វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3802 នាក់
ម្សិលមិញ 5544 នាក់
សរុប 13944899 នាក់
អាមេរិក៖ កញ្ញា រីហាណា (Rihana) តារាចម្រៀងស្រីជនជាតិបាបាដុស កាលពីថ្ងៃពុធ ទី៥មិថុនាឆ្នាំ២០១៩ត្រូវបានទស្សនាវដ្តីហ្វប (Forbes)របស់សហរដ្ឋអាមេរិកចាត់ទុកជាស្ត្រីដែលមានទ្រព្យសម្បត្តិច្រើបំផុតនៅក្នុងវិស័យសិល្បៈតន្ត្រី។
បើទោះបីជាមិនបានចេញអាល់ប៊ុមចម្រៀងថ្មីក្នុងរយៈពេល៣ឆ្នាំមកហើយក៏ដោយតែតារាចម្រៀងស្រីវ័យ៣១ឆ្នាំរូបនេះត្រូវបានគេប៉ាន់ស្មានថាមានទ្រព្យសម្បត្តិសរុបប្រមាណ៦រយលានដុល្លារអាមេរិក ។កញ្ញា រីហាណា បានឈ្នះតារាចម្រៀងប៉ុប ម៉ាដូនណា (Madonna) ដែលធ្លាប់ចាត់ទុកជាស្ត្រីចម្រៀងអ្នកមានបំផុតលំដាប់ទី២ដែលមានទ្រព្យសម្បត្តិ៥៧០លានដុល្លារអាមេរិក និងតារាចម្រៀងស្រីប៊ីយ៉ង់សេ( Beyonce )ដែលត្រូវបានគេប៉ាន់ស្មានថាមានទ្រព្យសម្បត្តិ៤រយលានដុល្លារអាមេរិក។
ក្រៅពីច្រៀងកញ្ញា រីហាណា បានចាប់ផ្តើមបង្កើតម៉ាកសម្លៀកបំពាក់និងគ្រឿងសម្អាងផ្ទាល់ខ្លួនដែលមានឈ្មោះថា ហ្វេនធី ប៊ីយូធី (Fenty Beauty) នៅក្នុងឆ្នាំ២០១៧។ រីហាណាបានទទួលពានរង្វាន់ហ្គ្រេមមី អឹវ៉ដ (Grammy Award) ចំនួន៩លើក និងទទួលបានភាពជោគជ័យយ៉ាងច្រើនក្នុងនាមជាសហគ្រិនម្នាក់។មិនតែប៉ុណ្ណោះ កញ្ញា រីហាណា ក៏ត្រូវបានទស្សនាវដ្តី Time ចាត់ទុកជាមនុស្សម្នាក់ក្នុងចំណោមមនុស្ស១រយនាក់ដែលមានឥទ្ធិពលបំផុតនៅក្នុងឆ្នាំ២០១៨ផងដែរ៕