វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2284 នាក់
ម្សិលមិញ 3250 នាក់
សរុប 16500708 នាក់
ភ្នំពេញ៖យោងតាម ទំព័រហ្វេសប៊ុកផ្លូវការ Miss Grand Phnom Penh បានឲ្យដឹងថាអ្នកជំនួសតំណែង កញ្ញា ព្រះកាយច័ន្ទ គឺជាបវរកញ្ញារូបស្រស់ លឹម ចាន់សេរីរ័ត្ន ដែលជាម្ចាស់ជយលាភីលំដាប់រងទី១ នៃកម្មវិធី Miss Grand Phnom Penh ដើម្បីចូលរួមប្រកួត Miss Grand Cambodia 2024 នៅអំឡុងខែមិថុនា ឆ្នាំ២០២៤ ខាងមុខ។
មហាជនអ្នកប្រើប្រាស់បណ្តាញសង្គមនិងស្រីស្អាត់នានាបានសម្តែងការត្រេកអរស្វាគមន៍ចំពោះបវរកញ្ញាជើងខ្លាំងមកពីខណ្ឌពោធសែនជ័យរូបនេះ ។ កញ្ញាលឹមសេរីរ័ត្ន ក៏បានចែករំលែកដោយភ្ជាប់ជាមួយពាក្យពេចន៍ថា «អគុណបណ្តាអ្នកគាំទ្ររនាងខ្ញុំទាំងអស់គ្នា នាងខ្ញុំនឹងប្រឹងប្រែងដុះខាត់សមត្ថភាពរបស់នាងខ្ញុំបន្ថែមដេីម្បីទៅកាន់េវទិការធំរបស់ Miss Grand Cambodia»។កញ្ញា លឹម ចាន់សេរីរ័ត្ន ជាបេក្ខភាពស្រស់់ស្អាតម្នាក់ក្នុងចំណោមបេក្ខភាពផ្លូវការ នៃការប្រកួតថ្នាក់ខេត្ត Miss Grand Phnom Penh តំណាងខណ្ឌពោធសែនជ័យ។ សមត្ថភាព ភាពក្លាហានអង់អាច និងការក្លាហានក្នុងការបញ្ចេញមតិជាសាធារណៈរបស់នាងខ្លាំងមិនចាញ់ ព្រះកាយច័ន្ទ ប៉ុន្មានឡើយ។
សូមបញ្ជាក់ថាស្រីស្អាតលេចធ្លោនាង ព្រះកាយច័ន្ទបានបង្កឲ្យមានការចាប់អាថរម្មណ៍បន្ទាប់ពីនាង សម្រេចចិត្តលាលែងតំណែង Miss Grand Phnom Penh 2024 (MGPP 2024) និងការឈរឈ្មោះជាបេក្ខភាពផ្លូវការចូលរួមការប្រកួតថ្នាក់ជាតិ MGC 2024 នៅអំឡុងខែមិថុនា ឆ្នាំ២០២៤ ខាងមុខនេះ។ព្រះកាយច័ន្ទបានប្របា់ថានាងមិនមានពេឡគ្រប់គ្រាន់និងប្រកាសឱ្យដឹងថា នាងនឹងធ្វើការវះកាត់កែខ្ទង់ច្រមុះម្តងទៀត ដែលនេះជាលើកទី ៥ ហើយដែលនាងធ្វើការវះកាត់កែខ្ទង់ច្រមុះ ដើម្បីបង្កើនសម្រស់ និងភាពជឿជាក់សម្រាប់ខ្លួនឯង។ កាលពីយប់ថ្ងៃទី ២៦ ខែកុម្ភៈ ព្រះកាយច័ន្ទ បានប្រាប់ឱ្យដឹងថា នាងនឹងធ្វើការវះកាត់កែខ្ទង់ច្រមុះលើកទី៥ នៅថ្ងៃទី៣ ខែមីនា ឆ្នាំ២០២៤ ត្រូវនឹងថ្ងៃ ទិវាវប្បធម៌ជាតិ លើកទី២៦ តែម្តង។
ទោះបីជាពេលនេះ ព្រះកាយច័ន្ទ គ្មានតំណែង តួនាទី ជាបវរកញ្ញា តែនាងនៅតែមានការងារផ្សេងៗជាមួយ PD Phnom Penh តាមកុងត្រាដែលបានចងទុកជាមួយគ្នា។ ដូច្នេះ នៅថ្ងៃទី ៩ ខែមីនា នាងនឹងមានកម្មវិធីធំមួយជាមួយ PD Phnom Penh ដោយនាងដើរតួជាពិធីការនី និងជាតារាចម្រៀងក្នុងកម្មវិធីដ៏ធំនោះ។អ្វីដែលអតីតបវរកញ្ញារូបនេះ ផ្តល់សំខាន់ពេលនេះ គឺការងារសិល្បៈរបស់នាង ទាំងការចេញតាមកម្មវិធី ការថតភាពយន្ត និងការបង្ហាត់បង្រៀនសិស្សនៅ ព្រះកាយច័ន្ទក្លឹប។ ដោយឡែក គម្រោងវិលមកប្រកួតបវរកញ្ញាវិញម្តងទៀតឬយ៉ាងណា គឺអាស្រ័យលើស្ថានភាពផ្លូវចិត្តរបស់នាង ប្រសិនបើផ្លូវចិត្តនាងបានធូរស្បើយនាងអាចនឹងត្រឡប់មកប្រកួតវិញ ប៉ុន្តែពេលនេះនាងមិនមែនជាបវរកញ្ញាទៀតទេ ចាប់តាំងពីនាងប្រកាសសូមលាលែងតំណែងមកម្ល៉េះ។