សម្ពោធចំណតផែក្រុងព្រះសីហនុតេជោសសើអតីតព្រះមហាក្សត្រ័និងជប៉ុន!
03-April-2024 / សេដ្ឋកិច្ច
ភ្នំពេញ៖ ចំណតថ្មីនៃកំពង់ផែស្វយ័តក្រុងព្រះសីហនុ (PAS) ដែលហៅថាចំណតផែពហុបំណង ដែលអាចពង្រីកសមត្ថភាពដឹកជញ្ជូនតាមសមុទ្ររបស់កម្ពុជាមានតម្លៃប្រមាណ៧៤លានដុល្លារអាមេរិកដែលជាលុយខ្ចីពីជប៉ុនត្រូវបានសម្ពោធដាក់ឲ្យដំណើរការនៅនៅថ្ងៃចន្ទ ១៣កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែមិថុនា ឆ្នាំ២០១៨ដោយនាយករដ្ឋមន្ត្រីតេជោហ៊ុនសែននិងភារធារីស្ថានទូជប៉ុនប្រចាំកម្ពុជា។
ចំណតផែពហុបំណង នេះ មានសមត្ថភាពឲ្យនាវាផ្ទុកទំនិញចំណុះ ៥ម៉ឺនតោនចូលចតបាន ដោយមិនចាំបាច់ផ្ទេរទំនិញនៅសិង្ហបុរី ម៉ាឡេស៊ី ថៃ ឬវៀតណាម ដូចមុនឡើយ។ពីមុនផែក្រុងព្រះសីហនុមានសមត្តភាពទទួលនាវាត្រឹម១ម៉ឺនតោនប៉ុណ្ណោះ។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានថ្លែងរំលឹក អរព្រះគុណដល់អតីតព្រះមហាក្សត្រ ព្រះបរមរតនកោដ្ឋ នរោត្តម សីហនុ ដែលបានសាងសង់កំពង់ផែស្វយ័ត ក្រុងព្រះសីហនុមួយនេះ និងផ្លូវដែក តភ្ជាប់ពីរាជធានីភ្នំពេញ មកកាន់ក្រុងព្រះសីហនុ។«ដំបូងយើងត្រូវតែថ្លែងអំណរគុណទៅដល់ព្រះវិញ្ញាណខន្ធរបស់ព្រះបរមរតនកោដ្ឋ ព្រះបាទព្រះ នរោត្តម សីហនុ ដែលពេលនោះព្រះអង្គបានខិតខំកសាងកំពង់ផែទឹកជ្រៅនៅកំពង់ផែយើងមួយនេះ ជាមួយនឹងផ្លូវដែក តភ្ជាប់ពីទីក្រុងភ្នំពេញ មកកាន់កំពង់ផែទឹកជ្រៅ គឺកំពង់ផែក្រុងព្រះសីហនុនេះ ដែលបានបច្ចុប្បន្ននេះ គឺខេត្តមួយនេះក្លាយទៅជាខេត្តដែលដាក់នាមរបស់ព្រះបរមរតនកោដ្ឋ គឺខេត្តព្រះសីហនុ និងក្រុងព្រះសីហនុ របស់យើងនេះ»។
ប្រសិនបើមិនមានបព្រះហស្ថរបស់សម្តេចព្រះបរមរតនកោដ្ឋ នរោត្តម សីហនុ នៅក្នុងទសវត្សឆ្នាំ១៩៦០ទេនោះ។ ដូច្នេះបច្ចុប្បន្ននេះកម្ពុជា ប្រហែលមិនប្រាកដជាកំពង់ផែមួយនេះ ដើម្បីដោះស្រាយនូវបញ្ហាបន្តបន្ទាប់ ក្រោយពីប្រទេសជាតិរបស់យើង បានរួចចេញផុតពីរបបប្រល័យពូជសាសន៍ ប៉ុលពត នោះទេ។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកសរសើរប្រទេសជប៉ុន មិនដាច់ពីមាត់ ក្រោយពីជប៉ុន បានផ្តល់ជំនួយ ទាំងមានសំណង និងឥតសំណងមកអភិវឌ្ឍន៍នៅកម្ពុជា។
សម្តេចតេជោក៏បានលើកសរសើរថា បំណុលដែលកម្ពុជា ជំពាក់ជប៉ុននោះ គឺជប៉ុនមិនទារយកជាគំហុកភ្លាមៗ នោះទេ គឺឲ្យសងជាដំណាក់កាលៗទៅវិញ ដែលខុសប្លែកពីអាមេរិក ដែលបានទារបំណុលកម្ពុជា ជំពាក់ពីជំនាន់មុន ខណៈខ្លួនបាន ទំលាក់គ្រាប់បែក មកកម្ពុជា ហើយបើទោះបីជាកម្ពុជា បានស្នើជាច្រើនដង ឲ្យបង្វែរបំណុលនោះមកជាជំនួយ អភិវឌ្ឍន៍វិញ ក៏គេមិនព្រមនោះដែរ។
