វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3531 នាក់
ម្សិលមិញ 6677 នាក់
សរុប 14151107 នាក់
ខេត្តស្វាយរៀង៖ មនុស្សជនប្រុសស្រី២នាក់ត្រូវបានស្លាប់ដោយអគ្គិភ័យនៅក្នុងបន្ទប់ផ្ទះសំណាក់៧៧៧៧ បង្កការភ្ញាក់ផ្អើលដល់ម្ចាស់ផ្ទះសំណាក់និងសមត្ថកិច្ចកាលពីវេលាម៉ោង៧និង៤០នាទីព្រឹកថ្ងៃទី២៧ខែកុម្ភៈឆ្នាំ២០២៣ស្ថិតក្នុងភូមិតាណែង ឃុំសង្កែ ស្រុករំដួល ខេត្តស្វាយរៀង ។
លោកមាស ធួក អធិការនគរបាលស្រុករំដួលបានឱ្យដឹងថាអ្នកស្លាប់ក្នុងហេតុការណ៍នេះមានឈ្មោះ វ៉ន ញ៉ាញ់ ភេទប្រុស អាយុ៣២ឆ្នាំ មានទីលំនៅភូមិថ្មី ឃុំស្វាយចេក ស្រុករំដួល និងឈ្មោះ អាន ចិន្តា ភេទស្រី អាយុ១៧ឆ្នាំ មានទីលំនៅភូមិព្រែកពក ឃុំថ្នាធ្នង់ ស្រុករំដួល។ឈ្មោះ ជំ ស៊ីថា ភេទប្រុស អាយុ៤៨ឆ្នាំ ជាម្ចាស់ផ្ទះសំណាក់បានឱ្យសមត្តកិច្ចដឹងថា នៅថ្ងៃទី២៦ខែកុម្ភៈឆ្នាំ២០២៣ វេលាម៉ោង៦ល្ងាចមានមនុស្សប្រុសស្រីពីរនាក់បានជិះម៉ូតូមួយគ្រឿងមកជួលបន្ទប់លេខ១៩របស់ខ្លួនដើម្បីសម្រាកមួយយប់រហូតដល់ម៉ោង៧និង៣០នាទីព្រឹកស្រាប់តែមានភ្លើងឆេះចេញពីបន្ទប់ដែលអ្នកទាំងពីរជួលបង្កការភ្ញាក់ផ្អើលតែម្តង។
ក្រោយពីទទួលព័ត៌មានភ្លាម កម្លាំងជំនាញបច្ចេកទេសស្រុកបានសហការជាមួយជំនាញខេត្ត និងលោកវេជ្ជបណ្ឌិត នៃមន្ទីពេទ្យបង្អែកសាមគ្គីរំដួល ដោយមានការសម្របសម្រួលពីលោក បូរា អង្គប្រទាន ព្រះរាជអាជ្ញារងសាលាដំបូងខេត្តស្វាយរៀង ចុះដល់កន្លែងកើតហេតុដើម្បីពិនិត្យហើយឃើញថា នៅបន្ទប់លេខ១៩មានមនុស្សស្លាប់ចំនួន២នាក់ ។ ក្រោយពិនិត្យរួច សមត្ថកិច្ចបានសន្និដ្ឋានថា សាកសពស្លាប់ដោយសារធ្វើអត្តឃាតចាក់សាំងដុតខ្លួនឯងដោយសារមូលហេតុ មានវិបត្តិស្នេហា។មិនទាន់បានដឹងថាតើភាគីខាងប្រុសមានប្រពន្ធឬនៅកម្លោះនោះទេ?។ចឹងបានថាស្នេហាហ៍មានកម្លាំងខ្លាំងដូចរន្ទះបាញ់មែន។សមត្ថកិច្ចធ្វើកំណត់ហេតុនិងបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលនិងសោកសង្រេងបំផុត៕