អ្នកនាំពាក្យនគរបាលជាតិកម្ពុជា បដិសេធព័ត៌មានរបស់ថៃ ពាក់ព័ន្ធករណីចាប់ខ្លួនជនជាតិចិនមានអាវុធ ប្រើប្រាស់លិខិតឆ្លងដែនខ្មែរ និងពាក់ព័ន្ធទីបញ្ជាការដ្ឋានអង្គរក្ស

ភ្នំពេញ៖ តាមព័ត៌មាននៅក្នុងប្រទេសថៃ បានឲ្យដឹងថា សមត្ថកិច្ចថៃបានធ្វើការចាប់ខ្លួនជនជាតិចិនម្នាក់ នៅទីក្រុងប៉ាតាយ៉ា ប្រទេសថៃ ដោយបានរកឃើញថាមានអាវុធ និងប្រើប្រាស់លិខិតឆ្លងដែនខ្មែរ។ តាមបណ្តាញពត៍មានថៃបានលើកឡើងថា ជនសង្ស័យរូបនេះអាចមានការពាក់ព័ន្ធជាមួយទីបញ្ជាការដ្ឋានអង្គរក្សរបស់សម្តេចនាយករដ្ឋមន្ត្រីកម្ពុជា។ 

លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិកម្ពុជា តាមរយៈបណ្តាញព័ត៌មានផ្លូវការ នៅរសៀលថ្ងៃទី១០ ខែឧសភា ឆ្នាំ២០២៦នេះ បានប្រកាសទាត់ចោលទាំងស្រុងនូវព័ត៌មាននេះ និងបានបញ្ជាក់ថា ជនជាតិចិនដែលត្រូវបានចាប់ខ្លួននោះ មិនមានការពាក់ព័ន្ធជាមួយ ទីបញ្ជាការដ្ឋានអង្គរក្សរបស់នាយករដ្ឋមន្រ្តីឡើយ។

លោកបានសង្កត់ធ្ងន់ថា ព័ត៌មាននេះមិនមែនជាការពិតនោះទេ ហើយការសន្និដ្ឋានទាំងនោះជាការចោទប្រកាន់តាមអារម្មណ៍ដែលពួកគេតែងប្រឌិតទម្លាក់កំហុសមកលេីខ្មែរដោយគ្មានមូលដ្ឋានច្បាស់លាស់ឡើយ ។ នោះគឺជារបៀបនៃការប្រ់ប្រាស់ព័ត៌មានបំភាន់មតិអន្តរជាតិឱ្យយល់ច្រលំមកល់ព្រះរាជាណាចក្រកម្ពុជាថា ជាប្រទេសពោរពេញដោយរឿងរ៉ាវអសន្តិសុខ ដែលគួរឱ្យភ័យខ្លាច។

លោកឧត្តមសេនីយ៍ឯកបានបញ្ជាក់ថា ការបញ្ចេញព័ត៌មានក្លែងក្លាយនេះ ធ្វើឡើងក្នុងចេតនាទុច្ចរិត បំផ្លាញកិត្តិយសកម្ពុជាជារដ្ឋអធិបតេយ្យមួយ ដែលគោរពច្បាប់អន្តរជាតិ ស្រឡាញ់សុខសន្តិភាព ជាពិសេសទង្វើ បែបក្រអឺតក្រទមនេះ មិនត្រឹមតែបានបង្ហាញសារជាតិរើសអើង ពូជសាសន៍មើលងាយ ប្រមាថមកលើប្រទេសកម្ពុជាប៉ុណ្ណោះទេ គឺថែមទាំងមានបំណងបង្កើតលេសពង្រីកទំនាស់ជាមួយកម្ពុជា ប្រើប្រាស់ឧបាយកលខ្មៅកខ្វក់ ពង្រីកទំនាស់ រវាងប្រទេសទាំងពីរបន្ថែមទៀតតាមមហិច្ឆតារបស់ពួកគេ។

សូមបញ្ជាក់ថ្មីៗនេះពត័មានថៃបានផ្សាយពីករណីយ៍ថាបានឃើញទាហ៊ានខែ្មរក្នុងទឹកដីដែលពួកវាកំពុងកាន់កាប់ផងដែរ។ក្រោយមកក៏មានមន្ត្រីថៃចេញមកបដិសេធខ្លួនឯងថាមិនពិតវាជាពលរដ្ឋថៃទៅវិញទេ។សូមបញ្ជាក់ថាបើតាមកាសែតថៃឌឺណេស្សិនបានឲ្យដឹងថាកាលពីថ្ងៃសៅរ៍ទី៩ឧសភានាយរដ្ឋមន្ត្រីថៃអនុទីនឆានវិរៈគុនបានបញ្ជាឲ្យនគរបាលនិងសន្តិសុខជាតិថៃពង្រីកការស្រាវជ្រាវរកអ្នកពាក់ពន្ធ័ករណីចាប់បានជនជាតិចិនអ្ន​កបើកឡានម្នាក់ដែលដែលនគរបាលខេត្តឈុនបុរីចាប់បានហើយរកឃើញមានអាវុធគ្រាប់រំសេវយ៉ាងច្រើន។