វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7212 នាក់
ម្សិលមិញ 8227 នាក់
សរុប 14134093 នាក់
ភ្នំពេញ៖ ការតស៊ូទៅប្រលងយកសញ្ញាបត្រមធ្យមសិក្សាទុតិយភូមិ(បាក់ឌុប) ដើម្បីសម្រេចបំណងប្រាថ្នាធ្វើជាគ្រូបង្រៀន ដើម្បីបានប្រាក់ចិញ្ចឹមកូនប្រុសស្រី ៤នាក់របស់អតីតបេក្ខជនវ័យចំណាស់ជាងគេអាយុ ៥៦ឆ្នាំអ្នកស្រី ហែម ស៊ីណាត ត្រូវបានបរាជ័យ។ ទោះជាយ៉ាងណា ក្រោយពីបានដឹងលទ្ធផលមិនសមតាមបំណងហើយ អ្នកស្រីបានឱ្យដឹងថា គាត់នឹងព្យាយាមម្តងទៀតនៅឆ្នាំក្រោយ។
បន្ទាប់ពីបានមើលឃើញពីភាពតស៊ូរបស់បេក្ខជនវ័យចំណាស់រូបនេះភ្លាម សម្តេចអគ្គមហាសេនាបតីតេជោ ហ៊ុន សែន បានប្រកាសឧបត្ថម្ភប្រាក់ ១០លានរៀល និងបានជូនពរលោកស្រី ឱ្យប្រឡងជាប់នាឆ្នាំក្រោយផងដែរ។ទោះប្រឡងបាក់ឌុបធ្លាក់តែ អ្នកស្រី ហែម ស៊ីណាត ប្រាប់ថា មិនបោះចោលក្ដីស្រមៃត្រឹមនេះឡើយ ពោលគឺបន្តប្រឡងទៀតនៅឆ្នាំ២០២៣ ដើម្បីបំពេញក្ដីស្រមៃក្លាយជាគ្រូបង្រៀនក្នុងក្របខណ្ឌ ខណៈបច្ចុប្បន្នជាគ្រូបង្រៀនផ្នែកអក្ខរកម្មនៅឆ្នាំ២០១០។ អ្នកស្រីហែមស៊ីណាតបានបង្ហាញអារម្មណ៍មួយថា ប្រសិនបើអ្នកស្រីទទួលការអនុគ្រោះពីក្រសួងអប់រំបញ្ចូលឈ្មោះទៅក្នុងក្របខណ្ឌគ្រូបង្រៀនតែម្ដងក៏ល្អ ព្រោះកន្លងមកអ្នកស្រីបានលះបង់ពេលវេលាដើម្បីវិស័យអប់រំដោយស្ងាត់ស្ងៀម តាមរយៈការប្រមូលកម្លាំងក្នុងភូមិកសាងសាលាសហគមន៍។
សូមបញ្ជាក់ថាការប្រឡងបាក់ឌុបឆ្នាំនេះបេក្ខជនមានអាយុក្មេងជាងគេឈ្មោះ គីម ហុង អាយុ១៣ឆ្នាំ ប្រឡងជាប់និទ្ទេស C ដែលជាសិស្សដែលទទួលបានការឃ្លាំមើលពីសម្តេចហ៊ុនសែនយូមកហើយ។ឯបេក្ខជនចាស់ជាងគេគឺលោកស្រី ហែម ស៊ីណាត អាយុ៥៦ឆ្នាំ មកពីភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។សម្រាប់កុមារ គីម ហុង សម្តេចតេជោបានឲ្យដឹងថា នឹងចុងផ្តើមអោយរៀនយកសញ្ញាបត្រ័បរិញ្ញាបត្រ័បាន ២មហាវិទ្យាល័យ១ នៅមហាវិទ្យាល័យឌីជីថល របស់ក្រសួងប្រៃសណីយ៍និងទូរគមនាគមន៍ និង១ទៀត សកលវិទ្យាល័យប៊ែលធី៕