វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4778 នាក់
ម្សិលមិញ 10264 នាក់
សរុប 14143960 នាក់
ភ្នំពេញ៖ខេត្តព្រះវិហារដែលមានផ្ទៃដីជា១ម៉ឺនគីឡូម៉ែត្រក្រឡាមានប្រជាជនជាង៨០ភាគរយប្រកបរបរកសិកម្ម មានសហគមន៍កសិកម្ម សរុប៤៣សហគមន៍ មានសមាជិកប្រមាណ១ម៉ឺនគ្រួសារ ដោយមានការសម្របសម្រួល ពីការិយាល័យអភិវឌ្ឍន៍សហគមន៍កសិកម្ម និងត្រូវបានចុះបញ្ជីទទួលស្គាល់ ជាសហគមន៍កសិកម្មស្របច្បាប់ ដោយមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ។
នេះជាការឲ្យដឹងពី លោក គីម រឹទ្ធី អភិបាលខេត្តព្រះវិហារសន្និសីទសារព័ត៌មានក្នុងសន្និសីទ ស្តីពីភាពជោគជ័យ ក្នុងរយៈពេល៥ឆ្នាំកន្លងមក របស់រដ្ឋបាលខេត្តព្រះវិហារ (២០១៨-២០២២) នៅទីស្តីការគណៈរដ្ឋមន្ត្រីនារសៀលថ្ងៃទី២៣មិនាឆ្នាំ២០២៣។ ឯកឧត្តមអភិបាលខដេត្តបន្តថា មុខរបរសំខាន់ៗរបស់សហគមន៍កសិកម្ម ផ្តោតលើការធ្វើឥណទានកសិកម្មខ្នាតតូច ផ្គត់ផ្គង់សម្ភារកសិកម្ម ធ្វើរបរទីផ្សារ និងបានចុះកិច្ចសន្យាទិញលក់ ផលិតផលសរីរាង្គ ដូចជា ស្រូវសរីរាង្គ ដំឡុងមីសរីរាង្គ និងគ្រាប់ស្វាយចន្ទីសរីរាង្គ។
លោកអភិបាលខេត្ត មានប្រសាសន៍ដែរថា ខេត្តព្រះវិហារ មានវិសាលភាពផ្ទៃដីធំទូលាយ ដែនដីប្រកបដោយជីវជាតិ និងជាប្រភពដ៏ប្រសើរ សម្រាប់វិស័យកសិកម្ម ដែលជាឆ្អឹងខ្នងសេដ្ឋកិច្ច សម្រាប់ប្រជាពលរដ្ឋ ប្រមាណជាង៨០ភាគរយ នៅទូទាំងខេត្ត ដែលមានមុខរបរចម្បងលើវិស័យនេះ។ ខេត្តមានសក្តានុពលធ្វើកសិកម្មសរីរាង្គ និងជាប្រភពផ្គត់ផ្គង់កសិផលសរីរាង្គច្រើនជាងគេ និងនាំចេញទៅកាន់ទីផ្សារអន្តរជាតិឈានមុខគេ។
ជាលទ្ធផលក្នុងឆ្នាំ២០២២ ការដាំដុះស្រូវរដូវរស្សាអនុវត្តបានចំនួនជិត១សែនហិកតា (៩៩,១២០ហិកតា) លើផែនការជាង៩ម៉ឺនហិកតា (៩១,២០០ហិកតា) ដែលផ្ទៃដីប្រមូលផលសរុប ជាង៩ម៉ឺនហិកតា (៩៤,០៦៣ហិកតា) ផ្ទៃដីប្រមូលផលបានជាង៩ម៉ឺនហិកតា (៩៤,០៦៣ហិកតា) ស្មើនឹង១០០ភាគរយ ទទួលបានបរិមាណផលចំនួនជាង២៨ម៉ឺនតោន (២៨៣,៧៤៣តោន) និងទិន្នផលមធ្យមជាង៣តោន ក្នុងមួយហិកតា។ដោយឡែកចំពោះការបង្កបង្កើនផលដំណាំរួមផ្សំ ដំណាំកសិឧស្សាហកម្ម និងឈើហូបផ្លែអនុវត្តបានសរុប ជាង៦ម៉ឺនហិកតា (៦៣,៤៣៤ហិកតា) ស្មើនឹង៩០.៨៧ភាគរយ នៃផែនការជិត៧ម៉ឺនហិកតា (៦៩,៨០៥ហិកតា)។លោកពឹងទ្រីដាប្រធានមន្ទីរកសិកម្មខេត្តបានបញ្ជាក់ថាដោយសារការចងក្រសជាសហគមន៍បណ្តាលឲ្យការផលិតរបស់ប្រជាពលរដ្ឋមានទីផ្សារច្បាស់លាស់ព្រោះមានក្រុមហ៊ុនចុះកិច្ចសន្យាទិញសម្រាប់ការនាំចេញ៕