វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1910 នាក់
ម្សិលមិញ 8227 នាក់
សរុប 14128791 នាក់
បារាំង៖ រដ្ឋាភិបាលទីក្រុងប៉ារីស ត្រៀមរួច ជាស្រេចដើម្បីទម្លាក់គ្រាប់បែក ទៅលើប្រទេសស៊ីរី ប្រសិនណា បើរដ្ឋាភិបាល មួយនេះ ហ៊ានប្រើអាវុធគីមីក្នុងអំឡុងពេល ដែលព្យាយាមចូលកាន់កាប់ខេត្ត អ៊ីដលីប ជាថ្មី ។
សារព័ត៌មាន RT ចេញផ្សាយកាលពីថ្ងៃទី០៦ ខែកញ្ញា ឆ្នាំ២០១៨បានដកស្រង់សម្តី មេបញ្ជាការកងទ័ពគោកបារាំង លោក Francois Lecointre មកផ្សាយថា «យើងត្រៀមខ្លួន ធ្វើការវាយប្រហារជានិច្ច ប្រសិនបើអាវុធគីមីត្រូវ បានប្រើម្តងទៀត»។ លោកបានបន្ថែមថា «ពួកគេអាចត្រូវបានអនុវត្តនៅកម្រិតថ្នាក់ជាតិ ប៉ុន្តែវាជាចំណាប់អារម្មណ៍របស់យើងក្នុងការធ្វើវាជាមួយដៃគូជាច្រើនតាមដែលអាចធ្វើបាន»។
សូមបញ្ជាក់ថា ការព្រមានបែបនេះបានកើតឡើង មួយសប្តាហ៍បន្ទាប់ពីឯកអគ្គ រដ្ឋទូត រុស្ស៊ីប្រចាំសហរដ្ឋអាមេរិកលោក Anatoly Antonov បានដាស់តឿនប្រាប់ទៅអ្នកការទូត កំពូលៗនៅក្នុងទីក្រុងវ៉ាស៊ីនតោនថា ក្រុមសកម្មប្រយុទ្ធនៅខេត្ត អ៊ីដលីប កំពុងរៀបចំផែន ការការវាយប្រហារគីមីក្លែងក្លាយ ដើម្បីទម្លាក់កំហុសទៅលើរដ្ឋាភិបាល របស់លោក ប្រធានាធិបតី បាសា អាល់ អាហ្សាដ ខណៈដែលកងកម្លាំងរបស់លោកត្រៀម រៀបចំការ វាយលុកដណ្តើមយកខេត្ត អ៊ីដលីប មកវិញ។រដ្ឋាភិបាលទីក្រុងមូស្ជូ បានផ្ញើលិខិត ព្រមានពីរច្បាប់ប្រាប់ទៅកាន់ទីក្រុងវ៉ាស៊ីនតោន ថាកម្លាំងទាហានរុស្ស៊ីនិងទាហានស៊ីរីត្រៀមវាយប្រហារទៅលើទីតាំងដែលមានទាហានអាមេរិកឈរជើង។
ការប្រកាសរបស់ រុស្សីបានបង្ក ក្តីបារម្ភ ដល់ទីបញ្ជាការអាមេរិក នៅក្នុង ប្រទេសស៊ីរី ។ សារព័ត៌មាន CNN បានផ្សាយថា ទីតាំងយោធាសម្ពន្ធមិត្ត ដឹកនាំដោយ អាមេរិក ប្រឆាំងនឹងក្រុមភេរវកម្ម IS នៅ ក្នុងតំបន់ At Tanfប្រឈមនឹងគ្រោះថ្នាក់ ។ ទាហានអាមេរិក បានគ្រប់គ្រងតំបន់៥៥ គីឡូម៉ែត្រ ជុំវិញតំបន់ At Tanf។ ដោយសារតែតំបន់នោះនៅជិតព្រំដែនស៊ីរី ហ្ស៊ក ដង និងអ៊ីរ៉ាក់ បានក្លាយជាតំបន់យុទ្ធ សាស្ត្រ ដ៏សំខាន់របស់អាមេរិក ហើយរុស្ស៊ីនិងអ៊ីរ៉ង់ក៏បានប្រជែងគ្រប់គ្រងតំបន់នោះដែរ។
មន្ត្រីជាន់ខ្ពស់អាមេរិក បាននិយាយទៅ កាន់សារព័ត៌មានCNN ថា « យើងបានស្នើ ដល់ពួកគេ បញ្ចៀសតំបន់ At Tanf ហើយ យើងនឹងបើកការវាយបក ប្រសិនបើក្រុម ណាមួយវាយប្រហារ ទីនោះ។អាមេរិកចាំបាច់ត្រូវតែការពារខ្លួន និងសម្ពន្ធមិត្តក្នុង តំបន់នេះ។លោក ដូណាល់ ត្រាំ ប្រធានាធិបតីអាមេរិក ក៏បានព្រមានទៅលោក អាហ្សាដ ផងដែរ អំពីការវាយប្រហារទៅលើខេត្ត អ៊ីដលីប ដោយលោកបាននិយាយ កាលពីថ្ងៃចន្ទថា នឹង “សងសឹក” ប្រឆាំងនឹងការវាយប្រហារគីមីណាមួយ ដោយរដ្ឋាភិបាលស៊ីរី ដោយប្រើកម្លាំងវាយប្រហារ ខ្លាំងជាងការប្រហារតាមដែនអាកាស ដោយមីស៊ីលកាលពី ខែមេសា ឆ្នាំ២០១៧ទៅទៀត.