សម្តេចបានថ្លែងកោតសរសើរថា “ជប៉ុនបានរកវិធី ដ៏សមរម្យមួយ ដែលជួយឲ្យកម្ពុជាដោះស្រាយ បំណុលជប៉ុនបានដោយ ងាយស្រួលនៅត្រង់ថា ជប៉ុនមិនបានទារប្រាក់ចេញពីកម្ពុជាទេ ជប៉ុនបែរ ជាផ្តល់ជំនួយឥតសំណង់ ដោយផ្តល់ជាទំនិញ ឲ្យមកកម្ពុជាលក់ ដល់កម្ពុជាលក់ហើយ បានប្រាក់សងទៅជប៉ុន ជប៉ុនមិនយកប្រាក់ហ្នឹងទៅជប៉ុនទេ តែយកមកឲ្យកម្ពុជាវិញ សម្រាប់ការប្រើប្រាស់”។
សម្តេចតេជោបានឲ្យដឹងទៀតថា ការបង្កើតចំណតកំពង់ផែនេះ បន្ទាប់មានការ ចុះហត្ថលេខារវាង សម្តេចតេជោ ជាមួយរដ្ឋាភិបាលជប៉ុន ក្នុងការការអភិវឌ្ឍក្នុងកំពង់ផែ លើគម្រោងទឹកប្រាក់ ប្រមាណ២០៣លានដុល្លារ។
សូមបញ្ជាក់ដែរថា៖តាំងពីដើមខែមិថុនា ឆ្នាំ២០១៨នេះ ប្រជាពលរដ្ឋខ្មែរ ដែលជាអ្នកក្រៅប្រទេសមួយចំនួន ជាពិសេសហរដ្ឋអាអាមេរិក បាននាំគ្នាក្រោកឡើង ដើម្បីប្រឆាំងប្រទេសជប៉ុន មិនឲ្យទទួលស្គាល់លទ្ធផលបោះឆ្នោត នៅកម្ពុជា ក្រោមការញុះញង់ ពីសំណាកអតីត មេបក្សប្រឆាំងនៅកម្ពុជា។ពលរដ្ឋខ្មែរដែលជាអ្នកគាំទ្រ អតីតគណបក្សសង្គ្រោះជាតិ ដែលមានការដឹកនាំ ដោយផ្ទាល់ពីមេបក្ស និងអតីតមន្ត្រីសង្គ្រោះជាតិ បានធ្វើបាតុកម្មជាច្រើនលើក មកហើយ នៅមុខស្ថានទូតជប៉ុន ប្រចាំបុរីញូវយ៉ក សហរដ្ឋអាមេរិក ដើម្បីស្នើឲ្យជប៉ុនបញ្ឈប់ផ្តល់ជំនួយ មក គ.ជ.ប និងមិនទទួលស្គាល់ការ បោះឆ្នោតនៅកម្ពុជា ព្រមទាំងចង់ឲ្យបក្សខ្លួនរស់ឡើងវិញ និងដោះលែងលោក កឹម សុខា។ បច្ចុប្បន្នការតវ៉ានេះ បានរីករាលដាលមកដល់ កូរ៉េខាងត្បូងហើយ ក្នុងគោលបំណងដូចគ្នា ក្រោមការដឹកនាំពីលោកស្រី មុរ សុខហួរ អតីតអនុប្រធានបក្សសង្គ្រោះជាតិ។
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងឲ្យដឹងថា៖ចំណតផែពហុបំណង ត្រូវបានចែកជាចំណតផែទំនិញរាយប្រវែង ៣៣០ម៉ែត្រ ជម្រៅ ១៣,៥ម៉ែត្រ និងចំណតផែមូលដ្ឋានផ្គត់ផ្គង់ភស្ដុភារសម្រាប់ការរុករកប្រេងប្រវែង ២០០ម៉ែត្រ ជម្រៅទឹក ៧,៥ម៉ែត្រ។ ហើយចំពោះការផ្គត់ផ្គង់ភស្ដុភារសម្រាប់ការរុករកប្រេង ក៏មិនចាំបាច់ប្រើប្រាស់កំពង់ផែរបស់ថៃ ដូចមុនឡើយ។
កំពង់ផែទឹកជ្រៅមួយផ្សេងទៀតរបស់ PAS ដែលជាក្រុមហ៊ុនចុះបញ្ជីផ្សារភាគហ៊ុនមួយនេះ ក៏នឹងត្រូវសាងសង់ក្នុង២០១៩ ខាងមុខផងដែរ។ កំពង់ផែនេះមានជម្រៅ ១៤,៥កន្លះ និងអាចឲ្យនាវា ៩៣ភាគរយនៃតំបន់អាស៊ីប៉ាស៊ីហ្វិកចូលចត។ គម្រោងនេះមានតម្លៃ ២០៣លានដុល្លារ ក្រោមប្រាក់កម្ចីពីរដ្ឋាភិបាលជប៉ុន ដែលត្រូវចំណាយពេលបញ្ចប់ការសាងសង់នៅឆ្នាំ២០២២ ឬ២០២៣ ។
