វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5142 នាក់
ម្សិលមិញ 5304 នាក់
សរុប 14144668 នាក់
រាជធានីភ្នំពេញ៖បុរសម្នាក់បានចូលទទួលស្គាល់កំហុសរបស់ខ្លួន នៅអធិការដ្ឋាននគរបាលខណ្ឌសែនសុខបន្ទាប់ពីបានផ្ទុះអាវុធមួយគ្រាប់ បណ្ដាលឲ្យជនសង្ស័យជាមុខសញ្ញាល្មើសម្នាក់ស្លាប់ នៅតាមបណ្ដោយផ្លូវ១០១១ សង្កាត់ភ្នំពេញថ្មី ខណ្ឌសែនសុខ នៅថ្ងៃទី០២ ខែវិច្ឆិកា ឆ្នាំ២០២២នេះវេលាម៉ោងប្រមាណ១រំលងថ្ងៃត្រង់ ។
នៅចំពោះមុខសមត្ថកិច្ច បុរសខាងលើបានសារភាពថា មុនកើតហេតុខ្លួនបានបើកបររថយន្ត ម៉ាក Lexus570 ពណ៌ខ្មៅ ពាក់ស្លាកលេខភ្នំពេញ2BK-7799 មកដល់ចំណុចកើតហេតុ ឃើញសមត្ថកិច្ចស្លៀកពាក់ស៊ីវិលដេញ ជនសង្ស័យស្រែកថា ចោរៗមកដល់ចំណុចរថយន្តរបស់ខ្លួន ខ្លួនក៏ឈប់រថយន្តជួយកាក់ជនសង្ស័យ។ ប៉ុន្ដែជនសង្ស័យនោះបានប្រឹងគេច ទើបខ្លួនដកកាំភ្លើងបាញ់គំរាម តែបែជាត្រូវជនសង្ស័យមួយគ្រាប់បណ្ដាលឲ្យស្លាប់តែម្ដង។
ទោះជាបានចូលសារភាពតែ សមត្ថកិច្ចមិនទាន់បញ្ជាក់ថា បុរសខាងលើជាកងកម្លាំងនៅអង្គភាពណានោះទេ ពោលកំពុងសួរនាំបន្ដ ដើម្បីចាត់ការតាមនីតិវិធី។បុរសជាជនរងគ្រោះនៃការបាញ់ខាងលើជិះម៉ូតូមួយគ្រឿង ម៉ាក Scoopy ពណ៌ខ្មៅ ពាក់ផ្លាកលេខភ្នំពេញ 1JG-4729 ស្លាប់ភ្លាមៗនៅកន្លែងកើតហេតុ.៕