វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6567 នាក់
ម្សិលមិញ 5304 នាក់
សរុប 14146093 នាក់
ខេត្តបន្ទាយមានជ័យ : អាជ្ញធរខេត្តបន្ទាយមានជ័យ កំពុងសហការធ្វើកិច្ចការងារបន្ទាន់សម្របសម្រួលជាមួយអាជ្ញាធរខេត្តស្រះកែវ និងកងកម្លាំងសមត្ថកិច្ចថៃច្រកទ្វារអន្តរជាតិប៉ោយប៉ែត-ក្លងឡឹក ដើម្បីសម្របសម្រួលឲ្យបងប្អូនពលករខ្មែរដែលសម្រុកមកពីប្រទេសថៃមកលេងបុណ្យចូលឆ្នាំកុំឲ្យមានការកកស្ទះរងចាំយូរ ។នៅថ្ងៃទី១០ ខែមេសា ឆ្នាំ២០២៣ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បាត់តាំងឯកឧត្តម ង៉ោ ម៉េងជ្រូន អភិបាលរងខេត្ត លោក គាត់ ហ៊ុល អភិបាលក្រុងប៉ោយប៉ែត កម្លាំងសមត្ថកិច្ចអន្តោរប្រវេសច្រកអន្តរជាតិប៉ោយប៉ែត មន្ទីរការងារ បណ្តុះបណ្តាលវិជ្ជាជីវៈខេតត និងមន្ត្រីពាក់ព័ន្ធ បាននឹងកំពុងនៅលើទឹកដីថៃ ជួបពិភាក្សា ដោះស្រាយជាបន្ទាន់ជូនដល់បងប្អូនពលករខ្មែរជាច្រើនពាន់នាក់ ដែលអញ្ជើញមកលេងផ្ទះក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ។
បញ្ហានៃការកក់ស្ទះដូចក្នុងរូបភាពខាងលើនេះគឺបងប្អូនកំពុងអង្គុយរងចាំខាងទឹកដីថៃ ដើម្បីពិនិត្យបំពេញបែបបទឆ្លងមកខាងទឹកដីកម្ពុជារបស់យើង។ ខាងសមត្ថកិច្ចកម្ពុជាគឺបានយកចិត្តទុកដាក់ ដើម្បីសម្របសម្រួលពន្លឿននីតិវិធី ឲ្យបងប្អូនឆាប់បានទៅដល់ភូមិឋាន ផ្ទះសម្បែងនៅឯស្រុកកំណើតរៀងៗខ្លួន ។បើតាមការឲ្យដឹងពីលោកអ៊ុំរាត្រីអភិបាលខេត្តអាជ្ញាធរបន្ទាយខេត្តបន្ទាយមានជ័យ និងខេត្តស្រះកែវជាខេត្តសម្ព័ន្ធមេត្រីភាពគ្នា មានកិច្ចប្រជុំផ្លាសរប្តូរបទពិសោធន៍ការងារ ពង្រឹងកិច្ចសហប្រតិបត្តិការល្អទៅវិញទៅមក។ពេល មានអ្វីកើតឡើងតែសហការ រួមគ្នាដោះស្រាយជាប្រពៃណីល្អ ក្រោមការដឹកនាំប្រកបដោយកិត្តិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រី សម្តេចតែងផ្តល់អនុសាសន៍ណែនាំឲ្យខេត្តជាប់ព្រំដែនបន្តពង្រឹងកិច្ចសហប្រតិបត្តិការលើគ្រប់វិស័យជាមួយប្រទេសជាតិខាង.។
សូមបញ្ជាក់ដែរថាក្នុងការសម្រុកវិលត្រឡប់មកស្រុកខ្មែរវិញនេះផងដែររថយន្តដឹកពលករបានជួបគ្រោះថ្នាក់ចរាចរបណ្តាលឲ្យមានមនុស្ស៨នាក់ស្លាប់។ករណីយ៍នេះស្ថានទូតកម្ពុជាប្រចាំប្រទេសថៃឡង់ដ៍ មានក្តីក្តុកក្តួលរន្ធត់ចិត្តឥតឧបមា ក្រោយទទួលព័ត៌មានអំពីគ្រោះថ្នាក់ចរាចរណ៍ដ៏រន្ធត់មួយ រវាងរថយន្តដឹកអ្នកដំណើរ និងរថយន្តកុងតឺន័រ នៅខេត្តឈុនបុរី ប្រទេសថៃ កាលពីថ្ងៃទី០៨ ខែមេសា ឆ្នាំ២០២៣ បណ្តាលឱ្យពលករកម្ពុជា ចំនួន០៨នាក់បានស្លាប់ និង០៧នាក់ទៀត បានទទួលរងរបួស នៅកំឡុងពេលសម្រាកព្យាបាល នៅក្នុងមន្ទីរពេទ្យ។ នេះបើយោងតាមសាររំលែកទុក្ខ របស់ស្ថានទូតកម្ពុជាប្រចាំប្រទេសថៃឡង់ដ៍ បានចេញផ្សាយថ្ងៃទី១០ ខែមេសា ឆ្នាំ២០២៣។