វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 848 នាក់
ម្សិលមិញ 2951 នាក់
សរុប 12608403 នាក់
បាត់ដំបង៖ កាលពីថ្ងៃទី ១៧ ខែកញ្ញា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងស៊ីសង គ្រប់ប្រភេទទាំងអស់ឲ្យខានតែបាន។ សម្តេចតេជោហ៊ុនសែន បញ្ជាក់ ថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
ជាក់ស្តែងពេលនេះល្បែងស៊ីសងប្រភេទហ្គេមបាញ់ត្រី កំពុងតែរីកដូចផ្សិតក្នុងស្រុកកំរៀង បើគិតត្រឹមថ្ងៃទី២៧ ខែមីនា ឆ្នាំ២០២៣ នៅចំណុចភូមិដូង ឃុំបឹងរាំង ស្រុកកំរៀង ជ្រកក្រោមផ្លាកកាស៊ីណូអត់ច្បាប់មួយ ។
ប្រភពព័ត៌មានពីប្រជាពលរដ្ឋ បានអោយដឹងថា? បច្ចុប្បន្ននេះ នៅស្រុកកំរៀង មានល្បែងស៊ីសងប្រភេទហ្គេមបាញ់ត្រី និងល្បែងស៊ីសងមាន់ជល់តាមអនឡាញ កំពុងតែបើកដំណើរការយ៉ាងរលូន ដោយមិនឃើញមានអាជ្ញាធរណាមកទប់ស្កាត់ឡើយ។
ពលរដ្ឋបានលើកឡើងថាល្បែងស៊ីសងហ្គេមបាញ់ត្រីនេះលោកអភិបាលស្រុកនិងលោកអធិការស្រុកកំរៀង មិនបង្ក្រាប សង្ស័យអាចនិងត្រូវថ្នាំសណ្តំ ឬទទួលបានលាភ ទទួលជ័យ ពីម្ចាស់បនល្បែងស៊ីសងប្រភេទហ្គេមបាញ់ត្រីខាងលើនេះឬយ៉ាងណា? ។ប្រជាពលរដ្ឋែលមិនញៀនល្បែងបានសំណូមពរដល់លោក សុខ លូ អភិបាលខេត្តបាត់ដំបង លោក សាត គឹមសាន្ត ស្នងការខេត្តបាត់ដំបង សូមមេត្តាចាត់វិធានការ តាមផ្លូវច្បាប់លើ ម្ចាស់ទីតាំងបើកល្បែងស៊ីសងប្រភេទហ្គេមបាញ់ត្រីមួយនេះ ដែលផ្គើននិងបទបញ្ជាសម្តេចតេជោ និង ដើម្បីស្របតាមគោលការណ៍ភូមិ ឃុំ ទាំងប្រាំពីរចំណុចឱ្យមានសុវត្ថិភាពផងទាន ៕