វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10099 នាក់
ម្សិលមិញ 8227 នាក់
សរុប 14136980 នាក់
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី១៤កុម្ភៈ បានបញ្ជាក់ថា ការបិទសារព័ត៌មាន VOD គឺវាមិនធ្វើឲ្យប៉ះពាល់ទៅដល់សេរីភាពសហព័ត៌មាននៅកម្ពុជានោះទេផ្ទុយទៅវិញគឺនឹងពង្រឹងនូវការអនុវត្តច្បាប់នូវវិជ្ជាជីវៈសារព័ត៌មាននៅកម្ពុជាថែមទៀតនិងបានប្រកាសទទួលយកបុគ្គលឹកទាំងអស់ចូលបំរើការរដ្ឋបើគេស្មគ្រ័ចិត្ត។តាមរយៈហ្វេសប៊ុក សម្តេចតេជោ នាយករដ្ឋមន្ត្រី បានសរសេរថា “ដោយសារតែវិទ្យុវីអូឌី ត្រូវបានបិទ និងគ្មានឱកាសបើកឡើងវិញ និងដោយគិតទៅដល់ជីវភាពបុគ្គលឹកដែលបាត់បង់ការងារធ្វើដោយកំហុសមេដឹកនាំ។ ខ្ញុំសម្រេចផ្តល់ក្របខ័ណ្ឌរដ្ឋសម្រាប់បងប្អូនដែលមានបំណងចូលបំរើកិច្ចការរដ្ឋ។សូមបងប្អូនធ្វើទំនាក់ទំនងជាមួយក្រសួងមុខងារសាធារណៈ ដើម្បីដាក់ពាក្យសុំធ្វើការ។”
សម្តេចតេជោ ហ៊ុន សែន ក៏បានណែនាំដល់រដ្ឋមន្ត្រីក្រសួងមុខងារសាធារណៈ ត្រូវទទួលយកពាក្យសុំ និងបែងចែកទៅតាមក្រសួងនានា ស្របតាមមុខជំនាញ និងត្រូវសុំការសម្រេចចុងក្រោយពីសម្តេច។សម្តេចតេជោ ហ៊ុន សែន បានបញ្ជាក់ថា “សូមប្រាប់អ្នកដទៃ កុំលូកលាន់កិច្ចការផ្ទៃក្នុងរបស់យើង ហើយយើងសូមបញ្ជាក់ថា នឹងគ្មានការផ្លាស់ប្តូរការសម្រេចចិត្តរបស់យើងនោះឡើយ។ ជនបរទេសគ្មានសិទ្ធមកបង្គាប់បញ្ជាឲ្យយើងធ្វើនេះ ឬធ្វើនោះតាមការចង់បានរបស់ពួកគេឡើយព្រោះ នេះជាកិច្ចការផ្ទៃក្នុងរបស់យើង។”
សម្តេចតេជោ ហ៊ុន សែន បានបញ្ជាក់បន្ថែមថា ការបិទចោលវិទ្យុដែលគ្មានក្រមសិលធម៍មួយវាមិនធ្វើឲ្យស្លាប់នូវសេរីភាពសារព័ត៌មាននៅកម្ពុជានោះឡើយ តែផ្ទុយទៅវិញ វានឹងជួយដល់ការអនុវត្តច្បាប់ និងពង្រឹងក្រមសិលធម៍វិជ្ជាជីវៈសារព័ត៌មាននៅកម្ពុជាថែមទៀតផង។សូមបញ្ជាក់ថានៅព្រឹកថ្ងៃទី១៣ ខែកុម្ភៈ ឆ្នាំ២០២៣ ក្រសួងព័ត៌មានបានចេញសេចក្តីប្រកាស សម្រចលុបអាជ្ញាបណ្ណការផ្សាយរបស់មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ដែលមជ្ឈមណ្ឌលគ្រប់គ្រងការផ្សាយរបស់សារព័ត៌មាន