វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 720 នាក់
ម្សិលមិញ 10264 នាក់
សរុប 14139902 នាក់
ភ្នំពេញ៖មន្ត្រីជាន់ខ្ពស់ អតីតគណបក្សសង្គ្រោះជាតិ ចំនួនបីរូបកាលពីថ្ងៃទី២៧ ខែសីហា ឆ្នាំ២០២០ បានដាក់លិខិតទៅ ក្រសួងមហាផ្ទៃ ស្នើសុំលើកបម្រាមសិទ្ធិនយោបាយ ដើម្បីផ្តលើនីតិសម្បទាឡើងវិញ។
អតីតមន្ត្រីនៃអតីតគណបក្សសង្គ្រោះជាតិដែលតុលាការកំពូលហាមឃាត់នោះ រួមមានឈ្មោះ៖១. លោក សុន ឆ័យ អតីតអ្នកតំណាងរាស្ត្រមណ្ឌល ភ្នំពេញ និងជាសមាជិកគណៈកម្មាធិការអចិន្ត្រៃយ៍ អតីតគណបក្សសង្គ្រោះជាតិ២. លោក វ៉ា សាម៉ុន អតីតសមាជិកក្រុមការងារ អតីតគណបក្សសង្គ្រោះជាតិ ខេត្តកំពង់ចាម និងជាសមាជិកគណៈកម្មាធិការនាយក អតីតគណបក្សសង្គ្រោះជាតិ៣. លោក តាវ គឹមឈន អតីតសមាជិកក្រុមការងារ ខេត្តកំពង់ចាម និងជាសមាជិកគណៈកម្មាធិការនាយក អតីតគណបក្សសង្គ្រោះជាតិ។
លិខិតមន្ត្រីទាំងបីរូបបានជម្រាបជូនសម្តេចក្រឡាហោម ស ខេង ថា រូបខ្លួនទាំងបីនាក់ដែលកំពុងស្ថិតនៅក្នុងការហាមឃាត់មិនឲ្យធ្វើសកម្មភាពនយោបាយ សម្រាប់រយៈពេល៥ឆ្នាំ តាមអំណាចសាលដីកាលេខ៣៤០(ឆ) ករណីគណបក្សសង្គ្រោះជាតិ ចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល។ ដោយផ្អែកតាមមាត្រា៤៥ថ្មី(ស្ទួនមួយ) នៃច្បាប់ស្តីពីគណបក្សនយោបាយ ដែលបង្កលក្ខណៈឲ្យអ្នកដែលត្រូវបានឃាមឃាត់មិនឲ្យធ្វើ សកម្មភាពនយោបាយ អាចទទួលបាន នីតិសម្បទា ធ្វើនយោបាយឡើងវិញ។ ដូចនេះ សូមស្នើសុំសម្តេចក្រឡាហោម ឧបនាយករដ្ឋមន្ត្រី មេត្តាពិនិត្យតាមនីតិវិធី ដើម្បីផ្តល់នីតិសម្បទាធ្វើនយោបាយឡើងវិញដល់ពួកខ្លួនដោយក្តីអនុគ្រោះ។
សូមបញ្ជាក់ថា ក្រុមមន្ត្រីជាន់ខ្ពស់នៃអតីតគណបក្សសង្គ្រោះជាតិ ដែលទទួលបានសិទ្ធិធ្វើនយោបាយឡើងវិញនាពេលកន្លងមក មានដូចជា:
១. លោក គង់ គាំ២. លោក គង់ បូរ៉ា៣. លោក រៀល ខេមរិន្ទ្រ៤. លោក ជីវ កត្តា៥. លោក កង គឹមហាក់៦. លោក អ៊ូ ច័ន្ទរ័ត្ន៧. លោក ច័ន្ធ សិលា
៨. លោកស្រី ទេព សិទ្ធី៩. លោក ស៊ិន សុវណ្ណនី។អតីតមន្ត្រីដែលទទួលបានសិទ្ធិធ្វើនយោបាយ គឺមានមួយចំនួនបានបង្កើតគណបក្សដោយខ្លួនឯង។អ្នកដែលស្នើសុំសិទ្ធធ្វើនយោបាយនាពេលកន្លងមកក្រុមលោកសមរង្ស៊ីហៅថាជាក្រុមក្បត់បក្ស!។