កន្លងមក ភាគីស៊ីរី ក៏បានចោទប្រកាន់ អាមេរិកនិងសម្ពន្ធមិត្ត បានព្យាយាម ការពារក្រុមភេរវកម្ម ដោយផ្តល់កន្លែង លាក់ខ្លួនដល់ក្រុម IS ។ មិនតែប៉ុណ្ណោះ អាមេរិក និងសម្ពន្ធមិត្តបានផ្តល់អាវុធទៅ ឲ្យក្រុមភេរវកម្ម សម្រាប់ទប់ទល់ជាមួយ កម្លាំងទាហានរដ្ឋាភិបាល ។
ក្រៅពីការត្រៀមកម្លាំងរបស់រដ្ឋាភិបាលស៊ីរី រុស្ស៊ី និងអ៊ីរ៉ង់ដែលជាសម្ពន្ធមិត្តរបស់ស៊ីរីក៏បានប្រកាសពីការត្រៀមខ្លួនចូលរួម រំដោះទីក្រុងអ៊ីដឡិបដែលជាទីតាំងចុងក្រោយរបស់ពួកឧទ្ទាមដែរ។ ផ្ទាំងស៊ីប ជាអាទិភាពរបស់ស៊ីរី និងសម្ពន្ធមិត្ត គឺបោស សម្អាតពួកជីហាតនៃចលនា Hayat Tahrir al-Cham ដែលដឹកនាំដោយយុទ្ធជននៃអតីតសាខាអាល់កៃដាក្នុងទឹកដីស៊ីរី។ ចំណែកទួរគីក៏បានត្រៀមកម្លាំងទ័ពនៅតាមព្រំដែនខ្លួនដែរ ដើម្បីប្រឈមទប់នឹងការរត់ភៀសខ្លួនរបស់ពលរដ្ឋចេញពីទីក្រុងអ៊ីដឡិប ចូលទួរគីក្នុងករណីណាដែលមានការវាយប្រហារ។
អង្គការសហប្រជាជាតិ និងអង្គការ ក្រៅរដ្ឋាភិបាលបានព្រមានថា ការវាយ ប្រហារទ្រង់ទ្រាយធំជាយថាហេតុលើទីក្រុងអ៊ិដឡិបអាចនឹងបង្កនូវគ្រោះមហន្តរាយ មនុស្សជាតិដ៏ធ្ងន់ធ្ងរដែលស៊ីរីមិនធា្លប់ ប្រទះគិតតាំងពីវិបត្តិបានផ្ទុះដំបូងក្នុងឆ្នាំ ២០១១។ គេនៅមិនទាន់ដឹងថា តើប្រតិ បត្តិការសឹកលើទីក្រុងអុដឡិបនឹងចាប់ផ្តើមនៅពេលណាទេ។
គួររម្លឹកជូនថា តាំងពីស៊ីរីបានធ្លាក់ក្នុង វិបត្តិហែកហួរផ្ទៃក្នុងមក រុស្ស៊ី និងអុីរ៉ង់បានចេញមុខគាំទ្ររដ្ឋាភិបាលស៊ីរីរបស់លោកប្រធានាធិបតីអាសាដក្នុងផ្លូវនយោបាយ យោធា និងហិរញ្ញវត្ថុ។ នៅថ្ងៃសុក្រ ទី៧ ខែកញ្ញា ជំនួបកំពូលត្រីភាគីអុីរ៉ង់ រុស្ស៊ី និងទួរគីស្តីពីស្ថានការណ៍នៅស៊ីរីបានរៀបចំនៅក្នុងប្រទេសអុីរ៉ង់៕