VOD។ការប្រកាសបិទសារពត៍មានVODដែលទទួលជំនួយឧបត្ថម្ភពីបរទេសបានបង្កឲ្យមានការតវ៉ាប្រតិកម្មពីអង្គការសង្គមស៊ីវីលជាតិនិងអន្តរជាតិពិសេសសក្រសួងការបរទេសប្រទេសនានាមានអាមេរិកផងដែរអាមេរិកដោយចោទថាជាការលុបបំបាត់សេរីភាពសារពត៍មាន។តែពួកគេមិនបាននិយាយពីកំហុសរបស់វិទ្យូវីអូឌីដែលផ្សាយពត៍បំភ្លៃការពិតមួលបង្កាច់កិត្តិយសអ្នកដទៃឡើយឡើយ។តែសម្រាប់ស្ថានទូតក្រសួងការបរទេសកម្ពុជាក៏បានចេញសេចក្តីថ្លែងការណ៍បកស្រាយផងដែរនិងហាមការលូកដៃពីបរទេសដែលរំលោភសន្ធីសញ្ញាទីក្រុងវីយែន។
វិទ្យុ VOD បានរាយការណ៍ព័ត៌មានកាលថ្មីៗនេះចុះផ្សាយថា លោក ហ៊ុន ម៉ាណែត កូនប្រុសច្បងរបស់លោក ហ៊ុន សែន ជាអ្នកចុះហត្ថលេខាជំនួសឪពុករបស់លោកក្នុងការផ្តល់ជំនួយមនុស្សធម៌ដល់ប្រទេសតួកគី (Turkey) ដោយសំអាងថាតាមសម្តីរបស់លោក ផៃ ស៊ីផាន ប្រធានអ្នកនាំពាក្យរដ្ឋាភិបាល ដែល VOD បានសម្ភាសន៍។តែលោកផៃស៊ីផានរដ្ឋមន្ត្រីប្រតិភូអមនាយករដ្ឋមន្ត្រីនិងជាប្រធានអង្គភាពអ្ននាំពាក្យរាជរដ្ឋាភិបាលទាំងក្នុងការផ្តល់បទសំភាសន៍និងសេចក្តីថ្លែងការណ៍មិនបាននិយាយមួយម៉ាត់ណាថាលោកឧត្តមសេនីយ៍ហ៊ុនម៉ាណែតចុះហត្ថលេខាផ្តល់ជំនួយសង្គ្រោះដល់ប្រទេសតួគីដែលរងគ្រោះរញ្ជួយដីជំនួសសម្តេចតេជោហ៊ុនសែនឡើយ។
នៅក្នុងវេទិការសន្និសីទសារពត៍មានស្តីពីសមិទ្ធផល៥ឆ្នាំរបស់ខេត្តកំពុងធំនាព្រឹកថ្ងៃទី១៤កុម្ភៈផៃស៊ីផានបានឲ្យដឹងថាលោកដែលជាតួអង្គក្នុងអត្ថបទបានទូរសព្ទ័ជជែកជាមួយវិទ្យុវីអូឌីសម្រមសំរួលគ្នា៣ម៉ោងសុំឲ្យធ្វើការកែតម្រូវនិងសុំទោសចំពោះការផ្សាយមួលបង្កាច់តែមេដឹកនាំតែវីទ្យុនេះមិនព្រម។នៅក្នុងសំណេរតាមហ្វេប៊ុក លោក ហ៊ុន ម៉ាណែតដែលជាគោលដៅនៃការវាយប្រហាររបស់វិទ្យុវីអូឌី បញ្ជាក់ថា “បើ VOD មិនមានឯកសារ ហើយចុះផ្សាយពត៌មានមិនត្រឹមត្រូវ សូមធ្វើការសុំទោស ព្រមទាំងធ្វើការកែសម្រួលពត៌មាននិងផ្សព្វផ្សាយជាសាធារណៈជាបន្ទាន់ ដើម្បីកុំអោយសាធារណៈមតិមានការយល់ច្រឡំក្នុងរឿងនេះ”ផងដែរ។
