វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1021 នាក់
ម្សិលមិញ 10264 នាក់
សរុប 14140203 នាក់
អូស្ត្រាលី ៖ តារាចម្រៀងតូចច្រឡឹង សុវត្ថិឌី ធារិកា បានហោះទៅសម្តែងច្រៀងរាំនៅដែនកោះអូស្ត្រាលីបានជាងកន្លះខែមកហើយដែលជាដំណើរចេញទៅសម្តែងនៅឯនាយសមុទ្រ ជាលើកដំបូងរបស់តារាស្រីវ័យក្មេងរូបនេះ តាំងពីតស៊ូក្នុងប្រឡូកវិស័យសិល្បៈ។
មិនត្រឹមតែមានឱកាសបានច្រៀង ជួបជុំបងប្អូនខ្មែរនៅទីនោះប៉ុណ្ណោះនោះទេ ស្រីស្អាត ធារិកា ក៏បានចូលរួមសាងស្នាដៃមួយចំនួន ដើម្បីមនុស្សធម៌ជួយដល់កិច្ចការសង្គម ដែលនាងពិតជាមានមោទនភាពបំផុតក្នុងនាមសិល្បករជំនាន់ក្រោយ។
ដំណើរសម្តែងលើទឹកដីអូស្ត្រាលីនេះ បានកសាងការងារល្អៗ ជាពិសេសជួយសង្គមដែល ធារិកា រំពឹងថា វិញ្ញាណក្ខន្ឋអ្នកមានគុណទាំង២ ពិតជាសប្បាយចិត្ត មានអំណរ និងជូនពរកូនៗអោយជួបតែសេចក្តីល្អក្នុងឆាកជីវិតតទៅមុខទៀត។
គួរបញ្ជាក់ថា ក្រោយពីឪពុកម្តាយ ធារិកា ចែកឋាន តារាស្រីរូបនេះ បានតាំងចិត្តប្រមូលស្មារតីឡើងវិញ ចំពោះវិញ្ញាណក្ខន្ឋអ្នកម្តាយឪពុកនាងថា នឹងតស៊ូមើលថែរប្អូនប្រុស និងលោកយាយអោយល្អ។ លើសពីនេះ នាងតាំងចិត្តច្រៀង ខំធ្វើការឡើងវិញ ដើម្បីរកចំណូល បង់ផ្ទះ បង់សាលារៀនអោយប្អូនប្រុស។ ហើយអ្វីដែលរំភើប គឺប្អូនប្រុសនាងបានប្រឡងជាប់បាក់ឌុបកាលពីពេលថ្មីៗនេះ រឹតតែធ្វើអោយនាងស្រឡាញ់ប្អូនប្រុស និងបានកម្លាំងចិត្តតស៊ូរកលុយជួយប្អូន បានរៀនចេះដឹងបន្តទៀត។ឡូវនាងបានវិលមកដល់ស្រុកវិញហើយ៕