វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5803 នាក់
ម្សិលមិញ 5304 នាក់
សរុប 14145329 នាក់
ប្រទេសសឹង្ហបុរី៖មហាសេដ្ឋីចិន ច្រើនឡើងៗ សម្រុកនាំគ្នាភៀសខ្លួន និងប្រមូលទ្រព្យធនចេញ ទៅផ្ញើនៅសិង្ហបុរី។ និន្នាការនេះ បានស្ទុះខ្លាំងនៅប៉ុន្មានឆ្នាំចុងក្រោយ ក៏ព្រោះតែ រដ្ឋអំណាចចិន បានធ្វើទុក្ខបុកម្នេញ តាមរយៈការបង្ខំទារពន្ធ និងបង្ខំលក់ក្រុមហ៊ុនឲ្យ រដ្ឋ ក្នុងតម្លៃថោក ឬក៏ រឹបអូសទ្រព្យសម្បត្តិផង។ ហេតុដូច្នេះហើយ ទើប មហាសេដ្ឋកិច្ច ច្រើនរយនាក់ បានប្រមូលផ្ទេរទ្រព្យសម្បត្តិទៅសិង្ហបុរី ជាទីដែលធ្វើឲ្យពួកគេកក់ក្តៅចិត្ត។
សិង្ហបុរី ជាទីមជ្ឈមណ្ឌលសេដ្ឋកិច្ចមួយដ៏សំខាន់នៅតំបន់អាស៊ី ដែលបានទទួលអ្នកវិនិយោគទុនភៀសខ្លួនច្រើនឡើងៗ។ ក្នុងនោះ មហាសេដ្ឋីចិន គឺមានចំនួនកើនឡើងយ៉ាងកំហុក។ ទីភ្នាក់ងារព័ត៌មានបារាំង អាអេហ្វប៉េបានរាយការណ៍ថា៖បណ្តាមហាសេដ្ឋីចិន ដែលទៅជាន់ដីកោះសិង្ហបុរី គឺបានបង្កើត «ជំនួញគ្រួសារ» និងបើកសាខាក្រុមហ៊ុនចិន នៅ សិង្ហបុរី ដើម្បីអាចផ្ទេរនិងទុកដាក់ទ្រព្យសម្បត្តិមហាសាលរបស់ពួកគេឲ្យមានសុវត្ថិភាព។ ជំនួញបែបនេះ បានកើនឡើង ទ្វេដងនៅឆ្នាំ២០២០-២០២១ គឺកើនដល់ ៧០០។ នេះបើតាមអាជ្ញាធរហិរញ្ញវត្ថុសិង្ហបុរី។ គិតត្រឹមដាច់ឆ្នាំ២០២២ លោក Loh Kia Meng អ្នកជំនាញគ្រប់គ្រងហិរញ្ញវត្ថុរបស់ការិយាល័យមេធាវី Dentons Rodyk វាយតម្លៃថាអាចមានប្រហែល ១ ៥០០ ហើយ នេះមិនជាចម្លែកទេ គឺថា ជាងពាក់កណ្តាល មកពី ចិន។
ការិយាល័យមេធាវីនេះ ឲ្យដឹងដែរថា អតិថិជនខ្លះ ហ៊ានផឹកស្រាវីស្គីកម្រ តម្លៃ ៨០ ម៉ឺនដុល្លារ ក្នុង១ដប និងជិះឡាន Rolls Royce ទៀត។ ចំណែក ក្លិបកីឡាវាយកូនហ្គោល Sentosa នៅសិង្ហបុរី ក៏កត់សម្គាល់ពីសមាជិកបរទេសថ្មីៗ ភាគច្រើនជា ជនជាតិចិន ដែលទៅចុះឈ្មោះប្រចាំឆ្នាំ។ សមាជិកភាពប្រចាំឆ្នាំ នៅក្លិបកីឡាវាយកូនហ្គោលនេះ ក្នុងម្នាក់ តម្លៃ ៦៧ ម៉ឺនដុល្លារ។គេកត់សម្គាល់ថា សេដ្ឋីចិន អ្នកមានគ្រាក់ៗទាំងនោះ ភាគច្រើន គឺ ក្នុងវិស័យប្រព័ន្ធបច្ចេកវិទ្យា តែក៏មានដែរ វិស័យភោជនីយដ្ឋាន និង តារាចម្រៀង។ ក្នុងនោះ មានរូបលោក ចេក ម៉ា ជាមហាសេដ្ឋីខាងជំនួយតាមប្រព័ន្ធអ៊ីនធ័រនែត និងដែលបានខាតបង់ប្រមាណ ២៥ ពាន់លានដុល្លារ នៅឆ្នាំ២០២០ ព្រោះតែ រដ្ឋអំណាចចិន បានលុបចោលគម្រោងចូលទីផ្សារភាគហ៊ុនរបស់ក្រុមហ៊ុនលោក។
អ្នកជំនាញពន្យល់ថា ការដែលសេដ្ឋីចិន រត់ទៅសិង្ហបុរី ព្រោះតែ ដែនដីកោះមួយនេះ មានស្ថិរភាព។ ប្រមាណជា ៦០ ឆ្នាំហើយ ដឹកនាំដោយគណបក្សកាន់អំណាចតែមួយ។នៅសឹង្ហបុរីការធ្វើ បាតុកម្ម និង កូដកម្ម ត្រូវហាមឃាត។ ការបង់ពន្ធវិញ ក៏ថោក ហើយ ប្រជាជនភាគច្រើនផង មានដើមកំណើនចិន។អ្វីដែលប្រជាពលរដ្ឋសឹង្ហបុរីទទួលបាននូវការកៀបសង្កត់សេរីភាពនៃការបញ្ចេញមតិនេះគឺដោយសារគេសង្កេតឃើញថាសឹង្ហបុរីអនុវត្តនីតិរដ្ឋបានល្អនិងសមធម៍។អំពើរពុករលួយមានកំរឹតទាប។