វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1417 នាក់
ម្សិលមិញ 5304 នាក់
សរុប 14140943 នាក់
រាជធានីភ្នំពេញ ៖ អតីតតារាចម្រៀងលោក សាពូន មីដាដា បានប្តូរចិត្ត ដោយបានសម្រេចចិត្តបង្រៀនជំនាញសិល្បៈទៅឲ្យកូនៗរបស់លោកហើយ បន្ទាប់ពីលោកធ្លាប់ប្រកាសជំហរមិនចង់ឲ្យកូនដើរចូលសិល្បៈដូចជាខ្លួនលោកនោះឡើយ។តែបន្ទាប់ពីឃើញកូនស្រីច្បងមានដុងសិល្បៈទទួលបានការគាំទ្រពីមហាជនរហូតទទួលបានលុយថែទាំម្តាយលោកសាពូនបានប្តូចិត្តព្រោះយល់ថាទៅថ្ងៃអនាគតអាជីពមួយនេះក៏អាចជួយទ្រទ្រង់គ្រួសារដែលកំពុងជួរការលំបាកនាពេលនេះ។
ជាមួយនឹងរូបភាពកូនទាំង២នាក់កាន់ឧបករណ៍ហ្គីតា ដែលបានបង្ហោះតាមបណ្តាញសង្គមហ្វេសប៊ុក លោក សាពូន មីដាដា បានភ្ជាប់ជាមួយនឹងសារថា កូនសិស្សថ្មី ចាប់ផ្តើមរៀនពីពេលនេះទៅហើយ ដែលនោះបង្ហាញថា លោកកំពុងតែបណ្តុះកូនៗរបស់លោកឲ្យចេះលេងឧបករណ៍ភ្លេង និងច្រៀងដូចជារូបលោកហើយ។លោក សាពូន មីដាដា ក៏បានបញ្ជាក់ប្រាប់មិត្តភក្តិ ក៏ដូចជាប្រិយមិត្តគាំទ្រដែលបានចូលខំមិនពីក្រោមអ្វីដែលលោកបានបង្ហោះខាងលើនេះដែរ បង្ហាញពីមូលហេតុដែលលោកសម្រេចបណ្តុះជំនាញសិល្បៈដល់កូនរបស់លោកនាពេលនេះថា កូនក្មួយដុកដាន់ចង់រៀនភ្លេងពេក អ៊ីចឹងមានតែបំពេញបណ្តោយ តាមលទ្ធភាពដែលខ្ញុំអាចធ្វើទៅបានតែប៉ុណ្ណោះ។
កន្លងមក លោក សាពូន មីដាដា ធ្លាប់បានប្រកាសជាសាធារណៈដោយភ្ជាប់ជាមួយនឹងវីដេអូកូនស្រីរបស់លោក គឺ សាពូន ដារ៉ាពិមាន លេងហ្គីតា និងច្រៀងថា កូនស្រីមាសឪពុកច្រៀងចម្រៀងផ្ញើមកពុក ឲ្យពុកសណ្តាប់សំរានលក់ស្រួល កូនស្រីដ៏កំសត់របស់ពុក ឆាកជីវិតគឺកំសត់យ៉ាងនេះហើយ គ្រប់រសជាតិជីវិតនឹងជម្រុញឲ្យកូនកាន់តែរឹងមាំ តែរឿងមួយដែលពុកសុំបើអាច គឺមិនចង់ឲ្យកូនដើរលើផ្លូវសិល្បៈដូចឪពុកទេ ៩ឆ្នាំហើយដែលពុកចាកចេញពីវិថីសិល្បៈដោយគ្មានស្តាយស្រណោះបន្តិចឡើយ ចូរកូនរស់ក្នុងជីវភាពដ៏សាមញ្ញមួយ ដោយយកព្រះពុទ្ធ ព្រះធម៌ ព្រះសង្ឃ ជាទីពឹងទីរលឹក រលាស់ខ្លួនចេញពីលោកីយ៍នេះ ទៅរកនិព្វានជាត្រើយសុខចុះកូន ។
គួបញ្ជាក់ថា បន្ទាប់ពីចាប់ដៃរស់នៅជាប្តីប្រពន្ធជាមួយនឹងតារាសម្តែងអ្នកនាង សឿ សុធារ៉ា អស់ជាច្រើនឆ្នាំ អ្នកទាំងពីរបានទទួលចំណងដៃកូនស្រីប្រុសចំនួន២នាក់ នៅមុនពេលអ្នកទាំងពីរសម្រេចចិត្តចែកផ្លូវគ្នា ។ មហាជន លេងបណ្តញសង្គមជាច្រើនបានសម្តែងការអបអរសាទរចំពោះការសម្រេចចិត្តជាថ្មីរបស់លោកសាពូននៅក្នុងការបណ្តុះបណ្តាលកូនៗឲ្យមានជំនាញសិល្បៈដូចជារូបលោកនាពេលនេះ.។អ្នកនាងសឿសុធារ៉ានិងកូនទាំងពីរទទួលបានការគាំទ្រឧបត្ថម្ភពីសប្បុរសជនពិសេសលោកខៀវកាញ៉ារិទ្ធរដ្ឋមន្ត្រីក្រសួងពត៍មានជួយផ្តល់ផ្ទះមួយខ្នងនិងម្ចាស់ដីឡូត៍ជនពិលការបានផ្តល់ដីមយយឡូត៍នៅឃុំធ្លកវៀនស្រុកកំពង់់ទ្រឡាចខេត្តកំពង់ឆ្នាំង១ឡូត៍៕