វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1599 នាក់
ម្សិលមិញ 6359 នាក់
សរុប 14088232 នាក់
ភ្នំពេញ៖តារាចម្រៀងស្ត្រីជើងចាស់ម្នាក់ មានសមត្ថភាពអាចច្រៀងបានច្រើនភាសា មានជំងឺមហារីកខួរក្បាលធ្ងន់ធ្ងរកំពុងទទួលការព្យាបាល ដោយការបាញ់កាំរស្មីជាង៣០ដងទៅហើយ ។នេះបើតាមការបង្ហើបប្រាប់ដោយសាមីខ្លួនអ្នកនាងស៊ិនឧត្តមផល្លារ។
នាងបានរស់នៅជាមួយជំងឺមហារីកនេះរយៈពេល១ឆ្នាំមកហើយ ខណៈដំបូងឡើយ គឺមានជំងឺដុំសាច់កូនកណ្តុរនៅក (ក្រោមស្លឹកត្រចៀក)ប៉ុណ្ណោះ ពេលដែលទៅមន្ទីរពេទ្យពិនិត្យ គឺបង្ហាញថាដុំកូនកណ្តុរនោះជាដុំសាច់មហារីក ហើយក៏ព្យាបាលវះកាត់ចេញ និងមានអាការៈហាក់ប្រៀបបាននឹងជាសះស្បើយទៅហើយ។ តែយ៉ាងណា បន្ទាប់ពីជានៅកន្លែងចាស់ វាក៏បានវិវត្តន៍ទៅស៊ីដល់ខួរក្បាល និងបានបង្កើតជាដុំសាច់មហារីកក្នុងខួរក្បាលតែម្តង ដែលរហូតមកទល់នឹងពេលនេះ គឺជាដំណាក់ធ្ងន់ធ្ងរ។អ្នកនាង ស៉ិន ឧត្តមផល្លា ធ្លាប់បាននិយាយថា ស្ថិតក្នុងដំណាក់កាលពេលនេះ អ្វីដែលអ្នកនាង ចង់បានគឺគ្រាន់តែឃើញកូនៗរបស់នាង មានប្តីប្រពន្ធរួច ប៉ុណ្ណោះ។
យ៉ាងណាមិញ តាមរយៈការអំពាវគេសង្កេតឃើញថា មានអ្នកសិល្បៈរួមអាជីពជាបន្តបន្ទាប់ បានចូលរួមបរិច្ចាគជាទឹកប្រាក់ ដើម្បីលើកទឹកចិត្ត ក៏ដូចជាជួយចេញថ្លៃព្យាបាលដល់ តារាចម្រៀង ស៉ិន ឧត្តមផល្លា ទៅតាមលទ្ធភាពដែលអាចធ្វើទៅបាន។អ្នកនាង ស៉ិន ឧត្តមផល្លា បានប្រឡូកក្នុងវិស័យសិល្បៈជាង២០ឆ្នាំមកហើយ បច្ចុប្បន្នកេរ្តិ៍ឈ្មោះតារារូបនេះ ហាក់មានទស្សនិកជនស្គាល់ច្រើន និងមានប្រជាប្រិយភាពខ្លាំងឡើង ទោះបីជាវ័យកាន់តែជ្រេក្តី។ក្រៅពីច្រៀងបានទាំងភាសាអង់គ្លេស, ចិន និងខ្មែរផងនោះ អ្នកនាងមានសមត្ថភាពអាចសម្តែងរឿងផងដែរ។ ភាពយន្តដែលអ្នកនាងបានសម្តែងកន្លងទៅ គឺ «រាជនីភូមិគ្រិះ» របស់ទូរទស្សន៍ហង្សមាស ដែលដើរតួជាម្តាយរបស់លោក ណុប បាយ៉ារិទ្ធ។ អ្នកនាង បានបាត់មុខពីវិស័យចម្រៀង ១ឆ្នាំចុងក្រោយនេះ ដោយសារសម្រាកព្យាបាលជំងឺមហារីក តាំងពីខែមេសា ឆ្នាំ២០២០ មកម្ល៉េះ៕