ក្នុងកិច្ចប្រជុំប្រចាំសប្តាហ៍របស់ថ្នាក់ដឹកនាំក្រសួងព័ត៌មាន ដោយមានការចូលរួមផ្ទាល់ និងតាមរយៈប្រព័ន្ធវីដេអូ Zoom នៅព្រឹកថ្ងៃទី១៣ ខែកុម្ភៈ ឆ្នាំ២០២៣នេះ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន មានប្រសាសន៍បញ្ជាក់ថា កំហុសរបស់សារព័ត៌មាន VOD ក្នុងពេលនេះគឺជាកំហុសវិជ្ជាជីវៈយ៉ាងធ្ងន់ធ្ងរ ដែលធ្វើឲ្យប៉ះពាល់ដល់កិត្តិយស និងកិត្យានុភាពរបស់រាជរដ្ឋាភិបាល ហើយមិនព្រមធ្វើការកែសម្រួលតាមបទបញ្ញត្តិច្បាប់ស្តីពីរបបសារព័ត៌មាន ។ស្ថាប័នសារព័ត៌មានណាមួយដែលបានផ្សព្វផ្សាយព័ត៌មាន ដោយធ្វើអោយមានការប៉ះពាល់ដល់ស្ថាប័ន អង្គភាព ឬបុគ្គលណាក្តី ហើយត្រូវបានគេធ្វើលិខិត សរសេរបំភ្លឺបកស្រាយ ហើយផ្ញើមក ស្ថាប័នសារព័ត៌មាននោះ ឬមិនផ្ញើមកក្តី តែវាពាក់ពន្ធ័ដំណឹងដែលយើងបានផ្សាយ គឺត្រូវតែផ្សាយនូវខ្លឹមសារទាំងស្រុង បើមិនដូច្នេះទេ អាចប្រឈមមុខនឹងការយកអាជ្ញាបណ្ណផ្សាយ ។ ឯកឧត្តម ខៀវ កាញារីទ្ធ បានបញ្ជាក់យ៉ាងដូច្នេះថា «កំហុសរបស់សារព័ត៌មាន VOD ក្នុងពេលនេះ គឺជាកំហុសវិជ្ជាជីវៈយ៉ាងធ្ងន់ធ្ងរ ធ្វើឱ្យប៉ះពាល់កិត្តិយស និងកិត្យានុភាពរបស់រាជរដ្ឋាភិបាល ហើយមិនព្រមធ្វើការកែសម្រួលតាមបទបញ្ញត្តិច្បាប់ស្តីពីរបបសារព័ត៌មាន»។
យោងតាមមាត្រា ១០ នៃច្បាប់ស្តីពីរបបសារព័ត៌មានចែងថា៖ «(ក) ជនណាមួយដែលយល់ថា អត្ថបទណាមួយ ទោះបីជាសរសេរបញ្ជិតបញ្ជៀងក៏ដោយ រូបគំនូរ ឬរូបថតនៃសារព័ត៌មានណាមួយដែលខុសពីការពិត ធ្វើឱ្យខូចខាតដល់កិត្តិយសនិងសេចក្តីថ្លៃថ្នូររបស់ខ្លួន មានសិទ្ធិទាមទារឱ្យសារព័ត៌មាន នោះធ្វើការកែតម្រូវ និងមានសិទ្ធិឆ្លើយតប និងធ្វើពាក្យបណ្តឹងពីបទបរិហារកេរ្តិ៍ ពីបទមួលបង្កាច់ ឬពីបទជេរប្រមាថ ចំពោះការប៉ះពាល់ដល់កិត្តិយសនិងសេចក្តីថ្លៃថ្នូររបស់ខ្លួន។ (ខ) ចំពោះករណីពាក់ព័ន្ធនឹងបុគ្គលសាធារណៈ គ្រប់ការពោលអះអាង ឬការទម្លាក់កំហុសដែលអ្នកសារព័ត៌មានយកមកចុះផ្សាយដោយផ្ទាល់ ឬយកមកចុះផ្សាយបន្តខុសពីការពិត ក្នុងបំណងបំផ្លាញបុគ្គលសាធារណៈនោះ គឺជាការ មួលបង្កាច់ដែលច្បាប់ហាមឃាត់»។
