វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3898 នាក់
ម្សិលមិញ 10264 នាក់
សរុប 14143080 នាក់
ភ្នំពេញ៖ រកឃើញអ្នកវិជ្ជមានកូវីដ-១៩ជាច្រើននាក់ ភាគច្រើនជាព្រះសង្ឃ នៅក្នុងវត្តចំពុះក្អែករបស់សម្តេចសង្ឃ ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ នៅព្រឹកថ្ងៃទី២៣ ខែកញ្ញា ឆ្នាំ២០២១ នេះ។
អាជ្ញាធរសង្កាត់ព្រែកថ្មីបានអំពាវនាវដល់ប្រជាពលរដ្ឋដែលបានទៅកាន់បិណ្ឌ នៅវត្តមុនីសុវណ្ណ ហៅវត្តចំពុះក្អែក ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កាលពីថ្ងៃទី២២ ខែកញ្ញា ឆ្នាំ២០២១ ប្រញាប់ទៅធ្វើតេស្តយកសំណាករកកូវីដ-១៩ នៅទីតាំងមជ្ឈមណ្ឌលកោះពេជ្រ(ក្រោយអគារស៊ីធីហល City hall) ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ចាប់ពីវេលាម៉ោង ៨:០០ព្រឹក រហូតដល់ម៉ោង ១៧:០០រសៀលនៅចំនួន ៦ទីតាំង រួមមាននៅក្រោយ City Hall, Modern 5, វិហ៊ារយ៉េស៊ូ ច្រមុះជ្រូកស្ទឹងមានជ័យ, វិហ៊ាយ៉េស៊ូ ទល់មុខបណ្ណាល័យ ហ៊ុន សែន(RUPP), សាលាបឋមសិក្សាកន្ទោក ខណ្ឌកំបូល, ទីលានកាប់គោ ព្រៃទា។
ក្រៅពីវត្តជំពុះក្អែកកាលពីបិណ្ឌទី១កុដិចំនួន៣ ក្នុងបរិវេណវត្តនាគវ័ន ត្រូវបានគណៈកម្មាធិការវត្ត សម្រេច ធ្វើការ បិទ ខ្ទប់ ជាបណ្តោះអាសន្នដែរដោយសារកូវីត។ ក្រោយធ្វើតេស្តសំណាក លើមនុស្សចំនួន ២១៤នាក់ (ស្រី៧នាក់) វិជ្ជមានកូវីដ-១៩ចំនួន ៣នាក់ ដែលជានិស្សិត ២នាក់ ស្នាក់នៅក្នុងវត្ត និងតាអាចារ្យម្នាក់ ដែលមកពីខាងក្រៅវត្ត។
មូលហេតុបណ្តាលឱ្យមានការឆ្លងកូវីដ-១៩ក្នុងវត្តនាគវ័ន ដោយសារឆ្លងពី តាអាចារ្យ ដែលមកពីខាងក្រៅ ទៅរៀបចំពិធីសូត្រមន្ត បិណ្ឌ១ ដោយអាចារ្យខាងលើ មិនមែន ជាអ្នក នៅក្នុងវត្តទើបគណៈកម្មាធិការសម្រេចធ្វើតេស្ត ឃើញមានតែនិស្សិតឆ្លងតែ ២នាក់ ប៉ុណ្ណោះ និងត្រូវបានបញ្ជូនទៅព្យាបាលភ្លាមៗ។
បច្ចុប្បន្ន គណៈកម្មាធិការវត្ត បានបាញ់ថ្នាំសម្អាតនៅជុំវិញបរិវេណវត្ត ដោយស្របទៅតាមវិធានរបស់ក្រសួងសុខាភិបាល និងសម្រេចបិទត្រឹមតែកុដិចំនួន៣ ដែលជាប់ពាក់ព័ន្ធតែប៉ុណ្ណោះ។ ក្នុងនោះគណៈកម្មាធិការវត្ត បានអំពាវនាវឱ្យប្រជាពលរដ្ឋចូលទៅធ្វើបុណ្យជាធម្មតា មិនមានការបិទវត្តនោះទេ។
នៅក្នុងសេចក្ដីជូនដំណឹងរបស់ក្រសួងសុខាភិបាល នៅថ្ងៃទី២២ ខែកញ្ញា ឆ្នាំ២០២១ រកឃើញអ្នកឆ្លងថ្មី ៦៣៨នាក់ទៀត ជាសះស្បើយ ៤៧៩នាក់ និងស្លាប់ ២២នាក់៖– ករណីឆ្លងសហគមន៍ ៥២៥នាក់។– អ្នកដំណើរពីបរទេស ១១៣នាក់
គិតត្រឹមព្រឹក ថ្ងៃទី២៣ ខែកញ្ញា ឆ្នាំ២០២១។– អ្នកឆ្លងសរុប=106,619 នាក់។– អ្នកជាសះស្បើយ=99,134 នាក់។– អ្នកស្លាប់=2,176 នាក់។