វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1206 នាក់
ម្សិលមិញ 3717 នាក់
សរុប 14149539 នាក់
បាត់ដំបង៖នាព្រឹកថ្ងៃព្រហស្បតិ ទី០៦ ខែ មេសា ឆ្នាំ ២០២៣ លោកឧត្តមសេនីយ៍ត្រី ដាញ់ អេងប៊ុនចាន់ ស្នងការរងផែនការងារអន្តោប្រវេសន៍នៃស្នងការដ្ឋានខេត្តបាត់ដំបងបានធ្វើការប្រជុំផ្សព្វផ្សាយ ដល់ជនបរទេសអន្តោប្រវេសន្តជាជនជាតិវៀតណាមចំនួន៤៨នាក់ ដែលកំពុងរស់នៅ លើបឹងទន្លេសាប ក្នុងភូមិសាស្ត្រឃុំកោះជីវាំង ឯកភ្នំ ខេត្តបាត់ដំបង។កិច្ចប្រជុំបានសង្កត់ធ្ងន់លើការអនុវត្តន៍ការផាកពិនយ័អន្តរកាលចំពោះអ្នកល្មើសច្បាប់អន្តោប្រវេសន៍ និងប្រយោជន៍នៃការប្រើប្រាស់បណ្ណស្នាក់នៅអចិន្ត្រៃយ៍។
ពិធីនេះមានការចូលរួមពីលោកនាយ នាយរង ការិយាល័យជំនាញ លោកអធិការ អធិការរងទទួលការងារអន្តោប្រវេសន៍ លោកនាយប៉ុស្តិនគរបាលរដ្ឋបា ល កោះជីវាំង និងប្រធានសមាគមន៍វៀតណាមប្រចាំខេត្តបាត់ដំបងផងដែរ។លោកឧត្តមសេនីយ៍ត្រី ដាញ់ អេងប៊ុនចាន់បានណែនាំដល់ជនអន្តោប្រវេសន្តទាំងអស់ ចូលរួមសហការអនុវត្តគោរពតាមច្បាប់អន្តោប្រវេសន៍ឱ្យបានត្រឹមត្រូវចៀសវាងការផាកពិនយ័ និងទោស ទណ្ឌ័នានា និងធានាបានការស្នើសុំចូលសញ្ជាតិតូបនីយកម្ម នាពេលខាងមុខ។សូមបញ្ជាក់ថាការចុះអប់រំនេះធ្វើឡើងតាមប្រសាសន៍ណែនាំពីឯកឧត្តមនាយឧត្តមសេនីយ៍ គៀតចន្ទថារិទ្ឋ អគ្គនាយកអន្តោប្រវេសន៍ និងដោយបានការអនុញ្ញាតពីលោកឧត្តមសេនីយ៍ទោ សាត គឹ ម សាន សស្នងការនៃស្នងការដ្ឋាននគរបាលខេត្តបា ត់ដំបង។