វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3786 នាក់
ម្សិលមិញ 10264 នាក់
សរុប 14142968 នាក់
បាត់ដំបង៖ជនសង្ស័យម្នាក់បន្លំខ្លួនជាមន្ត្រីយោធា ប្រចាំការនៅរាជធានីភ្នំពេញហើយតាំងខ្លួនជាគ្រូពេទ្យយោធាមកណាត់ជួបនារីម្នាក់ ដែលស្គាល់គ្នាតាមបណ្តាញសង្គមហ្វេសប៊ុក នៅក្រុងបាត់ដំបងកាលពីវេលាម៉ោង១ រសៀលថ្ងៃទី២៤ ខែធ្នូ ឆ្នាំ២០២១ ។បន្ទាប់ មកបុរសសង្ហាក៏បបួលគ្នាទៅញុាំបាយក្នុងភោជនីយដ្ឋានមួយកន្លែងដោយជនសង្ស័យនិយាយថារូបគេទើបធ្វើដំណើរមកដល់បាត់ដំបងមិនទាន់ហូបបាយទេ។
ពេលជនរងគ្រោះនិងជនសង្ស័យកំពុងអង្គុយញាំបាយនិយាយគ្នា ក្លែមពាក្យសម្តី ផ្អែមល្អែមផង ក៍មានគេទូរស័ព្ទចូលហើយហៅជនសង្ស័យថាទៅយកថ្នាំវ៉ាក់សាំងកូវីត១៩ដូសទី៣។ ពេលនោះជនសង្ស័យសុំខ្ចីម៉ូតូ១គ្រឿងម៉ាក PCX ពណ៌ស សេរីឆ្នាំ២០១៨ ពាក់ស្លាកលេខ បាត់ដំបង 1AD-6850 ជាកម្មសិទ្ធិរបស់នារីរងគ្រោះ ឈ្មោះ សឺន សាម៉ៃ ភេទស្រី អាយុ២៩ឆ្នាំ រស់នៅភូមិដាំស្ពៃ សង្កាត់ស្លាកែត ក្រុងបាត់ដំបង ខេត្តបាត់ដំបង ជិះចេញទៅ។ដោយបាត់ដំណឹងយូរពេក ទើបនារីរងគ្រោះសម្រេចចិត្តដាក់ពាក្យបណ្តឹងទៅការិយាល័យព្រហ្មទណ្ឌកំរិតស្រាលដើម្បីស្រាវជ្រាវរកជនសង្ស័យនិងម៉ូតូរបស់ខ្លួន។
បុរសសង្ហារជំនាញ បោកមានឈ្មោះ៖ជា ពិសិដ្ឋ ភេទប្រុស អាយុ៣៧ឆ្នាំ មានទីលំនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ត្រូវបានកងអន្តរាគមន៍ បង្ការ បង្ក្រាបនៃស្នងការដ្ឋាននគរបាលខេត្តបាត់ដំបងដឹកនាំកម្លាំងដោយលោកវរសេនីយ៍ឯកឈឿង គឹមសុង តាមប្រម៉ាញ់រហូតឃាត់ខ្លួនបានកាលពីវេលាម៉ោង២ រសៀល ថ្ងៃទី១៦ខែមករា ឆ្នាំ២០២២ ចំណុច រវង្វង់មូលរូបសំណាកសេះស ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបងពាក់ពន្ធ័បទល្មើសរំលោភសេចក្តីទុកចិត្តនិងបន្លំអត្តសញាណ។
វត្ថុតាងដែលសមត្ថកិច្ចដកហូតបានរួមមាន៖កូនសោរម៉ូតូ ចំនួន៥ សុីមកាត ចំនួន៤ ប័ណ្ណបើកបរ ១សន្លឹក ស្លាកលេខម៉ូតូ៧ សន្លឹក ម៉ូតូហុងដាស្កុបពី ពណ៌ស សេរីឆ្នាំ២០២២ ១គ្រឿង ពាក់ស្លាកលេខ សៀមរាប 1AK-2419 ចំនួន១គ្រឿង និងម៉ូតូ១គ្រឿងទៀតម៉ាកហុងដាឌ្រីម សេ ១២៥ ពណ៌ខ្មៅ សេរីឆ្នាំ២០២២ (គ្មានស្លាកលេខ)។