា ជាទ្រព្យសម្បត្តិរបស់ក្រសួងការបរទេសបណ្តាលឲ្យ លោក គង់ គាំ អតីតអនុប្រធានគណបក្សសមរង្ស៊ី ក៏បានប្រកាសចូលនិវត្ត ដោយលាឈប់ពីឆាកនយោបាយនៅខែកុម្ភៈ ឆ្នាំ២០២៣ ។គណបក្សភ្លើងទៀនជាគណបក្សប្រឆាំងតែមួយដែលមើលទៅអាចនឹងទទួលបានកៅអីក្នុងសភាមួយគណបក្សប្រជាជនដេលជាគណបក្សកាន់អំណាច។