វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4458 នាក់
ម្សិលមិញ 9706 នាក់
សរុប 14082701 នាក់
បន្ទាយមានជ័យ ៖ សាលាអនុគណក្រុងសិរីសោភ័ណខេត្តបន្ទាយមានជ័យ នៅថ្ងៃទី០៤ខែមិថុនាឆ្នាំ២០១៨នេះបានចេញសេចក្តីអំនាវនាវជូនពត៌មានដល់សាធុជនប្រជាពុទ្ធបរិស័ទទាំងឡាយទាំងពួងក្នុងព្រះពុទ្ធសាសនា សូមកុំទាន់ភ្ញាក់ផ្អើលឆោឡោអារកាត់វិនិច្ឆ័យថ្លឹងថ្លែងសេចក្ដីទៅតាមការយល់ឃើញនៃការបំផុសបំផុលប្រភពពត៌មាន(រឿងចៅអថិការវត្តភ្នំបាក់លើ)តាមបណ្ដាញ facebookឲ្យសោះ
ទុកអាទិភាពនេះឲ្យព្រះមន្ត្រីសង្ឃស្រាវជ្រាវរាវរកដំណោះស្រាយប្រកបដោយគតិយុត្តិត្រឹមត្រូវដោយសន្តិវិធីតាមផ្លូវច្បាប់ព្រះពុទ្ធសាសនាដោយសុក្រឹតយុត្តិធម៌ ព្រោះថា អ្វីៗកើតឡើងមានហេតុនិងបច្ច័យរបស់វាប្រជុំតាក់តែងទើបវាកើតឡើងហេតុនេះសូមរក្សារភាពស្ងប់ស្ងៀមមួយអន្លឺសិនចុះណាកុំទាន់វ៉ៃប្រហារដោយការមិនច្បាស់លាស់ឲ្យសោះណាសូមអរគុណ ។
សូមបញ្ជាក់ថាកាលពីថ្ងៃទី៤ ខែមិថុនា ឆ្នាំ២០១៨នេះ នៅលើបណ្តាញសង្គម Facebook មានការចែកចាយយ៉ាងព្រោងព្រាតករណី ព្រះសង្ឃមួយអង្គ បានបញ្ចេញរូបភាពអាំវ៉ាសែដេកជាមួយនារីម្នាក់ និងអង្គុយធ្វើជាមេខ្លាឃ្លោកទៀតផងបង្កឱ្យផ្ទុះការរិះគន់យ៉ាងចាស់ដៃពីសំណាក់ប្រជាពលរដ្ឋខ្មែរ ដែលកាន់សាសនាព្រះពុទ្ធ ជាពិសេសនោះ អ្នកដែលធ្លាប់បានយកចង្ហាន់ទៅប្រគេន ព្រះសង្ឃតែម្តង ដល់ក្នុងវត្តក៏ដូចូជា ធ្លាប់បានឱ្យព្រះសង្ឃស្រោចទឹកលើកជាតារាសីទៀតផង។ព្រះសង្ឃដែលរងការរិះគន់យ៉ាងព្រោងព្រាត ត្រូវបានគេស្គាល់ថា ជាព្រះចៅអធិការវត្តភ្នំបាក់លើ ស្ថិតនៅសង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ព្រះនាម ព្រះគ្រូសោទរ ស្រិល វណ្ណា ដែលគេដឹងថា ជាព្រះសង្ឃពូកែខាងស្រោចទឹកដ៏ល្បី មានឡានស៊េរីខ្ពស់ជិះនិងស្គាល់មន្ត្រីធូមៗទៀតផង។
អ្នកនាំពាក្យក្រសួងធម្មការ និងសាសនា លោក សេង សុមុនី បានបញ្ជាក់ថា ក្រោមការណែនាំផ្ទាល់ពីសំណាក់ ទេសរដ្ឋមន្ត្រី ហ៊ឹម ឆែម រួចមកលោកបានពិភាក្សាជាមួយគណៈសង្ឃ លើវិធានការមិនលើកលែងឱ្យនោះឡើយ ដែលជាការប៉ះពាល់មុខមាត់យ៉ាងធ្ងន់ធ្ងរ ទៅលើវិស័យសាសនា នៅកម្ពុជា ដែលជាសាសនារបស់រដ្ឋ និងជាការទប់ស្កាត់សកម្មភាពទាំងឡាយរបស់បុគ្គលសង្ឃមួយចំនួន ដែលបានរុញច្រានសាសនារបស់ជាតិកាន់តែធ្លាក់ចុះ។
លោក សួន បរវ អភិបាលខេត្តបន្ទាយមានជ័យ ក៏បានអះអាងផងដែរថា លោកបានចាត់ឱ្យមន្ទីរធម្មការ និងសាសនាខេត្ត បើកប្រជុំគណៈសង្ឃជាបន្ទាន់ ដើម្បីចាត់វិធានការណ៍លើករណីនេះ យ៉ាងម៉ឺងម៉ាត់ជាទីបំផុតផងដែរ។ក្រោយពីបែកថ្លាយរឿងសង្ឃប្រព្រឹត្តអំពើអាវ៉ាសែនេះអ្នកលេងបណ្តាញសង្គមក៏បានរកឃើញស្រីក្មេងសង្ស័យម្នាក់ដែលអាចជាសង្សារសង្ឃកំហូចនេះផងដែរ។មូលហេតុផ្ទុះរឿងត្រូវបានគេសង្ស័យថាមកពីតេជគុណចៅអធិការមានមន្តស្នេហ៍ពេកមានមួយហើយរកមួយទៀត៕