ភាពក្រីក្រ១ថ្ងៃកម្មករជីករ៉ែមាស៣នាក់បានស្លាប់
15-March-2026 / សន្តិសុខសង្គម
ព្រះវិហារ៖ កម្មករជីករុករករ៉ែខុសច្បាប់ចំនួន០៣នាក់បានស្លាប់ក្នុងថ្ងៃតែ០១ ដោយសាខ្យល់គរ នៅចំនុចតំបន់ភ្នំអន្លុង ភូមិរំដេងឃុំរមទម ស្រុករវៀង ខេត្តព្រះវិហារ កាលពីរសៀលថ្ងៃទី២០ ខែធ្នូ ឆ្នាំ២០២២ ។
ជនរងគ្រោះទី០១ មានឈ្មោះ ទាវ បុរី ភេទប្រុស អាយុ៣៧ ឆ្នាំ មុខរបរកម្មកររ៉ែមាស ជនរងគ្រោះទី០២មានឈ្មោះ យ៉ន យឿន ភេទប្រុស អាយុ35 ឆ្នាំជនរងគ្រោះទាំង០២ មានទីលំនៅភូមិត្រពាំងទឹម ឃុំ
រមទម ស្រុករវៀង ខេត្តព្រះវិហារ ស្លាប់ដោយសាខ្សែភ្លើងឆក់ សុីឈ្នួលជីករ៉ែមាសអោយថៅកែ ឈ្មោះ ធី គន្ឋា ។
ជនរងគ្រោះទី០៣ មានឈ្មោះ ប៉ែន ស្រេង អាយុ៥៣ ឆ្នាំ ភេទប្រុស មានទីលំនៅ ភូមិខ្សាច់ទុក ឃុំជ្រោយបន្ទាយ ស្រុកព្រែប្រសព ខេត្តក្រចេះបានស្លាប់ដោយសាខ្យល់គរ តែប្រជាជនប្រាប់ថាស្លាប់ដោយសាខ្សែភ្លើងឆក់ ជាកម្មកររ៉ែថៅកែឈ្មោះឆយ ។លោក ជឹម សុផល ជាសមាជឹកក្រុមព្រឹក្សា ឃុំរមទម នឹងត្រូវជាបងថ្លៃសពឈ្មោះទាវ បុរី បានអោយដឹងថា ប្អូនថ្លៃរបស់ខ្លួន បានទៅស៊ីឈ្នួលជីករ៉ែមាស អោយថៅកែ
ឈ្មោះ ធី គន្ឋា បានស្លាប់ភ្លាមៗក្នុងរណ្តៅជីកមាស បន្ទាប់ពីត្រូវខ្សែភ្លើងឆក់ លោក ជឹម សុផលបានសំណូមពរ ទៅអាជ្ញាធរថ្នាក់ជាតិ ថ្នាក់ខេត្តជួយមាមវិធានការទប់ស្កាត់ការជីកមាសបែបអនាធឹបតេយ្យ នឹងសុំអោយថៅកែមាសឈ្មោះ ធី គន្ឋា ទទួលខុសត្រូវនៅចំពោះមុខច្បាប់ ។
លោក ហោ ប៊ុន ហ៊ួរ អភិបាលស្រុករវៀង បានដឹកនាំក្រុមការងារស្រុក យកគ្រឿងឧបភោគបរិភោកនឹងបច្ចយ័យកទៅចូលបុណ្យសព លោក ហោប៊ុនហ៊ួ បានអោយដឹងថា ករណីស្លាប់ជនរងគ្រោះទាំង០២នាក់ មិនទាន់ដឹងថាស្លាប់ដោយសាអ្វីទេ រង់ចាំក្រុមចម្រុះខេត្តក្នុងនោះមានស្ថាបន័អយ្យការអមសាលាដំបូងខេត្ត ចុះមកតាមដានស៉ើបអង្កេតនឹងធ្វើកោសល្យវិច្ចយ័ ដើម្បីអោយប្រកដថាស្លាប់ដោយសាអ្វី ជាមួយគ្នានោះផងដែរ លោក ហោប៊ុនហ៊ួ បានប្តេជ្ញាថា នឹងបង្ក្រាបអោយអស់ការជីកមាសបែបអនាធឹបតេយ្យ មិនទុកអោយសល់លើយ ។មហាជននៅក្នុងស្រុករវៀង តែងតែបានរិះគន់ឥតសំចៃមាត់ទៅមន្ទីរជំនាញ អាជ្ញាធរដែនដី នឹងសម្តកិច្ចថា បណ្តែតបណ្តោយអោយកើតរឿងជីកមាសអនាធឹបតេយ្យ ចុះមកម្តងមិនដែលឃើញបង្ក្រាបបានស្អីជាដុំកំភួន ដោយសាបក្សពួកពុករលួយ ប្រជាពលរដ្ឋរិះគន់បែបនេះ ដោយសាថា អាជ្ញាធរ សមត្ថកិច្ចនឹងមន្ទីរជំនាញ អោយថៅកែជីកមាសធ្វើបានទាល់តែថៅកែនោះជាខ្សែស្រឡាយឬមានលុយសូកប៉ាន់ ទើបប្រកបរបរជីកមាសប្រព្រិតទៅបានស្រួល បើគ្មានបក្សពួកៗគ្មានលុយមិនអាចធ្វើបានលើយ ។
លោក ស៊ន់ ចន្ទរក្សា ប្រធានមន្ទីររ៉ែនឹងថាមពលបានអោយដឹងថា កន្លងមកមន្ទីរជំនាញ ធ្លាប់ចុះទៅអប់រំធ្វើកិច្ចសន្យា អោយបញ្ឈប់ការជីកករកាយរុករករ៉ែមាសដោយខុសច្បាប់ តែពួកគាត់ឈប់បានតែជំនាញចុះទៅដល់ ពេលជំនាញដកពួកគាត់លួចធ្វើដរដែល ការបង្ក្រាបបទល្មើសធនធានធម្មជាតិរ៉ែមាសដូចវែកចកអញ្ជឹងដែរ?៕
