រឿងជះស្រាបៀនៅហាងសមុទ្ររីករាយកញ្ញទេពបូព្រឹក្សប្តឹងទារ១០ម៉ឺនដុល្លារអាមេរិក
21-September-2026 / សន្តិសុខសង្គម
ភ្នំពេញ ៖ នៅព្រឹកថ្ងៃទី២៦ធ្នូននេះ ទេព បូព្រឹក្សតារាចម្រៀងដែលរងការជះស្រាបៀដាក់កាលពីយប់ បានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទឹកល្អក់ទី១ដោយ ប្តឹងមនុស្ស៤នាក់
ទី១. បុរសដែលជះស្រាបៀមកលើរូបនាង ទី២. ម្ចាស់ហាង “សមុទ្រ” ទី៣. អ្នករៀបចំកម្មវិធី និងទី៤. ស្ត្រីម្នាក់ដែលអះអាងថា ជាម្តាយរបស់ជនបង្ក ដែលបានទះកំផ្លៀងអ្នករាំផ្ទាល់ខ្លួននាង ៣ដៃ ដោយទាមទារ សំណង១០ម៉ឺនដុល្លារ អាមេរិក។សំណងដែលនាងទទួលបាន នាងនឹងយកទៅបរិច្ចាគឲ្យមន្ទីរពេទ្យគន្ធបុប្ផា និងកុមារកំព្រា ជាដើម។ប្រភពជិតស្និទ្ធនឹងបុរសចិត្តខ្លាងរូបនោះ បានប្រាប់ថា បុរសអសីលធម៌ដែលបានជះស្រាបៀរលើកញ្ញាទេព បូព្រឹក្ស នោះ មានឈ្មោះក្នុងហ្វេសប៊ុកថា “Ret Pov”។ បុរសរូបនេះគ្រាន់តែជាមិត្តភក្តិជិតស្និទ្ធនឹងម្ចាស់ហាងប៉ុណ្ណោះ គឺមិនមែនជាកូនម្ចាស់ហាងនោះទេ។ ស្រីម្ចាស់ហាងមានឈ្មោះក្នុងហ្វេសប៊ុកជូជូឡេង(JUJU Leng)។
សូមបញ្ជាក់ថាកញ្ញា ទេព បូព្រឹក្ស បានរងនូវអំពើហិង្សាទាំងកណ្តាល យប់នៅទីតាំងភោជនីយដ្ឋានូយីហោ សមុទ្រ នេះគឺស្ថិតនៅជិតមន្ទីរពេទ្យកុមារជាតិ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។ករណីយ៍នេះបានបង្កការភ្ញាក់ផ្អើល ដល់មហាជនបន្ទាប់ពីនាងបង្ហោះវីដេអូរៀបរាប់និង ក៏មានការចែករំលែកយ៉ាងកក្រើកពេញបណ្តាញសង្គមហ្វេសប៊ុក ។មានមហាជន និងអ្នកសិល្បៈខ្មែរស្ទើរមួយប្រទេស ក៏បានរិះគន់យ៉ាងចាស់ដៃ និងទាមទាររកយុត្តិធម៌ជូនកញ្ញា ទេព បូព្រឹក្ស ផងនោះ។
ប្រធានសមាគមសិល្បករខ្មែរអ្នកនាង ចន ច័ន្ទលក្ខិណា បន្ទាប់ពីទទួលបានដំណឹងនិងព័ត៌មានដ៏អយុត្តិធម៌ខាងលើនេះ, យប់មិញនេះនាងក៏បានបញ្ចេញសាររិះគន់និងថ្កោលទោសលើទង្វើខ្វះការពិចារណារបស់កូនថៅកែហាង សមុទ្រ ខាងលើនេះ។ អ្នកនាង ចន ច័ន្ទលក្ខិណា ក៏បានប្រកាសទាមទាររក យុត្តិធម៌និងធានាផ្តល់មេធាវីតាមផ្លូវច្បាប់ដល់កញ្ញា ទេព បូព្រឹក្ស ផងដែរ។ក្រៅពីនេះមានកញ្ញមាសុខសោភាជាពិសេសលោកស្រីញ៉ែមមរតតអនុរដ្ឋលេខាធិការក្រសួងកិច្ចការនារីក៏បានកាន់ជើងកញ្ញាទេពបូព្រឹក្សក្នុងរឿងមួយនេះដែរ។