នៅថ្ងៃទី១២កុម្ភៈបន្ទាប់ពីជួបប្រជុំជាមួយមន្ត្រីជាន់ខ្ពស់ក្រសួងពត៍មាននៅពេលព្រឹកទាក់ទងនិងការឲ្យកែតម្រូវនិងសុំទោសវិទ្យុប្រជាធិបតេយ្យវីអូឌី (VOD) បានយល់ព្រមដោយនៅពេលរសៀលបានគេចេញបានចេញលិខិតផ្ញើជូនទៅខុទ្ទការល័យសម្តេចហ៊ុនសែនដល់ទៅពីរ៖ដំបូង លិខិតទី១ ក្រៅពីបន្ទោសមន្ត្រីរដ្ឋាភិបាលថាផ្តលពត៍មានឲ្យគេវីអូឌីបានប្រើប្រាស់ពាក្យ «សោកស្តាយនិងសូមអធ្យាស្រ័យប្រសិនបើមានកំហុសឆ្គង» ដែលមានន័យស្មើនឹងការគេចវេសមិនទទួលស្គាល់កំហុសវិជ្ជាជីវៈរបស់ខ្លួនហើយក៏មិនសុំទោសជាសាធារណៈដែរ ខណៈខ្លួនបានប្រព្រឹត្តកំហុសវិជ្ជាជីវៈច្បាស់ក្រឡែតទៅហើយ។សម្ដេចតេជោបានសរសេរតាមហ្វេសប៊ុកសម្របា់លិខិតទី១ថា៖ «ពាក្យអធ្យាស្រ័យនិងពាក្យសុំទោសវាខុសគ្នា។ក្នុងនោះសម្តេចបានបន្ទោសវិទ្យុវីអូឌីថាមានបំណងទម្លាក់កំហុសលើមន្ត្រីរដ្ឋាភិបាលថែមទៀត។និងបានប្រកាសឲ្យក្រសួងពត៍មានដកអាជ្ញាបណ្ណវីទ្យុវីអូឌី។
នៅម៉ោង១២ រំលងអាធ្រាត នៃថ្ងៃទី១៣ ខែកុម្ភៈ វិទ្យុវីអូឌី បានចេញលិខិតទី២ ដោយប្រើ ពាក្យ «សុំទោស» ដើម្បីបំពេញកាតព្វកិច្ចតាមច្បាប់ស្តីពីសារ ព័ត៌មានដែលពាក្យនេះគួរតែប្រើនៅក្នុងលិខិតទី១ ហើយអាច សង្គ្រោះវិទ្យុនេះបាន។សម្ដេចតេជោហ៊ុនសែនព្រឹកថ្ងៃទី១៣ខែកុម្ភៈឆ្នាំ២០២៣សរសេរថា៖ «យើងពិតជាមិនមែនកូនក្មេងបៀមដៃនោះឡើយ។ ហេតុអ្វីមិនសូមទោសពីល្ងាចនិងមកសូមទោសពេលយប់ជ្រៅក្រោយម៉ោង១២យប់ទៅវិញ។តើឈឺណាស់ទៅឬក្រោយត្រូវមួយកំផ្លៀង? មុនត្រូវមួយកំផ្លៀងគិតណាស់រឿងកិត្តិយសសូម្បីពាក្យសូមទោសមួយម៉ាត់មិនហ៊ាននិយាយផងតែក្រោយត្រូវមួយកំផ្លៀងបែរជាភ្លេចអស់កិត្តិយសមកសូមទោសជាងពាក់កណ្តាលអាធ្រាតទៅវិញ។ ខ្ញុំហ៊ុន សែននាយករដ្ឋមន្ត្រីនៃកម្ពុជាមិនផ្លាស់ប្តូរការសម្រេចចិត្តបិទចោលវិទ្យុវីអូឌីនោះឡើយ»។
វីអូឌី(VOD) គឺជាឈ្មោះកម្មវិធីមួយរបស់មជ្ឈមណ្ឌលសិទ្ធិមនុស្សកម្ពុជា(CCHR)របស់លោក កឹម សុខា ដែលបង្កើតនៅខែវិច្ឆិកា២០០២។ VOD មានឈ្មោះពេញ«វិទ្យុសំឡេងប្រជាធិបតេយ្យ Voice of Democracy»។ គឺជាប្រព័ន្ធផ្សព្វផ្សាយក្នុងស្រុកមួយដែលអះអាងពីជំហរឯករាជ្យ និងធ្វើព័ត៌មានប្រកបដោយវិជ្ជាជីវៈ។ កម្មវិធីព័ត៌មានVODនេះពីដំបូងចាប់ដំបូងនៅឆ្នាំ២០០៣ ។