ប្រឡង​បាក់​ឌុប​ឆ្នាំ​អ្នក​ប្រឡង​ជាប់​ច្រើនជាង​ឆ្នាំមុន​តែ​អ្នក​ជាប់​និទ្ទេស​អេ​តិចជាង​

ភ្នំពេញ​៖​ក្រសួង​អប់រំ យុវជន និង​កីឡា មុននេះ​បានឱ្យដឹងថា ការប្រកាស​លទ្ធផល ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង​៖ ៥ ធ្នូ ២០២២ នឹង​ប្រព្រឹត្តទៅ​នៅ​ថ្ងៃទី​២២ ខែធ្នូ ឆ្នាំ​២០២២ សម្រាប់​រាជធានី​ភ្នំពេញ និង​ខេត្តកណ្តាល និង​ថ្ងៃទី​២៣ ខែធ្នូ ឆ្នាំ​២០២២ សម្រាប់​ខេត្ត​ដទៃទៀត​។ ជា​លទ្ធផល បេក្ខជន​ប្រឡង​ជាប់​សរុប ៩០ ៩៥០ នាក់ ត្រូវជា ៧២.៣៣ ភាគរយ​នៃ​ចំនួន​បេក្ខជន​មក​ប្រឡង​។ បេក្ខជន​ជាប់ ច្រើនជាង​ឆ្នាំមុន ១៨ ៩៣៤ នាក់ ខណៈ​ឆ្នាំ​២០២១ បេក្ខជន​ប្រឡង​ជាប់​មាន​ចំនួន ៧២ ០១៦ នាក់ ត្រូវជា ៦៥.៦៥%​។​ 

​បេក្ខជន​ជាប់​និទ្ទេស A ចំនួន ១ ០៤៩ នាក់ ខណៈ​ឆ្នាំ​២០២១ មាន​សិស្ស​ប្រឡង​ជាប់​និទ្ទេស​A ចំនួន ១ ៧៥៣​នាក់ និង​ជា​ចំនួន​ច្រើន​បំផុត បើ​គិត​ចាប់តាំងពី​ក្រោយ​ក្រសួង​អប់រំ យុវជន និង​កីឡា បានធ្វើ​កំណែទម្រង់​ប្រព័ន្ធ​អប់រំ ដោយ​រឹតបន្តឹង​ការប្រឡង​បាក់​ឌុប​ចាប់តាំងពី​ឆ្នាំ​២០១៤​មក​។ការធ្លាក់ចុះអ្នកជាប់និទ្ទេសអេនេះដែរក៏ធ្វើឲ្យការចំណាយលើកអំនោយម៉ូតូកំព្យូទរ័ក៏ថយផងដែរ។

ឆ្នាំ​២០២២​នេះ បេក្ខជន និទ្ទេស B ចំនួន ៧ ២៣២ នាក់​, និទ្ទេស C ចំនួន ១៩ ០៥៣ នាក់​, និទ្ទេស D ចំនួន ៣១ ១៦៦ នាក់​, និង​និទ្ទេស E ចំនួន ៣ ២៤៥០ នាក់​។​​គួរ​បញ្ជាក់ថា ការប្រឡង​មធ្យមសិក្សា​ទុតិយភូមិ​សម័យ​ប្រឡង​ថ្ងៃទី ៥ ធ្នូ ២០២២ មាន​បេក្ខជន​ចុះឈ្មោះ​ប្រឡង​ទូទាំងប្រទេស​សរុប ១២៨ ១៣៤ នាក់ ស្រី ៦៩ ៧៧១ នាក់ មាន​មណ្ឌល​សំណេរ សរុប ២២១ បន្ទប់​ប្រឡង​សរុប ៥ ១៧៤ ក្នុងនោះ​មាន​ថ្នាក់​វិទ្យាសាស្ត្រ ៧៦ មណ្ឌល ត្រូវជា ១៧៤៣ បន្ទប់ ថ្នាក់​វិទ្យាសាស្ត្រ​សង្គម ១៥៤ មណ្ឌល ត្រូវជា ៣៤៣១ បន្ទប់​។
​ក្រសួង​អប់រំ យុវជន និង​កីឡា មុននេះ​បានឱ្យដឹងថា ការប្រកាស​លទ្ធផល ប្រឡង​សញ្ញាបត្រ​មធ្យមសិក្សា​ទុតិយភូមិ សម័យ​ប្រឡង​៖ ៥ ធ្នូ ២០២២ ដោយ​បង្ហាញ​លទ្ធផល បេក្ខជន​ប្រឡង​ជាប់​សរុប ៩០ ៩៥០ នាក់ ត្រូវជា ៧២.៣៣ ភាគរយ នៃ​ចំនួន​បេក្ខជន​មក​ប្រឡង​។

​ឆ្នាំ​២០២២ បេក្ខជន​ជាប់​និទ្ទេស A ចំនួន ១ ០៤៩ នាក់ (​ឆ្នាំ​២០២១ ចំនួន ១៧៥៣ នាក់​), បេក្ខជន និទ្ទេស B ចំនួន ៧ ២៣២ នាក់ (​ឆ្នាំ​២០២១ ចំនួន ៥ ២១៥ នាក់​), និទ្ទេស C ចំនួន ១៩ ០៥៣ នាក់ (​ឆ្នាំ​២០២១ ចំនួន ១១ ៦៣៤ នាក់​), និទ្ទេស D ចំនួន ៣១ ១៦៦ នាក់ (​ឆ្នាំ​២០២១ ចំនួន ២៣ ៤៩៩ នាក់​), និង​និទ្ទេស E ចំនួន ៣ ២៤៥០ នាក់ (​ឆ្នាំ​២០២១ ចំនួន ២៩ ៩១៥ នាក់​)​។​​គួរ​បញ្ជាក់ថា ដំណើរការ​សំណេរ​នៃ​ការប្រឡង​សញ្ញាបត្រ​មធ្យម សិក្សា​ទុតិយភូមិ មាន​បេក្ខជន​ចុះឈ្មោះ​ប្រឡង​សរុប​ចំនួន ១២៨ ១៣៥​នាក់ ស្រី​៦៨ ៧៧១​នាក់​, មណ្ឌល​ប្រឡង ២២១, និង​ត្រូវជា ៥ ១៧៤ បន្ទប់​។​ 

​