កញ្ញាទេព បូព្រឹក្សដែលកំពុងស្ថិតនៅក្នុងហេតុការណ៍ខាងលើនេះ នាងបាននិយាយទាំងស្រែកទ្រហោយំបង្កការភ្ញាក់ផ្អើលថា នៅយប់ថ្ងៃកើតហេតុនាងទទួលបានការ អញ្ជើញជាតារាកិត្តិយសដើម្បីចូលរួមចម្រៀងបង្កការសប្បាយរីករាយនៅក្នុងកម្មវិធី Hite X’mas Edition Party ដែលប្រព្រឹត្តទៅនៅភោជនីយដ្ឋាន «សមុទ្រ» រៀបចំឡើងដោយក្រុមហ៊ុនស្រាបៀរហៃ Hite របស់ប្រទេសកូរ៉េចាប់ពីវេលាម៉ោង១០យប់ហើយនៅពេលដែលនាងមកដល់វេលាម៉ោងប្រមាណ៩និង៥០ ក៏ត្រូវបានម្ចាស់ហាងខឹងរហូតឡើងទៅស្តីបន្ទោសនាងដល់លើឆាក។
កញ្ញា ពេទ បូព្រឹក្ស បានបន្តទៀតថា ដោយសារមិនចង់មានបញ្ហាវែងឆ្ងាយហើយណាមួយនាងត្រូវទៅចូលរួមច្រៀងកម្មវិធីមួយទៀតផងនោះ ក៏បាននិយាយសម្រួលសុំថៅកែហាងនិងអ្នករៀបចំកម្មវិធីដើម្បីឡើងច្រៀងនៅម៉ោង១០ជាង ប៉ុន្តែភ្លាមៗនោះថៅកែហាងមិនបាននិយាយតបនាងទេព្រោះខឹងហើយនៅពេលដែលនាងឡើងច្រៀងលើឆាកមិនទាន់បានប៉ុន្មានផង ក៏មានបុរសម្នាក់យកកំប៉ុងស្រាបៀរមកគប់លើនាងធ្វើឲ្យខ្មាសគេទើបបង្កការភ្ញាក់ផ្អើលទាំងយប់តែម្ដង។
ក្រោយកើតហេតុមានហេតុការណ៍នេះឡើង គេក៏សង្កេតឃើញវត្តមានរបស់លោក ជីដេវីត ដែលជាគូស្នេហ៍របស់កញ្ញា ទេព បូព្រឹក្ស បង្ហាញខ្លួននៅទីតាំងកើតហេតុផងដែរ។លោក ជីដេវីត ថែមទាំងបង្ហោះសារនៅលើបណ្តាញសង្គមរបស់ផងដែរថា៖”សម័យឆ្នាំ២០១៨សម័យសន្តិភាពទៅហើយនៅមានមនុស្សធ្វើអំពើហិង្សាលើមនុស្សស្រីទៅកើត . ខ្ញុំសង្ឃឹមយ៉ាងមុតមាំទៅលើច្បាប់ក្រសួងមានសម្ថកិច្ច និងចាប់គាត់មកទទួលខុសត្រូវមុខច្បាប់,កូនចៅសង្ឃឹមយ៉ាងមុតម៉ាំ សង្ឃឹមចេញពីបេះដូង។” “កាយវិការដែលអ្នកឯងធ្វើដាក់គាត់ប្រមាថគាត់ វាធ្វើអោយខ្ញុំឈឺចាប់ណាស់ អាភាពចោលម្សៀតរបស់អ្នកឯងនិងបញ្ចប់អ្នកវិញ ខ្ញុំបាទ ងួន ចាន់ ដេវីត ខ្ញុំនិងរក្សាជំហរយ៉ាងមុតម៉ាំដោយមិនអោយអ្នកឯងរួចខ្លួនឡើយ ច្បាប់និងប្រមាញ់អ្នកឯង ទោះអ្នកឯងមានស្លាបក៏ហោះមិនរួចដែរ”។ទោះជាយ៉ាងណាលោកថៃនរៈសត្យារដ្ឋលេខាធិការក្រសួងវប្បធមិចាត់ទុករឿងចឹងជារឿងធម្មតាបើចង់ឲ្យធំវាធំបើចង់ឲ្យទូចវាទូច!។មិនដឹងថាលោករដ្ឋលេខាធិការកាន់ជើងខាងណាទេ?
